Mga Bagong Kabataan
Natauon sa tagumpay
Sino ba ako?
Sino ba tayo?
Kabataan ba kamo?
Nakadapa't nakahandusay
Hindi gumagalaw at bumabangon
Walang ginagawa
Walang pakialam
Walang balak na tumayo at sumulong
Walang mata
Walang tenga
Walang tinig na lumalabas sa bibig
Walang paninindigan
Walang paninindigan
Isang basura?
Basura sa bansa!
Tinatapon, inaapakan, inaapi
Iyan ang basura!
At ang kabataa'y busabos, nakayuko
Ang kabataa'y lumulubog
Nang lumulubog
Nang lumulubog
Natutulog? Natutulog?
Gisingin mo ang natutulog mong kaluluwa!
Puwede pang bumangon
Puwede pang lumaban
Puwede pang magbago
Tulad ng ating mga ninuno
Sila ang naniniwala sa ating kakayahan
Sila ang nagsasabi na tayo
Ang pag-asa
Pag-asa ng bansang Pilipinas!
Wag natin wasakin
Ang kanilang paniniwala
Wag hayaang mapunta lang
Tayo sa wala
Wag nating sayangin
Ang mga buhay na inalay
Para sa ating bansa
At ang sinasabing basura?
Baguhin natin ang maling pananaw
Lahat tayo ay may iisang sigaw!
Sigaw
Sigaw
Nagbabaga, nag-aapoy, nagliliyab
Iyan dapat tayo
Puno ng pangarap
Iyang kabataan dito
At sa ngayon
Ikaw at ako
Sabay-sabay tayo
Hinding-hindi titgil at susuko
Hanggang sa malaman ko kung sino ako
Hanggang sa magiging
Kagamit-gamit ako
Hanggang sa maiangat ko
Ang bayan ko
Alam mo na kung sino ka?
Alam mo na kung sino tayo?
Ako, sila at ikaw
Sabay nating isigaw kung sino tayo
Mga bagong kabataang Pilipino!