BATAYANG GABAY SA TAMANG GAWAIN NG GUWARDIYA

(Para sa mga uri ng puwesto ng guwardiya gaya ng planta o ‘factory’, o anumang pasilidad
na nasa loob ng ‘compound’ o ‘complex’)

I. Mga Espisipikong Gawain ng ‘Gate Guard’:

a. Manatili lamang sa takdang puwesto kung wala pang ginagampanang ibang

gawain. Huwag makipagkumpulan sa ibang mga guwardiya na nasa ibang
puwesto ganoon din sa mga empleyado;
b. Umupo lamang habang may isinusulat ngunit kung may ‘owner-client’, ‘manager’
o sinumang opisyal o bisita sa paligid ay tumayo at manatiling nakatayo bilang
pagbibigay-galang. Sumaludo ng matikas o batiin ng naaayon sa oras ang nakita o
kaharap na indibidwal;
c. Kung may kumatok o bumusina sa harap ng ‘gate’, sumilip muna sa ‘CCTV
monitor’ o sa ‘peek hole’ o sa ‘convex mirror’ at isagawa ang mga nararapat bago
ito buksan;
d. Mahigpit na ipatupad ang ‘No ID, No Entry Policy’ sa lahat ng empleyado. Kung
baguhang empleyado, siya ay dapat na mayroong ‘filled-out’ na ‘New Hire Form’
mula sa ‘HR Department’ bago siya papasukin. Kung wala siya ng ganitong
dokumento ay tawagan at i-klaro ito sa ‘HR Department’. Anumang bilin ng
nakausap ay i-‘log’ ito at papirmahin siya sa ‘logbook’ upang hindi masisi sa
bandang huli bago papasukin ang empleyado. Sitahin din sa magalang na paraan
ang mga empleyado na wala sa maayos na kasuotan;
e. Isa-isang papasukin sa bahagyang nakabukas na ‘pedestrian gate’ ang mga
empleyado habang hawak mabuti ang tarangkahan ng ‘gate’. Tingnan ang bawat
isang pumapasok. Huwag hahayaang naka-awang at iiwanan ang ‘gate’ na
nakabukas. Baka may manamantala ng pagkakataon;
f. Kung ‘late’ na ang isang partikular na empleyado ayon sa itinakdang oras ng ‘HR
Department’, siya ay papirmahin sa ‘logbook’ imbes na mag-‘in’ sa ‘bundy clock’
o ‘biometrics device’;
g. Siyasatin sa magalang na paraan ang mga daladalahan pati na ang katawan ng
empleyado. Hindi dapat na maipasok sa loob ng ‘production area’ ang pagkain,
mga ibinebentang pagkain o anumang bagay, anumang inumin na may kulay,
‘cellular phone’ o anumang kauri nito, anumang patalim o nakamamatay na
sandata o bagay. Bigyan ng ‘cellular phone deposit tag’ ang empleyado at itago
ang kaniyang ‘cellular phone’ o anumang kauri nito sa ‘cabinet’ at i-‘lock’ ito.
Huwag pakikialaman ang ‘cellular phone’ o anumang kauri nito. Kung may
inilabas na ‘bag’ mula sa sasakyan o ‘compartment’ ng motorsiklo na
pinahintulutang makapag-‘park’ sa loob ng ‘compound’ ay dapat na siyasatin din
ito;
h. Kung dis-oras na ng gabi at wala ng dapat pang gawin sa loob ang isang
empleyado pati na ang kapuwa guwardiya na-‘off duty’ o sa ibang ‘post’
naka-‘assign’ na nagnanais pa rin na pumasok sa loob ng ‘compound’ o ‘building’
ay huwag itong payagan. Huwag din siyang pagbubuksan ng ‘gate’;
i. Narito ang mga pagkakasunod-sunod ng mga dapat gawin sa pagtanggap ng
bisita:
 Sa pagkatok sa ‘gate’ o pagbusina ng sinoman sa harap ng ‘gate’ ay
sumilip muna sa ‘peek hole’ at alamin kung sino ang nasa labas ng
‘gate’.
 Kung kakilala na ang tao ay buksan ang ‘gate’ at sila ay papasukin.
 Kung hindi pa kakilala, kausapin ang ‘pedestrian’ sa pamamagitan ng
‘peekhole’. Batiin sila ng naaayon sa oras at tanungin muna kung ano
ang kailangan at/o sino ang nais na puntahan. Kung nasa loob ng
sasakyan ay lumabas ka ng ‘compound’ at lapitan ang bisita. Batiin
sila ng naaayon sa oras at tanungin muna kung ano ang kailangan at/o
sino ang nais na puntahan.
  Alamin ang kaniyang pangalan at kumpanya na niri-representa.
 Buksan ng bahagya ang ‘gate’ kung ‘pedestrian’ at humingi ng ‘valid
ID card’. Kung nasa loob ng sasakyan ay hingan din ng ‘valid ID card’
sa iyong paglapit sa kaniya.
 I-‘hold’ muna ang bisita sa labas ng ‘gate’ at sabihin na aalamin mo
muna kung nasa loob ang taong hinahanap.
 Magbigay ng galang sa pagsasarado pansamantala ng ‘gate’.
 Tawagan sa pamamagitan ng ‘intercom’ o ‘landline phone’ o ‘cellular
phone’ ang tao na hinahanap at tanungin kung nais ba niya na
papasukin ang taong naghahanap sa kaniya.
 Kapag umayon ang empleyado ay papasukin ang bisita at pagsulatin sa
‘visitors’ log sheet’. Kung may sasakyan at kabilang siya sa mga
puedeng mai-‘park’ ang sasakyan sa loob ng ‘compound’ ay payagan
ito. Kung hindi ay magalang na gabayan ito kung saan puedeng
pumarada sa labas ng ‘compound’.
 Ang mga awtoridad (kakilala man o hindi pa) gaya ng pulis pati na ang
mga taga-‘SOSIA’ o ‘RCSU’, bumbero, taga-‘Customs’, taga-‘NBI’,
taga-‘Immigration’ at iba pang ‘government officials’ ay marapat lang
din na isailalim sa proseso. Ipaalam muna sa nakatataas ang kanilang
presensiya at hingin ang pahintulot bago sila papasukin sa loob ng
‘compound’.
 Siyasatin sa magalang na paraan ang kaniyang mga daladalahan. Hindi
dapat na maipasok sa loob ang anumang patalim o nakamamatay na
sandata o bagay. Kung may inilabas na ‘bag’ mula sa sasakyan na
pinahintulutang makapag-‘park’ sa loob ng ‘compound’ ay siyasatin
din ito.
 Ang hininging ‘valid ID card’ ay tumbasan ng ‘visitors’ access control
tag’ at ipasuot sa kaniya.
 Iipit ang kaniyang ‘ID card’ sa ka-‘partner’ ng ‘visitors’ access control
tag’ at isalansan ito ng maayos sa nakalaan na kahon.
 Bigyan din siya ng ‘visit slip’ at ipaliwanag kung para saan iyon.
 Tawagin ang ‘Patrol Guard’ upang ma-‘escort’-an ang bisita.
 Kung hindi ubra ang ‘Patrol Guard’ ay bigyan ng malinaw na
direksiyon ang bisita kung paano ang pagpunta sa tao o opisina na
hinahanap.
 Tawagan ang empleyado at sabihin na papunta na sa kaniyang opisina
ang kaniyang bisita.

