Usuntata yuqalla

Khaya Qalamarka sutini utjawina, maya awki taykaxa, kimsa

wawanitaynawa, ukana jupanakaxa jaqi masinakapampi, ukhamaraki
uywanakapampi, yapunakapampi chikawa jakasipxiritayna, ukana sapa
uruwa yapumpi uywampi qamapxiritayna.

Jupanakana wawanakapaxa akhama sutininawa: Inti, Qulila, Saywa,

ukata uka jila yuqapa Inti sataxa, jilsusina niya tunka payani maraniwa,
jupasti alwata awkipampi chikawa irnaqiri, yanapiri, sariritayna, ukhama
maya alwasti ch’uqi yapunaka uñjiriwa saratayna, ukana maya imillaru
ch’uqi jik’iraskiri uñjiritayna, uka uñjasina art’ataynawa, ukata janiwa
uñtasiniritaynati, Ukata Inti yuqallaxa jakisiña munatayna,
jak’achiritayna, ukata maya nayra ch’ipxtañkama uka imillaxa
chhaqhawxiritayna.

Ukhamawa Inti waynaxa, wali usuntiritayna, inakiwa jani amuyunjama

saranaqaskiritayna, awkipa taykapasa wali llakisxiritayna, ukata
qullirinaka thaqiri sarapxiritayna, ukhamawa animupa jawsapxiri,
kunaymana qullanaka umayasina, niya marata waliptiritayna, ukata
jaqinakaxa sapxiwa, ukaxa jani wali urasana saratapawa sasa.

1.- Jichhaxa aka sikt’awinakaru jaysapxañäni

1¿Kunatuqitsa uka qillqata yatiysituxa?

Kawkirusa wali amuyuniwa sarnaqañasaxa.

2.Kunasa uka inti waynaru kamachatayna?

Intina maya alwasti ch'uqi yapunaka uñjiriwa saratayna, ukata mä

imillaxa ch'uqi jik’iraskiri yanqha urana uñshurapitayna.

3. Uka Intina awkipa taykapaxa, ¿kunsa kamachapxatayna?

Intina awkipa taykapaxa wali llakisxiritayna, ukata qullirinaka thaqiri

sarapxiritayna.

4.Uka imillaxa yapuna ¿Kunsa luraskataynaxa?

Uka imillaxa ch'uqi jik'iraskitayna.

5.Uka imillaru uñjataxa ¿chiqapati, janicha? Kunata

Jisa ch'uqi jik'iraskiri uñjatayna, jani wali urasana uñjatayna.

2.- Aka kajunaru aruchiri jani ukaxa sutinaka qillqatata awsusina

qillqantañama / en el cuadro escriba los verbos y sustantivos
encontrados en el texto.
Aruchiri Sutinaka

Jakasipxiritayna Qalamarka

Qamapxiritayna Inti

Irnaqiri Qulila

Yanapiri Saywa

Sariritayna Awki

Uñjiriwa Tayka

Saratayna Wawa

Jik’iraskiri Yuqalla

Uñjiritayna Imilla

Art'ataynawa Jaqinaka

Uñtasiniritaynati Qullirinaka

Jakisiña

Munatayna

Jak'achiritayna

Ch'ipxtañkama

Chhaqhawxiritayna

Usuntiritayna

Saranaqaskiritayna

Llakisxiritayna

Thaqiri
Sarapxiritayna

Jawsapxiri

Umayasina

Waliptiritayna

Sapxiwa

Saratapawa