Republic of the Philippines

REGIONAL TRIAL COURT

12TH Judicial Region
BRANCH 61
Kidapawan City

PEOPLE OF THE PHILIPPINES

Plaintiff, CRIM. CASE NO. 5979-2021

- for -
- versus -
VIOLATION OF SECTION 5(a)
ROBERTO T. SALMORIN, JR., in relation to SECTION 6(a)
Accused. of R.A. 9262
x---------------------------------------x

The testimony of the accused, ROBERTO T. SALMORIN, JR.,

through the following Judicial Affidavit, is being offered for the following
purpose:
1. To prove that there is no truth to the allegation that he physically
abused and threatened to kill private complainant on July 25,
2020;

2. To prove that there is no truth to the allegation that he physically

abused private complainant on June 23, 2020; and

3. To prove that the private complainant is only fabricating stories

and is a very dishonest person;

JUDICIAL COUNTER-AFFIDAVIT OF
ROBERTO TIWAY SALMORIN, JR.

Ako si ROBERTO TIWAY SALMORIN, JR., 33 taong gulang, merong

asawa, nagtatrabaho bilang isang pulis sa Digos, Davao del Sur, at
residente ng 5th Block, Bautista Street, Poblacion, Kidapawan City,
Cotabato, matapos manumpa ng naaayon sa batas, ay kusang loob at
buong katotohanan na nagsasalaysay ng mga sumusunod:

MGA PAUNANG PAHAYAG

Ako ay siniyasat ni Atty. Vilmalen M. Temblor, @T Law Offices na

may opisina sa #39 BLISS, Balindog, Kidapawan City, Cotabato. Ang
pagsisiyasat na ito ay ginawa sa nasabing opisina sa wikang Filipino.
Sinagot ko ng makatotohanan ang kanyang mga katanungan, at
ipanaliwanag niya sa akin na ako ay sumusumpa at kung ako ay
magsisinungaling ay maaari akong makasuhan ng “perjury” o “false
testimony”.

1. Q – Magandang hapon po. Ikaw ba si Roberto T. Salmorin, Jr., ang

akusado sa kasong ito?

A – Opo.

2. Q – Kilala mo ba ang nagsampa ng kasong ito?

A - Opo. Siya ay aking maybahay, si Yza Le I. Salmorin.

3. Q – Kailan kayo ikinasal?

A - Ikinasal kami noong December 22, 2012 sa Alliance Church ng

Kidapawan City.

4. Q – Nagkaroon ba kayo ng mga anak?

A - Opo. Meron kaming dalawang anak, sina Aiven Yzabelle

Salmorin, walong (8) taong gulang, at si Lucky Kylo Salmorin,
anim (6) na taong gulang.

5. Q - Ano ang masasabi mo tungkol sa pagsasama ninyo bilang mag-

asawa?

A – Maayos naman ang aming pagsasama. Mahigit tatlong taon kami

nakatira kami sa bahay ng aking mga magulang sa Bautista St.,
Kidapawan.

6. Q – Ano ang hanapbuhay ninyo sa panahong iyon?

A - Nagtatrabaho ako bilang isang Emergency Room (ER) nurse sa

Medical Specialist at siya naman ay maybahay (housewife).

7. Q – Sinabi mo na ikaw ay isang nars, bakit mo naisipang pumasok sa

pagpupulis?

A – Gusto po kasi ng asawa ko na magpulis ako dahil napakaliit daw

ng sweldo ng isang nars. Kaya pumasok ako sa PNP noong 2015
kahit labag sa kalooban ng aking mga magulang at kapatid sa
dahilang mapanganib ang ganitong hanapbuhay.
8. Q - Ano’ng nangyari pagkatapos?

A – Nadestino ako sa PNP Maneuvering Forces Company ng Davao

del Sur. Napakalawak ng mga lugar na sakop ng aming tungkulin
na magsagawa ng mga operasyon laban sa mga rebeldeng NPA
at mga terorista. Bihira na lang ako makauwi sa pamilya ko at
nakakauwi lang ako kapag may pahintulot ang aming “superior
officer”.

9. Q – Kumusta naman ang buhay pamilya ninyo nang maging pulis ka

na?

A – Gusto ng asawa ko na lumipat sa bahay ng kanyang mga

magulang sa Bulatukan, Makilala. Kaya nagpagawa ako ng isang
silid doon. Sa taong 2019, nakapasok siya ng trabaho sa DOH
bilang contractual nurse at nagrenta kami ng bahay sa Apo
Sandawa Homes, Kidapawan City.