j. Narito ang mga pagkakasunod-sunod ng mga dapat gawin bago palabasin ang
bisita:
 Bago lumabas ang bisita ay pakiusapan na mag-‘out’ siya sa ‘visitors’
log sheet’.
 Ibalik ang kaniyang ‘ID card’ at bawiin ang ka-‘partner’ ng ‘visitors’
access control tag’.
 Hingin ang na-‘fill-out’ at napirmahan ng empleyado na ‘visit slip’.
 Tawagan ang binisitang empleyado sa pamagitan ng ‘intercom’ o iba
pang ‘communication devices’ at ipaalam na aalis na ang kaniyang
bisita.
 Siyasatin sa magalang na paraan ang kaniyang mga daladalahan.
 Hindi dapat na mailabas ang anumang pag-aari ng kumpanya na
walang kaukulang ‘gate pass’ na pirmado ng Presidente o sinumang
pinayagang representante ng kumpaniya.
k. Narito ang mga pagkakasunod-sunod ng mga dapat gawin bago palabasin ang
empleyado pati na ang kapuwa guwardiya o karilyebong guwardiya. Kung
polisiya ng may-ari ng kumpanya na isalang din sa mahigpit na ‘access control
measures’ ang mga ‘managers’ ng kumpanya ay gawin ito:
 Bago lumabas ang empleyado kung wala pa sa itinakdang oras ng ‘HR
Department’ o ng kaniyang kinabibilangang departamento ay
kinakailangan na mayroon siyang kaukulang ‘gate pass’ na pirmado ng
kaniyang ‘Line Leader / Production Supervisor / Production Manager /
Department Manager’.
 Siyasatin sa magalang na paraan ang kaniyang mga daladalahan sa
lahat ng bahagi nito at ang kaniyang katawan mula ulo hanggang paa.
 Ang lalaking ‘Gate Guard’ ang dapat na kumapkap sa lalaking
empleyado at ang babaeng ‘Guard’ ang dapat na kumapkap sa babaeng
empleyado.
 Hindi rin dapat na mailabas ang anumang pag-aari ng kumpanya na
walang kaukulang “gate pass”.
 I-‘check’ din ang ‘compartment’ ng motorsiklo ng empleyado kung ito
ay naipa-‘park’ niya sa loob ng ‘compound’.
 Isa-isang palabasin sa bahagyang nakabukas na ‘pedestrian gate’ ang
mga empleyado habang minamatyagan din ang mga nais na pumasok
sa ‘gate’. Huwag hahayaang naka-awang at iiwanan ang ‘gate’. Baka
may manamantala ng pagkakataon.

