Ang tao ay nabubuhay sa pamamagitan ng pakikipag-ugnayan sa kanyang kapwa. Sa
ating pakikipag-ugnayan, naipakikilala natin ang ating mga pangarap, limitasyon, pagpapasalamat, pangako, damdamin, at iba pa. Maaari tayong tumawa para maipahayag ang ating kagalakan o kaligayahan at sumigaw para mailabas natin ang ating galit, sama ng loob, kaguluhan pero ang sistema ng ating komunikasyon bago ang anuman ay wika Ang wika, isa sa mga mahahalagang instrumento ng tao sa kanyang pakikipagtalastasan ay nabigyang depinisyon o kahulugan ng iba't ibang mga manunulat. Ang mga kahulugang ito ay naipakilala sa inyong mga asignatura sa mas mababang antas ng inyong pag-aaral. Sa paksang ito, ipinakikilala ang konsepto ng wika, wikang pambansa, wikang panturo, at wikang opisyal para sa pagkilala at pang- unawa sa papel nito sa lipunang Pilipino.
A. Ang Papel ng Wika
Makabuluhan ang papel ng wika sa anumang lipunan. Sa kasaysayan ng Pilipinas, mahalaga ang naging gampanin ng paggamit ng wika ng mga iba't ibang sektor para sa pagsasakatuparan ng kanilang mga gawain sa araw-araw. Ang wika na binigyang kahulugan ni Tumangan (1997) bilang isang paraan ng pananagisag o pagbibigay kahulugan sa mga tunog upang makamit ang layuning makaunawa at maunawaan ng ibang tao ay nagpapakilala lamang na ang wika ay may malaking papel sa isang lipunang nagkakaunawaan. Ayon kay Whitehead, ang wika ay nagpapakilala sa kabuuan ng kaisipan ng mga taong lumikha nito. Nangangahulugan na ito ay sumasalamin sa anumang nagawa at ginagawa ng isang pangkat ng taong gumagamit nito. Ayon kay Carlyle (n.d.), ito ay bilang saplot ng kaisipan o mas angkop na sabihing saplot ng kalamnan, ng katawan, at ng pag-iisip.
Ang Ginagampanan ng Wika sa Lipunan at ang Halaga nito
Ang bat ibang papel na ginagampanan ng wika sa lipunan ay maaaring maipakilala ayon mahalagang instrumento ang wika para sa mga sumusunod na kahalagahan nito 1. Nagpapadaloy ng Kaisipan – Mahalagang instrument ang wika para sa pagpapadaloy ng iba't ibang kaisipan sa kanyang kapwa tao sa iba't ibang henerasyon Ito ay instrumento, pasulat man o pasalita, para maipahayag ang mga nabuong kaisipan ng bawat mamamayan. 2. Nagpapabago ng Isang Sistema - Makapangyarihan ang wika para mapabago ang isang lipunan. Sa tulong ng wika naipapakilala ang mga Sistema na kailangang mapabuti sa isang pangkat o lipunan Gamit ang wika, nahihikaya isang sistema ng isang angkat o organisasyon. Gamit ang wika nakakahikayat ng isang tao ang kanyang kapwa para makisama sila para sa pagtupad sa isang pagbabagong inaasam. 3. Nagpapalapit sa Mundo - ang magkakalayong tao mula sa mga magkakalayong lugar halimbawa, ay nagagawang makatulong para ang mga tao ay maaaring malayang o bansa ay napapalapit sa isa't isa sa bisa ng paggamit ng wika. Ang wikang Ingles. makapunta sa mga bansa o lugar na hindi gumagamit ng kanilang mga unang wika. 4. Nagbubuklod sa mga Tao - Magkakaiba ang mga paniniwala, kultura, kasaysayan,at kaisipan ng tao. Gayunpaman, ang wika ang nagiging instrumento para pagbukludin ang mga pagkakaibang ito. Nagiging instrumento ang wika para mapag-isa at mapagsama para sa isang lipunang mapayapa at maunlad. 5. Nag-iingat ng Kasaysayan - Gamit ang wika ang mga sinaunang pangyayari ay naitatala sa kapakinabangan ng iba't ibang henerasyon. Dahil sa kapangyarihan pagkakataon ang mga kasalukuyang mag-aaral para maintindihan ang mga kaisipang ng wika na maitala ang kasaysayan ng bawat mamamayan, lalong nabibigyan ng nalambag ng mga sinaunang mamamayan. 6. Nagtataguyod ng Kultura - Ang mga pamanang kultura ay hindi nakakalimutan ng mga tao dahil ito ay isinalin, pasulat man o pasalita, gamit ang wika sa bawat henerasyon. Ang paggamit ng wika sa pagsasalin sa kultura ng bawat mamamayan ay hindi natatapos bagkus ay lalong nadaragdagan.