10. Q – Madalas ba ang komunikasyon ninyong mag-asawa?

A – Opo. Pero nagtataka din ako kasi may maraming pagkakataon na

tinatawagan niya ako at pinapauwi kahit alam naman niya na
hindi pwede. Gusto niya tulungan ko siya sa paglalaba dahil hindi
na raw niya kaya. Binigyan ko naman siya ng washing machine
at ikinuha ko rin ng kasambahay.

11. Q – Ano ang nangyari noong Augusto 11, 2019?

A – Nag-away kami sa araw na ‘yun. Pero hindi nangyari na sinakal

ko siya at tinutukan ng baril o pinagbantaan. At lalong hindi ko
kayang gawin na saktan ang mga anak namin na napakaliit pa.

12. Q – Ano ang dahilan ng away ninyo?

A – Nagtatalo kami dahil sa pamilya ko. Kahit minsan lang ako

nakakauwi ako, ayaw niya na bumisita ako sa aking mga
magulang at kapatid. Sinasabi niya na maramot at maldita raw
ang aking Ate na si Dr. Rubie Salmorin-Mondalo. Kinakalaban
daw siya at inaapi ng aking pamilya.

Hindi naman totoo iyon. Ang mga magulang at kapatid ko ang

laging tumutulong sa mga pangangailangan ng pamilya ko.
Noong pinanganak ang aming bunso, ang nanay ko ang
nagbayad sa ospital. Kaya nasasaktan ako na wala siyang
respeto sa pamilya ko. Pinapapili niya ako kung sino ang mas
 mahalaga sa akin: ang mga magulang at kapatid ko o siya at
ang mga anak namin.

13. Q - Meron pa bang ibang dahilan kung bakit nagtatalo ninyo?

A – Opo. May ugali kasi siya na kung ano ang gusto niya, dapat
iyon ang nasusunod.

14. Q - Ano’ng nangyayari kapag hindi nasusunod ang mga gusto niya?

A - Nagagalit siya. Matindi siya kung magalit. Nagrereklamo siya na

hindi ko pinapakinggan kung ano ang gusto niya. Minumura niya
ako at sinasabi niya sa akin na, “WALA AKONG KWENTA!”
Sinasaktan niya rin ako pero hindi naman ako gumaganti sa
kanya.

15. Q – Ano pa?

A – Mahigpit din siya akin. Kahit minsan ko lang nakakasama ang

mga pinsan at ibang kaibigan ko, gusto niya na umuwi na agad
ako. Pero siya panay lakwatsa at iniiwan lang ang mga anak
namin sa kasambahay.

16. Q – Sinasabi ng naghahabla na simula noong nakaraang taon, nag-

iba na ang ugali mo sa kanya. Totoo ba ito?

A – Hindi po totoo. Simula noong Disyember 2019, ako ay nag-aral

ng kursong Basic Explosives Ordnance Disposal Course sa Sun
City, Buhangin, Davao City. Nahirapan ako sa kursong iyon at
madalas ang aming mga pagsusulit. Kaya kailangan nakatuon
ang atensyon ko sa pag-aaral at para din naman iyon sa
promosyon ko sa trabaho.

17. Q – Maaari mo bang sabihin ano ang nangyari sa inyo noong

Hunyo 23, 2020?

A – Pinahintulotan akong makauwi sa amin noong Hunyo 23, 2020.

Binuksan ni Yza ang cellphone ko at may nakita siyang text
message. Binuksan din niya ang Facebook account ko at may
nakita siyang babaeng pulis na naglike sa aking post sa
Facebook. Dahil doon ayaw na niyang tumigil sa kakabintang
na may ibang babae ako. Nilagyan niya pa ng “I AM A
CHEATER” ang larawan ko sa Facebook.

18. Q – May ginawa ka ba para maayos ang problema ninyo?

 A – Opo. inimbita ko siya at pumayag naman siya magpacounseling
kami sa isang pastor, si Rev. Sergio H. Diaz, Jr. ng Kidapawan
City Alliance Church.

19. Q – Meron ka bang patunay na nagpa-counselling kayong mag-

asawa sa panahong iyon?

A – Opo. Kumuha ako ng certification mula sa aming pastor na

nagpa-counselling kami sa kanya.

20. Q – May ipapakita akong dokumento sa iyo na may markang “Annex

__”. Ito ba ang tinutukoy mo?

A – Opo.

21. Q – Naging maayos na ba ang relasyon ninyo pagkatapos ng

counselling?