l. Kinakailangan na may dalang ‘tickler’ o maliit na ‘notebook’ at ‘black ballpoint

pen’ sa lahat ng panahon;
m. Ang ‘service firearm’, ‘logbook’ o ‘logsheets’, mga ‘attendance forms’, mga iba't-
ibang klase ng ‘reports’ saka mga susi ay nararapat na laging nasa nakakandadong
lalagyan o nasa iyong pangangalaga at hindi dapat na makikita o mahahawakan o
makukuha ninuman;
n. Hindi dapat hayaan na ang ‘driver’ ng ‘delivery truck/vehicle’ ay lalayo sa
kanilang sasakyan na naka-‘park’ pansamantala sa loob ng ‘compound’ dahil sa
‘safety’ na kadahilanan;
o. Tanging ang ‘Gate Guard’ lamang ang dapat na mag-‘fill out’ sa itinakdang
“Official Business Monitoring Report Form’ ng ‘driver’;
p. Sitahin ng magalang ang mga empleyado na naninigarilyo ng wala pa sa takdang
oras ng ‘break’ ganoon din ang mga empleyado na wala sa kanilang mga
kaukulang lugar sa oras ng gawain;
q. Sa buong panahon ng pananatili sa loob ng ‘compound’ o pasilidad, ang lahat ng
empleyado ay nararapat na suot lagi na ang kani-kanilang ‘company ID cards’
samantalang ang mga aplikante, ‘extra’, tauhan ng mga ‘contractors/suppliers’ at
mga bisita ay nararapat na suot lagi na ang mga kaukulang ‘visitors access control
tags’;
r. May takdang lugar kung saan dapat na manigarilyo;
s. Sitahin ng magalang ang mga empleyado na lumalabag sa mga patakaran at
alituntunin ng kumpaniya;
t. Gumawa ng ‘information/incident report’ depende sa kung ano ang nasaksihan
kung kinakailangan. Idaan muna ang ‘report’ sa opisyal ng inyong Ahensiya bago
ito i-‘submit’ sa ‘HRD Office’ o sa ‘Security Department Office’;
u. Habang nasa panahon ng ‘production hours’, hindi dapat na naka-“padlock” ang
mga ‘gates’ (‘main gate’ / ‘pedestrian gate’ / ‘back gate’ / ‘side gate’) ngunit
siguraduhin na ang mga ito ay nakatarangka. Ang mga ‘padlocks’ ay dapat nasa
‘guardhouse’ at ibabalik lamang sa mga dating kinalalagyan pagkatapos na
magsipag-uwian ang mga empleyado. Siguraduhin na nakakandadong mabuti ang
mga ‘padlocks’ sa mga ‘gates’. Ang mga susi ay dapat na ibalik at nakatago sa
loob ng naila-‘lock’ na ‘key cabinet’;
v. Anumang pangyayari na nakita o nadinig o naamoy o nalasahan o naramdaman ay
dapat na isinusulat sa ‘logbook’ at kung ito ay hindi pang-karaniwan, bukod sa
isusulat ito sa ‘logbook’ ay dapat na isulat din ito sa ‘information/incident report
form’;
w. Kung magagawa, ipagmando ng trapiko ang sasakyan sa pagpasok at paglabas
nito ng ‘compound’. Siguraduhing nagampanan ng ‘Incoming and Outgoing
Delivery Recording Guard’ o ‘Receiving Guard’ (kung mayroon ng ganitong
klaseng guwardiya sa puwesto) ang kaniyang responsibilidad na iselyo o
ikandadong mabuti ang ‘padlock’ bago hayaang lumabas ng ‘compound’ ang
‘delivery truck/vehicle’;
x. Kung sa isang partikular na sitwasyon ay hindi mo batid kung ano ang nararapat
mong gawin ay huwag mag-atubiling makipag-ugnayan agad sa opisyal ng inyong
Ahensiya;
y. Sa pagtupad ng tungkulin ay wala kang dapat pangilagan kung hindi ang may-ari
ng kumpanya at ang ‘Manager’ na binigyan ng atas na mangasiwa sa mga
guwardiya; at
z. Kung ang sinumang ‘Managers’ mismo ang gumagawa ng labag sa alituntunin ng
kumpanya ay iulat ito ng pormal sa opisyal ng Ahensiya bago sa may-ari ng
kumpanyang binabantayan.