Sa pagpapakahulugan ni Gleason (1961) sa wika, naipapakilala na ito ay may
mahalagang papel para sa pakikipagtalastasan ng mga taong nabibilang sa isang kultura. Aniya, ito ay masistemang balangkas ng sinasalitang tunog na pinipili at isinasaayos sa paraang arbitraryo upang magamit ng mga taong kabilang sa isang pangkat na kultura. Mula sa pagpapakahulugang ito, ipinakilala nina Bernales (2002) et al., ang mga sumusunod bilang katangian ng wika: 1. Ang wika ay may masistemang balangkas - ang balangkas ng isang wika ay sumusunod sa isang sistema na hindi naiiba sa iba pang mga wika sa buong mundo. Lahat ng wika ay nakabatay sa isang makahulugang tunog na tinatawag na ponema. Ang pag-aaral sa mga ponema ay tinatawag na ponolohiya. Ang mga ponemang pinasama-sama para makabuo ng maliliit na yunit ng saita ay tinatawag na morpema. Ang pag-aaral sa mga morpema ay tinatawag na morpolohiya. Sa wikang Filipino, ang mga morpema ay maaaring isang salitang-ugat, panlapi, at morpemang ponema Sa pagsasama-sama sa mga morpema, nakakabuo tayo ng mga salita. Ang pag uugnay sa mga salitang ito ay nakakabuo naman ng isang pangungusap. Sa pag-aaral sa masistemang balangkas ng wika, tinatawag ang makaagham ng pag-aaral sa mga pangungusap na sintaks. Sa pakikipagpalitan ng mga pangungusap sa pagitan ng mga tao, nagkakaroon ng diskors, Ang pag-aral sa diskors ay maaari ring gawin katulad ng pagsusuri sa mga diskursong nagaganap sa loob ng isang pagpupulong. Ponema - Morpema - Sintaks – Diskors - Balangkas ng Wika 2. Ang wika ay sinasalitang tunog. Ang mga pinagsama-samang mga ponema o makahulugang tunog ay binibigkas o sinasalita ng tao. Samakatuwid, ang wika ay naibubulalas ng tao mula sa kanyang bibig bilang resulta ng koordinasyon ng mga aparato ng pagsasalita sa kanyang katawan. 3. Ang wika ay pinipili at isinasaayos - Ang mga salitang ginagamit natin, pasalita man o pasulat, ay nangangailangan ng tamang pagpili para tayo ay maunawaan ng ating mga kausap. Sa ating pagpili at pagsasaayos, maaaring ito ay tumutugon sa mga sumusunod: a. taong kausap - bata man o matanda, pareho kayo ng wika o hindi, propesyon, at iba pa. b. konteksto - para maging epektibo ang pakikipagtalastasan, mahalagang maisaayos at mapili ang wika na gagamitin ayon sa konteksto ng pag-uusap. c. instrumento sa pakikipag-usap ang paggamit ng wika ay nag-iiba ayon sa instrumentong gamit ng tao katulad ng paggamit nito sa telebisyon, radyo, telepono, social media, pahayagan, cellphone, at iba pa. d. layunin ng pag-uusap ang pagtamo sa layunin ng pakikipag-usap ay nakabatay sa pagpili at pagsasaayos ng wikang gagamitin. 4. Ang wika ay arbitraryo - Maaaring ang mga tao ay gumagamit ng lisang wika, ngunit hindi nangangahulugan na ang kanilang pag-unawa sa isang yunit nito ay pare-pareho. Maari ring ang pagiging arbitraryo ng isang wika ay naaayon sa anumang naikakabit natin sa isang salita na ating napakikinggan o nagagamit. Halimbawa, ang pag-unawa natin sa salitang "pamilya" ay maaaring iba sa pag unawa ng iba sanhi ng kanilang karanasan sa loob ng kanilang pamilya. 