A – Hindi pa rin. Pagbalik ko sa Davao, panay ang text niya. Sinisisi

ako at ipinipilit pa rin niya na may ibang karelasyon ako. Lagi
niya akong minumura. Nagbanta siya na ipapatanggal ako sa
trabaho at gagawin niyang miserable ang buhay ko.

22. Q – Ano naman ang ginawa mo tungkol diyan?

A – Hindi ko na lang siya pinapansin. Nag-block ako sa mga

mensahe niya at sa Facebook para hindi na ako masaktan.
Binuhos ko ang buong atensyon ko sa aking pag-aaral para sa
promosyon ko.

23. Q – Maari mo bang ilahad kung ano ang naganap noong Hulyo 25,
2020?

A – Nabigyan ako ng pahintulot na makauwi sa amin sa araw na

iyon. Nang dumating siya, sinabi niya sa akin na kailangan
naming mag-usap at pumasok na kami sa kuwarto.

24. Q – Ano ang nangyari pagkatapos?

A – Nagbubunganga na naman siya sa akin. Nagtatanong tungkol

sa sinasabi niyang karelasyon ko at pinipilit akong umamin.
Sinasaktan at binabatukan niya ako. Sinisipa din niya ako.
Umiilag ako. Iniiwasan ko lang matamaan ang mukha ko pero
natatamaan pa rin ang likod ko.

25. Q – Ano ang ginawa mo?

 A – Dahil medyo masakit na rin ang mga ginagawa niya, hinawakan
ko ang mukha niya at sinabi ko sa kanya, “BAKIT BA HINDI KA
TALAGA MANIWALA SA AKIN? TAMA NA! AYUSIN NA NATIN
ITO.”

26. Q - Ano naman ang sagot niya?

A – Lalo siyang nagalit. Patuloy pa rin niya akong sinasaktan kaya

niyakap ko na lang siya para matigil na siya. Nagpupumiglas
siya hanggang mawalan kami pareho ng balanse at tumumba
sa sahig. Di sinasadyang tumama ang gilid ng ulo niya sa
dingding at nagkaroon ng pasa. Kaya nilapatan ko siya ng
paunang lunas (cold compress). Sinabi ko sa kanya na dadalhin
ko siya sa ospital para masuri ng doktor. Tumanggi siya at
sinabing okay lang daw siya.

27. Q – Ayon sa salaysay ng anak mong si Aiven, nakita niyang

sinasakal mo at tinutukan ng baril ang nanay niya. Ano’ng
masasabi mo tungkol dito?

A –Talagang naaawa ako kay Aiven dahil napakabata pa niya.

Ginagamit lang siya ng kanyang ina para magsinungaling at
upang matupad ang hangarin nitong makulong ako. Di ko lubos
maisip na sa murang edad ay pagdadaanan na niya ang
pagsisiyasat sa korte at tumestigo laban sa kanyang sariling
ama.

28. Q – Ano ang sumunod na nangyari?

A – Kinabukasan, Hulyo 26, 2020, pinalayas na ako ni Yza dahil

ayaw na niya sa akin. Kasi kung hindi pa raw ako aalis ipapahuli
niya ako sa mga pulis o aalis siya kasama ng mga bata.

29. Q - Ano naman ang ginawa mo?

A - Bumalik na ako sa Davao City. Nalaman ko na lang kinabukasan,

Hulyo 27, 2020, mula sa aking kapatid na nakalagay ang mga
gamit ko loob na ng sako at iniwan sa harap ng bahay ng aking
mga magulang.

30. Q – May komunikasyon ka pa ba sa mga anak mo?

A – Wala na. Pagkatapos ng ilang araw, nagtext lang si Yza sa akin

na may lagnat si Lucky. Pinapunta ko ang kapatid kong si Allan
Mark sa bahay namin sa Apo Sandawa. Nang tinanong niya
 ang kasambahay, hindi naman pala nagkasakit si Lucky.
Pagkatapos noon ay hindi ko na makontak ang cellphone na
iniwan ko sa kasambahay at para sa mga anak ko.

31. Q – Ano ang sumunod na nangyari?

A - Noong Agosto 1, 2020, nagtext na naman si Yza na nagkakasakit

ang mga anak namin. Gusto ko sanang dalhin niya ang mga bata
sa nanay ko at magpapadala na lang ako ng pero para
pampagamot sa kanila pero ayaw niya. Pinadala ko na lang kay
Allan Mark sa Apo Sandawa ang mga groceries na pinamili ko
para sa pamilya ko. Pagdating niya sa bahay namin,
nagpapatulong sa Yza sa kanya na magkaayos kami.

