Pagbasa at Pagsusuri

ng Iba’t Ibang Teksto

Tungo sa Pananaliksik
11

1
Filipino – Ikalabing-isang Baitang
Ikatlong Markahan – Modyul 3: Kahulugan,Katangian at Kalikasan ng Iba’t
Ibang Teksto
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring

magkaroon ng karapatang-sipi ang sinuman sa anumang akda ng Pamahalaan ng
Pilipinas. Gayunpaman, kailangan na may pahintulot ng ahensiya o tanggapan ng
pamahalaan na naghanda ng akda kung ito ay pagkakakitaan. Kabilang sa mga
maaaring gawin ng nasabing ahensiya o tanggapan ay ang pagtakda ng kaukulang
bayad.

Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
modyul na ito ay nagtataglay ng karapatang-ari ng mga iyon. Pinagsumikapang
malikom ang mga ito upang makuha ang pahintulot sa paggamit ng materyales. Hindi
inaangkin ng mga tagapaglathala at mga may-akda ang karapatang-aring iyon. Ang
anumang gamit maliban sa modyul na ito ay kinakailangan ng pahintulot mula sa mga
orihinal na may-akda.

Walang anumang bahagi ng nilalaman nito ang maaaring kopyahin o ilimbag sa

anumang paraan nang walang pahintulot sa kagawaran.

Inilathala ng Kagawaran ng Edukasyon Dibisyon ng Lungsod ng Pasig.

Komite sa Pagsulat ng Modyul

Manunulat: Jerwin G. Villa, PhD
Editor: Vida Bianca M. Laus
Tagasuri: Eva J. Ompoc. EdD
Tagaguhit:
Tagalapat:
Tagapamahala: Ma. Evalou Concepcion A. Agustin
OIC-Schools Division Superintendent
Aurelio G. Alfonso EdD
OIC-Assistant Schools Division Superintendent
Victor M. Javeña EdD
Chief, School Governance and Operations Division and
OIC-Chief, Curriculum Implementation Division

Education Program Supervisors

Librada L. Agon EdD (EPP/TLE/TVL/TVE)

Liza A. Alvarez (Science/STEM/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)
Inilimbag sa Pilipinas, Kagawaran ng Edukasyon – Pambansang Punong Rehiyon
Tanggapan ng mga Paaralan ng Sangay-Lungsod Pasig

2
 Pagbasa at Pagsusuri ng Iba’t
Ibang Teksto Tungo sa
Pananaliksik
11

Ikatlong Markahan
Modyul para sa Sariling Pagkatutuo
Kahulugan, Katangian at Kalikasan ng Iba’t Ibang
Teksto
Manunulat: Jerwin G. Villa, PhD
Editor: Vida Bianca M. Laus / Tagasuri: Eva J. Ompoc. EdD

3
Paunang Salita

Para sa tagapagdaloy:
Malugod na pagtanggap sa Pagbasa at Pagsusuri ng Iba’t Ibang Teksto Tungo sa
Pananaliksik (Baitang 11) Modyul 3 para sa araling Kahulugan,Katangian at
Kalikasan ng Iba’t Ibang Teksto
Ang modyul na ito ay pinagtulungang idinisenyo, nilinang at sinuri ng mga
edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa
Lokal na Pamahalaan ng lungsod sa pamumuno ng butihing Punong Lungsod, Kgg.
Victor Ma. Regis N. Sotto, upang matulungang makamit ng mag-aaral ang
pamantayang itinakda ng Kurikulum ng K to12 habang kanilang pinanagumpayan
ang pansarili, panlipunan at pang-ekonomikong hamon sa pag-aaral.

Inaasahan na sa pamamagitan ng modyul na ito, ang mga mag-aaral ay

makauugnay sa pamamatnubay at malayang pagkatuto ng mga gawain ayon sa
kanilang kakayahan, bilis at oras. Naglalayon din itong matulungan ang mag-aaral
na makamit ang mga kasanayang pang-ika-21 siglo lalong-lalo na ang 5 Cs
(Communication, Collaboration, Creativity, Critical Thinking and Character) habang
isinasaalang-alang ang kanilang mga pangangailangan at kalagayan.

Bilang karagdagan sa pangunahing teksto, makikita ang pinakakatawan ng

modyul sa loob kahong ito:

Mga Tala para sa Guro

Ito'y naglalaman ng mga paalala at
estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang

mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.

