Ako po ay lubos na nalulugod at ako ay nagkaroon ng opurtunidad upang
magsalita sa harapan po ninyong lahat. Hindi po lingid sa ating kaalaman na ang pag-aaral ay mahirap, ngunit kung ano ang hirap ng estudyante upang mag-aral ay siya ring hirap ng mga guro sa pagtuturo lalo na sa panahon ng pandemya na halos lahat ay nag iba. Mga nakasanayan natin na pagpasok araw-araw sa eskwela ay di na natin magawa ng basta basta. Kundi kailangan muna natin sumunod sa mga patakaran at pamamaraan ng tama at ligtas na pag-aaral. Dahil sa halos dalawang taong pandemya na ating kinaharap marami ang pagbabago sa sistema ng edukasyon at ito ay naging malaking pagsubok sa amin bilang mag-aaral ngunit dahil sa mga masisipag naming mga guro, naitawid namin ang ganitong sitwasyon at ngayon, kami ay natutuwa dahil sa unti-unti ng pagbabalik sa normal na sitwasyon. Sa araw na ito kami ay magsisipagtapos na. Marami akong natutunan sa pitong taon kong pag-aaral sa elementarya. Mga aral at kabutihang asal na kailanman dala dala ko hanggang ako ay mag highschool, kolehiyo at maging sa pagtanda pa. Kaya lubos akong nagpapasalamat sa aming mga naging guro sa lahat ng mga naituro nila sa amin, at sa walang sawang paggabay sa amin sa tamang landas. At laging nilang sinasabi saamin na “Gaano man kahirap ang buhay, piliin mong mag-aral sapagkat ito ang tunay na kayamanan na kailanman di mananakaw ninuman”. Andiyan din ang aking mga kaklase na tumulong sa akin upang mahubog ang aking personalidad. Mga kapatid at kaibigan ko na kong ituring dahil sa aming magandang samahan na nabuo sa pitong taon naming pagsasama-sama. Kaya mga kaklase hiling ko sa Poong Maykapal na magtagumpay tayong lahat. Sa aming mga magulang at pamilya na laging nariyan, maraming maraming salamat po. KAKAPROUD PO KAYO! Kayo ang siyang gumagabay saamin. Sa aking magulang at pamilya, nais kong magpasalamat sa lahat ng sakripisyo, suporta at pagmamahal na ibinibigay niyo sa akin. Kayo ang naging inspirasyon ko upang pagbutihin ko pa lalo ang aking pag-aaral. Alam kong responsibilidad ng magulang na mapag-aral ang kanyang anak ngunit naniniwala ako na mas higit pa ito sa responsibilidad, ito ay tunay na pagmamahal nila sa atin. Kaya sa mga mag- aaral na katulad ko, wag po natin ipagsawalang bahala ang suporta at sakrispisyo ng ating mga magulang para tayo ay mapag-aral. At higit sa lahat maraming maraming Salamat sa Poong Maykapal sa lahat ng biyayang ibinibigay nya sa akin, sa ating lahat. Sa ating pagtatapos na ito, isang pinto na naman ang magbubukas para sa ating lahat, ito ay ang buhay higschool. Nawa’y baunin natin ang lahat ng ating mga natutunan dito sa elementarya at magsumikap pa lalo sa pag-aaral. Sapagkat naniniwala po ako na pag tayo ay nakapagtapos ng pag-aaral, isang magandang bukas ang naghihintay sa atin sa darating na panahon. Muli, maraming salamat at maligayang pagtatapos sa ating lahat.