Subalit makalipas ang ilang araw, nang bumalik si Allan Mark sa

Apo Sandawa, nakita niyang papaalis ang isang puting van na
pagmamay-ari ng mga magulang ni Yza. Wala nang tao sa bahay
namin.

32. Q – Nalaman mo ba kung nasaan na ang mga anak at asawa mo?

A – Inisip ko nandoon sila sa bahay ng aking mga biyenan. Noong

Setyembre 03, 2020, nagpahatid ulit ako kay Allan Mark ng
groceries at pera para sa pamilya ko sa Bulatukan, Makilala.
Pero sabi ng biyenan kong babae, wala daw doon ang mga anak
ko at hindi niya alam kung nasaan sila. Hindi rin nila tinanggap
ang mga pinahatid kong pera at groceries. Sinubukan kong
magpadala ng pera sa kanila sa pamamagitan ng Palawan
Express Padala pero hindi ito kinukuha ni Yza.

33. Q – Meron ka bang patunay na nagpapadala ka ng pera sa asawa

mo?

A – Opo. May mga resibo ako sa mga padala ko sa kanya.

34.Q – May ipapakita akong dokumento sa iyo na may markang “Annex

________. Ito ang tinutukoy mong mga resibo?

A – Opo.

35. Q – May numerong nakalagay sa mga resibo. Maaari bang basahin

mo at sabihin kung kaninong numero ito?

A – Opo. Cellphone number 0918-3004-530. Ito ang numero ng

aking asawa na si Yza Le I. Salmorin.

36. Q – Ano’ng nangyari pagkatapos ng Setyembre 2020?

 A – Noong Oktubre 2020, nakatanggap na lang ako ng kopya sa
reklamo ng aking asawa sa diumano’y paglabag ko sa R.A.
9262. May nagpadala rin sa akin ng mga larawan niya sa
Facebook na laging naglalakwatsa at may mga kasamang lalaki
at babaeng kaibigan. Lubos akong nag-aalala sa aking mga
anak lalo na’t merong pang pandemya at kung saan-saan
pumupunta ang kanilang ina at iniiwanan lang sila.

37. Q – Meron ka bang patunay sa mga larawang sinasabi mo?

A – Opo, may dala akong mga larawan ni Yza na kuha sa Facebook.

38. Q – May ipapakita ako sa iyo na mga larawan na may markang

“Annex 21 hanggang Annex 26”, ito ba ang ilan sa mga larawan
na tinutukoy mo?

A – Opo.

39. Q – Maaari mo bang sabihin kung ano ang nasa mga larawang ito?

A – Batay sa Facebook post, si Yza at ang mga kaibigan niya ay

namasyal sa La Palmera Ridge at Fekung Bula Falls sa
Columbio, Sultan Kudarat noong Agosto 10, 2020. Mukhang
masayang-masaya naman siya.

40. Q – May ipapakita ako sa iyo na mga larawan na may markang

“Annex 34” hanggang “Annex 37”, maari mo bang sabihin kung
ano ang nasa mga larawang ito?

A – Opo. Batay sa Facebook post, ito ay kuha sa kanilang Mt. Agkir-

Agkir trekking sa Libungan, Cotabato noong October 25, 2020.

41.Q – May ipapakita ako sa iyo na mga larawan na may markang

“Annex 3” hanggang Annex 10”, maari mo bang sabihin kung
ano ang nasa mga larawang ito?

A – Opo. Batay sa Facebook post, si Yza ay nagbiyahe papunta sa

isang beach resort sa Don Marcelino o Malita, Davao del Sur
kasama ang isang babae at dalawang lalaki. Doon sila
nagpalipas ng gabi at umiinom sila ng alak at ibang inumin na
nakakalasing.

42.Q – Maari mo bang markahan ang mukha ng asawa mo sa mga

larawang ito?
 A – Opo. (Witness encircling the photos of private complainant ).

43. Q – Pagkatapos mong matanggap ang inihaing reklamo ni Yza sa

iyo, sinubukan mo ba na magkaayos kayong dalawa?

A – Opo. Tinanong ko siya kung ano ang dapat kong gawin para
paniwalaan niya ako. Ang sabi niya bilhan ko raw siya ng kotse
para makalimutan niya ang lahat.

44. Q - Pumayag ka ba?

A – Hindi po. Alam naman niya na hindi ko kaya bumili ng kotse.

Nakikisakay nga lang ako sa mga kasamahan ko papunta sa
trabaho at pauwi sa Kidapawan. Konti na lang ang natitira sa
suweldo ko dahil marami pa kaming utang na binabayaran. Di
ko maiwasang isipin na kung kaya ko lang sana siyang bigyan
ng kotse, wala akong kaso na hinaharap ngayon.