4
Para sa mag-aaral:

Malugod na pagtanggap sa Pagbasa at Pagsusuri ng Iba’t Ibang Teksto Tungo

sa Pananaliksik-Filipino 11 Modyul 3 ukol sa Kahulugan, Katangian at Kalikasan
ng Iba’t Ibang Teksto

Ang modyul na ito ay ginawa bilang tugon sa iyong pangangailangan.

Layunin nitong matulungan ka sa iyong pag-aaral habang wala ka sa loob ng silid-
aralan. Hangad din nitong madulutan ka ng mga makabuluhang oportunidad sa
pagkatuto.

Ang modyul na ito ay may mga bahagi at icon na dapat mong maunawaan.

MGA INAASAHAN
Sa bahaging ito malalaman mo ang mga dapat mong
matutuhan pagkatapos mong makumpleto ang modyul.

PAUNANG PAGSUBOK
Dito masusukat ang dati mo nang kaalaman at mga dapat mo
pang malaman sa paksa.

BALIK-ARAL
Dito masusukat ang iyong matutuhan at naunawaan sa mga
naunang paksa.

ARALIN
Tatalakayin sa bahaging ito ang aralin batay sa kasanayang
pampagkatuto.

MGA PAGSASANAY
Sa bahaging ito, pagbibigay ng guro ng iba’t ibang pagsasanay
na dapat sagutin ng mga mag-aaral.

PAGLALAHAT
Sa bahaging ito ibinuod ang mahahalagang konsepto na dapat
bigyang-halaga.

PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay at nailalapat sa inyong mga
pagpapahalaga.

PANAPOS NA PAGSUSULIT
Dito masusukat ang mga natutuhan ng mga mag-aaral.

5
 MGA INAASAHAN
Matapos na maunawaan ang modyul, ikaw ay inaasahang:
A. nakikilala ang kahulugan,katangian at kalikasan ng iba’t ibang teksto;
B. natutukoy ang mahahalagang salitang ginamit ng iba’t ibang uri ng
teksto; at
C. napahahalagahan ang mga susing salita sa pagsusuri ng iba’t ibang uri
ng teksto;

PAUNANG PAGSUBOK

Panuto:Piliin sa Hanay B ang tinutukoy na katangian ng teksto sa

Hanay A. Isulat sa sagutang papel ang titik ng tamang sagot.

Hanay A Hanay B
1.Impormatibo A. Pagkakasunud-sunod na direksiyon
at impormasyon.
2.Deskriptibo B. Pangongolekta at ebalwasyon ng mga
ebidensiya.
3.Persuweysib C. Pagpapaliwanag at pagbibigay ng ng
mga impormasyon.
4.Naratibo D. Paglalarawan ng isang bagay, tao,
karanasan, sitwasyon at iba pa.
5.Argumentatibo E. Pangungumbinsi sa mga mambabasa
na sumang-ayon sa manunulat hinggil
sa isang isyu.
6.Prosidyural F. Pagsasalaysay o pagkukuwento sa isang
tiyak na pangyayari, totoo man o hindi.

BALIK-ARAL
Panuto: Tukuyin kung Tama o Mali ang mga katangian sa mga kasanayan
sa mapanuring pagbasa. Isulat ang sagot sa sagutang papel.

1. Bago magbasa,sabay-sabay na pinagagana ng mambabasa ang iba’t

ibang kasanayan upang lubusang maunawaan ang teksto.
2. Bago magbasa, inuugnay sa inisyal na pagsisiyasat ang mga imbak at
kaligirang kaalaman upang lubusang masuri kung anong uri ng teksto
ang babasahin.

