(Para sa mga uri ng puwesto ng guwardiya gaya ng planta o ‘factory’, o anumang pasilidad na nasa loob ng ‘compound’ o ‘complex’)
I. Mga Espisipikong Gawain ng ‘Patrol Guard’ (kung mayroon ng ganitong
klaseng guwardiya sa puwesto):
a. Manatili lamang sa takdang puwesto kung hindi pa umiikot. Huwag
makipagkumpulan sa ibang mga guwardiya na nasa ibang puwesto ganoon din sa mga empleyado; b. Umupo lamang habang may isinusulat ngunit kung may ‘owner-client’, ‘manager’ o sinumang opisyal o bisita sa paligid ay tumayo at manatiling nakatayo bilang pagbibigay-galang. Sumaludo ng matikas o batiin ng naaayon sa oras ang nakitang indibidwal; c. Mag-ikot sa loob ng ‘production area’ at sa kabuuan ng ‘compound’ oras-oras. Kinakailangan na may dalang ‘tickler’ o maliit na ‘notebook’ at ‘black ballpoint pen’ habang nag-iikot; d. Ang ‘service firearm’, ‘logbook’ o ‘logsheets’, mga ‘attendance forms’, mga iba't- ibang klase ng ‘reports’ saka mga susi ay nararapat na laging nasa nakakandadong lalagyan o nasa iyong pangangalaga at hindi dapat na makikita o mahahawakan o makukuha ninuman; e. Sitahin ng magalang ang mga walang ‘PPEs’ o ‘hairnets” / walang suot na akmang sapatos / naka-‘shorts’ / may pagkain sa ibabaw ng mesa / may katamtaman ang laki ng bag sa paligid / may kape o ‘chocolate drink’ o ‘juices’ na nasa baso o anumang lalagyan / gumagamit ng ‘cellular phone’ habang nasa loob ng ‘production area’ / kumakain ng mani o ‘biscuit’ o anupaman; f. Sitahin ng magalang ang mga empleyado na kumakain o naninigarilyo ng wala pa sa takdang oras ng ‘break’ ganoon din ang mga empleyado na wala sa kanilang mga kaukulang lugar sa oras ng gawain; g. Sa buong panahon ng pananatili sa loob ng ‘compound’ o pasilidad, ang lahat ng empleyado ay nararapat na suot lagi na ang kani-kanilang ‘company ID cards’ samantalang ang mga aplikante, ‘extra’, tauhan ng mga ‘contractors/suppliers’ at mga bisita ay nararapat na suot lagi na ang mga kaukulang ‘visitors access control tags’; h. May takdang lugar kung saan dapat na manigarilyo; i. Sitahin ng magalang ang mga empleyado na lumalabag sa mga patakaran at alituntunin ng kumpaniya; j. Gumawa ng ‘information/incident report’ depende sa kung ano ang nasaksihan kung kinakailangan. Idaan muna ang ‘report’ opisyal ng inyong Ahensiya bago ito i-‘submit’ sa ‘HRD Office’ o sa ‘Security Department Office’; k. Habang nasa panahon ng ‘production hours’, hindi dapat na naka-‘padlock’ ang mga ‘gates’ (‘main gate’ / ‘pedestrian gate’ / ‘back gate’ / ‘side gate’) ngunit siguraduhin na ang mga ito ay nakatarangka. Ang mga ‘padlocks’ ay dapat nasa ‘guardhouse’ at ibabalik lamang sa mga dating kinalalagyan pagkatapos na magsipag-uwian ang mga empleyado. Siguraduhin na nakakandadong mabuti ang mga ‘padlocks’. Ang mga susi ay dapat na ibalik at nakatago sa loob ng naila-‘lock’ na ‘key cabinet’; l. Sa lahat ng oras, dapat ay naka-‘padlock’ ang mga ‘generator set room’ / ‘boiler room’ / ‘gasoline storage room’ / ‘electrical room’ / ‘chemical storage room’ upang hindi ito pasukin ng mga nagnanais na gumawa ng masama; m. Anumang pangyayari na nakita o nadinig o naamoy o nalasahan o naramdaman ay dapat na isinusulat sa ‘logbook’ at kung ito ay hindi pang-karaniwan, bukod sa isusulat ito sa ‘logbook’ ay dapat na isulat din ito sa ‘information/incident report form’; n. Sa pag-iikot pagkatapos na magsipag-uwian ang mga empleyado, i-‘check’ kung may mga nakasaksak pang mga kurdon ng ‘electrical appliances’ at kung mayroon, ito ay hugutin. I-‘check’ din ang estado ng mga ‘fire extinguishers’ at saka ‘water drums’, kung ano ang mga nakalagay sa basurahan o sa ‘wastage compartment area’ at kung ano ang nababasa mong metro ng ‘deep well’ at isulat sa ‘logbook’ ang anumang iyong nakita at gumawa ng ‘information report’ kung kinakailangan; o. Kung sa isang partikular na sitwasyon ay hindi mo batid kung ano ang nararapat mong gawin ay huwag mag-atubiling makipag-ugnayan agad sa opisyal ng inyong Ahensiya; p. Sa pagtupad ng tungkulin ay wala kang dapat pangilagan kung hindi ang may-ari ng kumpanya at ang ‘Manager’ na binigyan ng atas na mangasiwa sa mga guwardiya; at q. Kung ang sinumang ‘Managers’ mismo ang gumagawa ng labag sa alituntunin ng kumpanya ay iulat ito ng pormal sa opisyal ng Ahensiya bago sa may-ari ng kumpanyang binabantayan.