45. Q – Nagkausap pa ba kayo tungkol sa mga anak ninyo?

A – Opo. Nagtext ako sa kanya at nakiusap kung pwede makasama

ko ang mga anak ko sa birthday ko noong Enero 2, 2021.
Pumayag naman siya. Tinatawagan ko siya habang papunta
kami ng kapatid kong si Allan Mark sa bahay nila sa Bulatukan.
Hindi na siya sumagot at hindi ko na makontak ang numero
niya. Pagdating namin, sinabi ng kapatid niya na wala ang mga
anak ko doon. Niloloko lang pala niya ako.

46. Q – Ano ang masasabi mo tungkol sa kasong ito?

A – Gumagawa lang ng kwento si Yza para ipakulong ako at

matanggal sa trabaho. Hindi nangyari na tinutukan ko siya ng
baril at pinagbantaan. Aksidente lang ang nangyari na natumba
kaming dalawa at tumama ang ulo niya sa dingding. Siya ang
mahilig manakit sa akin kapag galit siya, kapag hindi nasunod
ang gusto niya. Minumura ako, pinagsasalitaan ng masama.
Kaya iniiwasan ko lagi na magalit dahil ayaw ko ng gulo.

47.Q – Ano pa ang sinabi niya sa kanyang salaysay na hindi

makatotohanan?

A – Iyong sabi niya sinuntok ko siya ng ilang beses sa ulo noong

Hunyo 23, 2020. Walang nangyaring ganoon. Siya lang ang galit
na galit sa akin dahil ayaw niya maniwala na hindi ako
nagtataksil sa kanya. Gusto niya puntahan namin iyong Jenilyn
 na naglike sa Facebook ko, tapos hindi ko naman alam saan siya
nakatira. Imposible ang gusto niyang mangyari.

48. Q – Ano pa?

A – Iyong sabi niya na nakipaghiwalay ako sa kanya, kinuha ng

kapatid ko ang mga gamit ko sa Apo Sandawa at inabandona ko
sila. Siya ang may gusto na umalis na ako at pagkatapos ng
ilang araw umalis na rin siya sa bahay namin kasama ng mga
anak namin. Siya ang pumipigil na makita ko pa at makausap
ang mga anak namin. Pinagkaitan niya ako ng karapatan bilang
ama nila.

49. Q – Ano ang hinihiling mo sa hukumang ito?

A – Hinihiling ko na sana ay ibasura na ng hukuman ang kasong ito.

Hanggang ngayon hindi pa rin ako makapaniwala na magagawa
ito ni Yza sa akin at sa aming mga anak sa kabila ng lahat ng
mga pagsisikap ko para maging isang mabuting ama at asawa.
Parang hindi man lang niya iniisip bilang ina kung ano ang
magiging epekto ng mga pinaggagawa niyang ito sa mga anak
namin.

50. Q – May iba ka pang sasabihin?

A – Wala na po.

51. Q – Ang mga salaysay mo ba sa Affidavit na ito ay base sa iyong

personal na kaalaman at paniniwala?

A – Opo.

52. Q – Pinilit ka ba o diniktahan o pinangakuan ng gantimpala para sa

iyong mga salaysay?

A – Hindi po.

53. Q – Maari mo bang lagdaan ang Affidavit na ito?

A – Opo.

Kidapawan City, Philippines, 2021.

 ROBERTO T. SALMORIN, JR.
Affiant

SUBSCRIBED AND SWORN to before me on July 08, 2021 in

Kidapawan City by the above Affiant, who exhibited to me his
____________________ as his competent proof of identity and known to
me to be the same person who executed the foregoing judicial affidavit.

Notary Public

Doc. No. ______

Page No. ______
Book No. ______
Series of 2021.

CERTIFICATION

I , Atty. VILMALEN M. TEMBLOR, subscribing under oath, depose and

say that:

1. I personally conducted the examination of the Affiant, ROBERTO T.

SALMORIN, JR. on July 01, 2021 at our office located #39 BLISS,
Balindog, Kidapawan City;

2. I have faithfully recorded the questions asked of the Affiant and the
corresponding answers given by him; and

3. Neither I nor any other person present or assisting me, coached

him regarding his answers.

I am executing this Certification to attest to the truth of the foregoing.

ATTY. VILMALEN M. TEMBLOR

SUBSCRIBED AND SWORN TO BEFORE ME, this 8th day of July,

2021 in the City of Kidapawan, Philippines by the affiant who
personally known to me and exhibiting to me her IBP ID with No.
____.