6
 3. Pagkatapos magbasa, malalim na inuunawa at inaalala sa teksto ang
pagbuo ng sintesis at ebalwasyon.
4. Sinisimulan ang pagsisiyasat ng tekstong babasahin pagkatapos
magbasa.
5. Habang nagbabasa at nagkakaroon ng pagsusuri nang panlabas na
katangian ng teksto ay mahalaga upang malaman ang estratehiya sa
pagbasa batay sa uri ng genre ng teksto o kung kinakailangan ba ito
ayon sa itinakdang layunin ng pagbasa

ARALIN
Kahulugan, Katangian at Kalikasan ng Iba’t Ibang Teksto
Ayon sa aklat nina Sicat et.al (2016), sa pagsusuri, may mga iba’t
ibang uri ng teksto na dapat nating kilalanin. Ito ay mga sumusunod:

Impormatibo. Ito ay tinatawag ding ekspositori, ay isang anyo ng

pagpapahayag na naglalayong magpaliwanag at magbigay ng impormasyon.
Kadalasang sinasagot nito ang mga batayang tanong na ano, kailan, saan,
sino, at paano. Pangunahing layunin ng impormatibong teksto ang
magpaliwanag sa mga mambabasa ng ano mang paksa na matatagpuan sa
tunay na daigdig.
Ang ilang tiyak na halimbawa ng tekstong impormatibo ay biyograpiya,
mga impormasyon na matatagpuan sa diskyunaryo, encyclopedia, o
almanac, papel-pananaliksik sa mga journal, siyentipikong ulat, at mga
balita sa diyaryo.
Mahalaga ang pagbabasa ng mga tekstong nagbibigay ng impormasyon
sapagkat napauunlad nito ang iba pang kasanayang pangwika gaya ng
pagbabasa, pagtatala, pagtukoy ng mahahalagang detalye,
pakikipagtalakayan, pagsusuri, at pagpapakahulugan ng impormasyon.
Upang mas madaling maunawaan ang ano mang tekstong impormatibo,
kadalasang gumagamit ang manunulat ng iba’t ibang pantulong upang
gabayan ang mga mambabasa na mabilis na hanapin ang iba’t ibang
impormasyon. Kabilang dito ang talaan ng nilalaman, indeks, at glosaryo
para sa mahahalagang bokabularyo, mga larawan at ilustrasyon, kapsyon, o
iba pang uri ng palatandaan para sa mga larawan, graph, at talahanayan.

Halimbawa:
1. Dahil sa kagandahan ng Pilipinas, lumilitaw ang pag-usbong ng turismo
sa bansa. Dumarami ang mga turistang bumibisita sa rito.
2. Ang pagkakaroon ng isang mataas at matibay na edukasyon ay isang
saligan upang mabago ang takbo ng buhay ng isang tao bilang bahagi ng

7
 lipunan tungo sa pagkakaroon ng isang masaganang ekonomiya. Mataas
na edukasyon na hindi lamang binubuhay ng mga aklat o mga bagay na
natutuhan sa paaralan.

Deskriptibo. Ito ay may layuning maglarawan ng isang bagay, tao, lugar,

karanasan, sitwasyon, at iba pa. Ang uri ng sulating ito ay nagpapaunlad sa
kakayahan ng mag-aaral na bumuo at maglarawan ng isang partikular na
karanasan.
Sa isang tekstong deskriptibo, pinatitingkad ng mahusay na
paglalarawan ang kulay ng isang lugar kung saan nangyayari ang kuwento.
Ipinakikilala nito ang hitsura, ugali, at disposisyon ng mga tauhan.
Pinatatatag ng paglalarawan ang ano mang porma ng sulatin kung
mahusay at angkop ang pagkagamit nito. Samakatuwid, mahalagang gamit
ng deskripsyon ang pagkuha sa atensyon ng mambabasa upang
maipaliwanag ang oryentasyon ng isang malikhaing akda.

Halimbawa:
1. Kumakatawan sa Mutya ng Pasig ang mga kababaihan, ang idealismo ng
pagkaperpekto sa lahat ng aspeto na ehemplo ng katapatan, tapat na
kalooban at kagandahan ng Lungsod ng Pasig.
2. Ang katawan ng tubig ng Ilog Pasig sa magkabilang panig ng babae ay
mungkahi na nagkokonekta sa dalawang anyong tubig, Lawa ng
Laguna at Manila Bay na magkaparehong inilalarawan sa pamamagitan
ng alon.
Argumentatibo ay isang uri ng teksto na nangangailangang ipagtanggol
ng manunulat ang posisyon sa isang tiyak na paksa o usapin gamit ang
mga ebidensiya mula sa personal na karanasan, kaugnay na mga literatura
at pag-aaral, ebidensiyang kasaysayan, at resulta ng empirikal na
pananaliksik.
Nangangailangan ang pagsulat ng tekstong argumentatibo ng masusing
imbestigasyon kabilang na ang pangongolekta at ebalwasyon ng mga
ebidensiya. Mula rito ay paninindigan ang isang posisyon na isusulat sa
maikli ngunit malaman na paraan. Sa pamamagitan ng detalyadong pag-
aaral sa paksa o isyu, mas nauunawaan ang iba’t ibang pananaw o punto
de bista at nakapipili ang mananaliksik ng posisyong may matibay na
ebidensiya.

