Mga Bagong Kabataan
Sino ba ako?
Sino ba tayo?
Kabataan ba kamo?
Nakadapa’t nakahandusay
Hindi gumagalaw at bumabangon
Walang ginagawa, walang pakialam
Walang balak na tumayo at
sumulong
Walang mata
Walang tenga
Walang tinig na lumalabas sa bibig
Walang paninindigan
Isang BASURA?
Basura sa BANSA!
Tinatapon, inaapakan, inaapi
Iyan ang basura
At ang kabataa’y busabos,
nakayuko
Ang kabataa’y lumulubog, nang
lumulubog, nang lumulubog
Natutulog? Natutulog?
Gisingin mo ang natutulog mong
kaluluwa!
Pwede pang bumangon
Pwede pang lumaban
Pwede pang magbago
Katulad ng ating mga ninuno
Silang naniniwala sa ating
kakayahan
Silang nagsabi na TAYO ang PAG-
ASA
Pag-asa ng BANSANG PILIPINAS!
Wag nating wasakin ang kanilang
paniniwala
Wag nating hayaang mapunta lang
tayo sa wala
Wag nating sayangin ang mga
buhay na inalay para sa ating
bansa
At ang sinasabing basura?
Baguhin natin ang maling pananaw
Lahat tayo ay may iisang sigaw!
Nagbabaga, nag-aapoy, nag-liliyab
Iyan dapat tayo!
Puno ng pangarap
Nakatuon sa tagumpay
Iyang ang kabataan dito!
At sa ngayon, ikaw at ako
Sabay-saby tayo
Hinding-hindi titigil
Hinding-hindi susuko
Hanggang sa malaman ko kung
sino ako
Hanggang sa magiging kagamit-
gamit ako
Hanggang sa maiangat ko ang
bayan ko
Alam mo na kung sino ka?
Alam mo na kung sino tayo?
Ako, sila at ikaw
Sabay nating isigaw kung sino tayo
Mga Bagong Kabataang Pilipino!