Halimbawa:
1. Dahil sa kagandahan ng Pilipinas, lumilitaw ang pag-usbong ng turismo
sa bansa. Dumarami ang mga turistang bumibisita sa rito.
2. Ang pagkakaroon ng isang mataas at matibay na edukasyon ay isang
saligan upang mabago ang takbo ng buhay ng isang tao bilang bahagi ng

8
 lipunan tungo sa pagkakaroon ng isang masaganang ekonomiya. Mataas
na edukasyon na hindi lamang binubuhay ng mga aklat o mga bagay na
natutunan sa paaralan.

Prosidyural.Ito ay isang uri ng paglalahad na kadalasang nagbibigay ng

impormasyon at instruksyon kung paanong isasagawa ang isang tiyak na
bagay. Nagagamit ang pang-unawa sa mga tekstong prosidyural sa halos
lahat ng larang ng pagkatuto.
Mahalaga ang mahusay na pang-unawa sa mga tekstong prosidyural sa
pagtatrabaho kung saan karaniwan na ang iba’t ibang manuwal upang
panatilihin ang kaligtasan sa kompanyang pinagtatrabahuhan, kung
paanong pagaganahin ang isang kasangkapan, at pagpapanatili ng maayos
na pagsasagawa ng operasyon sa pamamagitan ng mga protokol. Ang
protokol ay isang uri ng tekstong prosidyural na nagbibigay ng gabay at mga
paalala na maaaring hindi nakaayos nang magkakasunod.
Nilalaman ng bahaging ito kung ano ang kalalabasan o kahahantungan
ng proyekto. Maaaring ilarawan ang mga tiyak na katangian ng isang bagay
o kaya ay katangian ng isang uri ng trabaho o ugaling inaasahan sa isang
empleyado o mag-aaral kung susundin ang mga gabay.

Halimbawa:
Pagsasaing
1. Magtakal ng bigas at ilagay sa kaldero ayon sa tamang dami.
2. Hugasan ang bigas ng dalawang ulit.
3. Isalang sa kalan ang kaldero at hintaying maluto.
4. Ihain habang mainit.

Naratibo. Ito ay upang magsalaysay o magkuwento batay sa isang tiyak

na pangyayari, totoo man o hindi. Maaaring ang salaysay ay personal na
naranasan ng nagkukuwento, batay sa tunay na pangyayari o kathang-isip
lamang. Maaaring ang paksa ng salaysay ay nakabatay sa tunay na daigdig
o pantasya lamang.
Ang tekstong naratibo ay nagkukuwento ng mga serye ng pangyayari na
maaaring piksiyon (nobela, maikling kuwento, tula) o di-piksiyon (memoir,
biyograpiya, balita, malikhaing sanaysay). Kapuwa gumagamit ito ng wikang
puno ng imahinasyon, nagpapahayag ng emosyon, at kumakasangkapan ng
iba’t ibang imahen, metapora, at simbolo upang maging malikhain ang
katha.

Halimbawa:
Ang mga tekstong pinamagatang “Talambuhay ni Rizal” at “Ang Alamat
ng Lanzones”

9
 Persuweysib. Ito ay isang uri ng di-piksiyon na pasulat upang
kumbinsihin ang mga mambabasa na sumang-ayon sa manunulat hinggil
sa isang isyu. Ang manunulat ay naglalahad ng iba’t ibang impormasyon at
katotohanan upang suportahan ang isang opinyon gamit ang
argumentatibong estilo ng pagsulat.
Sa pagsulat ng tekstong ito, hindi dapat magpahayag ng mga personal na
at walang batayang opinyon ang isang manunulat. Sa halip ay gumagamit
ang manunulat ng mga patunay mula sa batayang ito upang mapaniwala
ang mga mambabasa sa talas at katumpakan ng panghihikayat ng
manunulat.

Halimbawa:
1. Patalastas sa radyo at telebisyon
2. Talumpati ng mga kandidato tuwing nangangampanya bago ang
eleksyon.

PAGSASANAY

A. Panuto: Tukuyin kung Tama o Mali ang sumusunod na pangungusap.

Isulat ang sagot sa sagutang papel.
1. Upang mas madaling maunawaan ang ano mang tekstong impormatibo,
kadalasang gumagamit ang manunulat ng iba’t ibang pantulong upang
gabayan ang mga mambabasa na mabilis na hanapin ang iba’t ibang
impormasyon.
2. Sa tekstong diskriptibo, gumagamit ang manunulat ng iba’t ibang
pantulong upang gabayan ang mga mambabasa na mabilis na hanapin
ang iba’t ibang impormasyon.
3. Maaaring ang paksa ng salaysay ay nakabatay sa tunay na daigdig o
pantasya lamang.
4. Mahalaga ang mahusay na pag-unawa sa mga tekstong argumentatibo
sa pagtatrabaho kung saan karaniwan na ang iba’t ibang manuwal
upang panatilihin ang kaligtasan sa kompanyang pinagtatrabahuhan,
kung paanong pagaganahin ang isang kasangkapan, at pagpapanatili ng
maayos na pagsasagawa ng operasyon sa pamamagitan ng mga protokol.
5. Sa isang tekstong deskriptibo, pinatitingkad ng mahusay na
paglalarawan ang kulay ng isang lugar kung saan nangyayari ang
kuwento.

10
B. Panuto: Piliin sa loob ng kahon ang mga salitang kukumpleto sa
sumusunod na pangungusap. Isulat ang titik ng tamang sagot sa sagutang
papel.
A. angkop B. magpaliwanag C. pag-unawa
D. imbestigasyon E. ebidensiya

1. Pangunahing layunin ng impormatibong teksto ang___________sa mga

mambabasa ng ano mang paksa na matatagpuan sa tunay na daigdig.
2. Pinatatatag ng paglalarawan ang ano mang porma ng sulatin kung
mahusay at_____ ang pagkagamit nito.
3. Sa pamamagitan ng detalyadong pag-aaral sa paksa o isyu, mas
nauunawaan ang iba’t ibang pananaw o punto de bista at nakapipili
ang mananaliksik ng posisyong may matibay na_____________.
4. Nangangailangan ang pagsulat ng tekstong argumentatibo ng
masusing__________ kabilang na ang pangongolekta at ebalwasyon ng
mga ebidensiya.
5. Nagagamit ang_______ sa mga tekstong prosidyural sa halos lahat ng
larang ng pagkatuto.

C. Panuto: Tukuyin kung anong uri ng teksto ang mga sumusunod na

piniling bahagi sa mga babasahin. Piliin sa loob ng kahon ang titik at isulat
ito sa sagutang papel.

A. Impormatibo B. Persweysib C. Deskriptibo

D. Naratibo E. Argumentatibo F. Prosidyural

1. Sampaguita ang pambansang bulaklak ng Pilipinas.

2. Ipinanganak si Jose P. Rizal noong Hunyo 19, 1861 sa Calamba, Laguna.
Pinatay siya ng mga Espanyol noong Disyembre 30,1896 sa Bagumbayan.
3. Tila isang abandonadong lugar ang kaniyang silid dahil sa sobrang dumi.
4. Nararapat lamang na parusahan ng mga magulang ang mga anak nilang
pasaway upang maturuan ng displina at maging mabuti.
5. Hatiin sa apat ang papel at gupitin nang maliliit na piraso. Idikit ito
sa isang malinis na bond paper upang makabuo ng mosaic.
6. Kung barado na ang inidoro, lumapit na sa lagi ninyong malalapitan.
Malabanan septic tank cleaner. Palaban sa bara.
7. Ipinalabas noong Hulyo 31, 2019 ang pelikulang Hello, Love, Goodbye na
pinagbibidahan nina Alden Richards at Kathryn Bernardo. Ito rin ang
itinanghal na pinakapinanood na pelikulang Pilipino sa kasaysayan.
8. Pindutin ang windows icon at i-type sa search bar ang Microsoft Office.
Piliin ang Word at maaari nang gumawa ng dokumento.
9. Pinasimulan ng pamahalaang Duterte ang laban kontra iligal na droga.
10. Kumukutitap na ang mga ilaw sa napakagandang bahay nina
Jonas.

11
 PAGLALAHAT

Panuto: Punan ang patlang upang mabuo ang mga kaisipan. Isaalang-alang
ang mga pamantayan sa ibaba at isulat ang sagot sa sagutang papel.

Ang iba’t ibang uri ng teksto ay ang mga ____________________________

__________________________________________________________________________
__________________________________________________________________________
Ang mga katangian nito ay_____________________________________________
___________________________________________________________________________
___________________________________________________________________________
___________________________________________________________________________
Samantalang ang pagkakaiba at pagkakatulad ng mga ito ay _______________
___________________________________________________________________________
___________________________________________________________________________
___________________________________________________________________________

Pamantayan Puntos Iskor

1. Malinaw ang mga kaisipan. 30%
2. Malinis at mahusay ang pagkakagawa. 20%
3. Makatotohan at mapanghamong kaisipan. 30%
4. Mahusay ang paggamit ng wika at angkop ang 20%
tono ng pananalita.
Kabuoan 100%

PAGPAPAHALAGA
Panuto: Punan ang sumusunod na patlang upang mabuo ang kaisipan.
Isulat ang sagot sa sagutang papel.
Sa pagbasa at pagsusuri ng iba’t ibang teksto, mahalaga na _________
___________________________________________________________________________
___________________________________________________________________________
Sapagkat sa araling ito, nadama ko na ____________________________________
___________________________________________________________________________
___________________________________________________________________________
Napagtanto ko na magagamit ko ito sa aking pang-araw-araw na pagbabasa
dahil______________________________________________________________________
___________________________________________________________________________
___________________________________________________________________________

12
 Pamantayan Puntos Iskor
1. Malinaw ang mga kaisipan 30%
2. Masining ang pagkakabuo ng talata 20%
3. Makatotohan at mapanghamong kaisipan 30%
4. Mahusay ang paggamit ng wika at angkop ang 20%
tono ng pananalita
Kabuuan 100%

PANAPOS NA PAGSUSULIT
I. Panuto: Punan ang mga patlang upang mabuo ang diwa nito. Piliin sa
kahon ang mga sagot at isulat ang titik sa sagutang papel.

A. magpaliwanag B. manlibang
C. imbestigasyon D. eksposisyon
E. personal F. Persweysib
G. Prosidyural H. Argumentatibo
I. Impormatibo J. Deskriptibo

1. Pangunahing layunin ng impormatibong teksto ang ____________ sa

mga mambabasa ng ano mang paksa na matatagpuan sa tunay na
daigdig.
2. Ang deskriptibo ay isang uri ng paglalahad at naisasagawa sa
pamamagitan ng mahusay na __________.
3. Sa pagsulat ng tekstong persweysib,hindi dapat magpahayag ng mga
__________ at walang batayang opinyon ng isang manunulat.
4. Ang tekstrong naratibo ay may layuning __________ o magbigay-aliw
sa mambabasa.
5. Nangangailangan ang pagsulat ng tekstong argumentatibo ng
masusing ________________ at ebalwasyon ng mga ebidensiya.
6. Ang tekstong_______________ ay naglalahad ng kuro - kuro, pananawat
paniniwala ukol sa isang isyung mahalaga o maselan.
7. Ang tekstong_________ ay naglalarawan at karaniwang naglalaman ng
mga impormasyon ukol sa katangian ng bagay, lugar, pangyayari at tao.
8. Ang tekstong ____________ ay naglalayong humikayat ng mga mambabasa
o tagapakinig.
9. Ang tekstong __________ ay nagpapakita ng pagkakasunod- sunod ng mga
hakbang, pahayag, o pangyayari. Ito ay karaniwang tumutugon sa
tanong na paano.
10. Ang tekstong__________ ay nagbibigay ng tiyak na impormasyon ukol sa
isang tao, bagay, lugar at pangyayari.

13
 SUSI SA PAGWAWASTO

Sanggunian
Aklat:

Sicat-De Laza C., Batnag A.,2016 Pagbasa at Pagsusuri ng Iba’t Ibang Teksto
tungo sa Pananaliksik Quezon City: Rex Printing Company, Inc.

Hanguang Elektroniko:

https://gade.wordpress.com/tag/maikling-sanaysay/

14