5. Ang wika ay ginagamit - Sa talaan ng mga insitusyong nagsasagawa ng mga pag aaral tungkol sa wika katulad ng Summer Institute of Linguistics (SIL), lumalabas na may mga wikang hindi na sinasalita ng mga taong nagmamay-ari nito. Sanhi nito, may mga ilang mga wika sa buong mundo na itinuturing nang patay na wika. Ang paggamit ng isang wika ay mahalaga para maingatan at maitaguyod ang mga yamang lahi nakapaloob dito 6. Ang wika ay nakabatay sa kultura - Ang mga salitang nabuo sa loob ng isang wika ay repleksyon ng mga kaisipan, bagay. sistema, uri ng pamumuhay. kasaysayan, pook, at iba pa ng mga taong gumagamit nito. Ito ang dahilan kung bakit may mga terminolohiya, kasabihan, at kawikaan sa isang wika na hindi maaaring tumbasan sa ibang wika dahil sa pagkakaiba sa bawat lipunang kinabibilangan ng mga tao. 7. Ang wika ay nagbabago. Sa pagdaan ng panahon. nagbabago ang wika. Nadaragdagan ang bilang ng mga salita dahil sa mga bagong tuklas o nadaragdagan ang kahulugan ng mga salita dahil sa mga bagong karanasan na ikinakabit sa mga ito. Maaari rin na nababago ang mga kahulugan ng mga salita dahil sa pagpapakilala ng mga ibang kultura mula sa ibang lugar o mga ibang sistema sa isang lipunan.
B. Ang Mga Teorya ng Pinagmulan ng Wika
Maraming mga haka-haka o pagpapalagay tungkol sa pinagmulan ng wika. Paano nga ba ito nabuo? Bago pa man nagkaroon ng maraming mga nakalimbag na mga akda o sulatin, nauna nang nakapagsasalita ang mga tao. Sa loob ng maraming siglo ay nagkaroon ng napakaraming haka-haka kung paano nagsimula ang wika. Ang mga haka-haka na ito ang naging dahilan para matukoy ang mga naunang mga teorya (Okrent, 2018) na pinangalanan ng mga iskolar ng wika subalit ito naman ay hindi sinasang-ayunan ng ilang iskolar sa ilang mga kadahilanan. 1. Teoryang bow-wow Ito ang isa sa mga pinakakilalang teorya ng wika na nagpapalagay na ang mga salitang binibigkas ng mga tao ay hango sa mga tunog na likha ng mga hayop tulad ng moooo ng baka, meeeeeh ng kambing, kwak kwak ng pato, meow ng pusa, at hissssss ng ahas. Pinaniniwalaan na ang unang salita ng tao ay isang uri ng senyas na ang ayos ay likas na konektado sa mga kahulugan nito. Ang teoryang ito ay nakatatanggap ng ilang pagtatanong dahil ang mga nalilikhang tunog ng mga hayop sa anumang bahagi ng mundo ay magkakatulad subalit ang pagkakagamit ng mga ito sa bawat wika ay magkakaiba. Ang mga sumusunod ay ilan sa mga halimbawa nito (Vajda, n.d.) a. Aso: bow-wow, Chinese: wu-wu; Japanese: wan-wan: Russian: gaf-gaf, tyaff tyaff; at English: arf-arf b. Pusa: meow; Russian: myaoo; Chinese: mao; Japanese: nya-nya; at French: ronron c. Baboy: Oink-oink; Russian: hryu-hryu; Chinese: oh-ee-oh-ee; at Japanese: bu-bu d Tandang: black; English: cock-a-doodle-doo; at Russian: kukareiku 2. Teoryang Pooh-Pooh- ipinakikilala sa teorya na ito ang ideya na ang pananalita ay nagmumula sa awtomatikong mga tugon sa sakit, takot, sorpresa, o iba pang mga damdamin katulad ng pagtawa, pagtill, o galit. Ngunit ito ay kinukuwestyon dahil maraming mga hayop ang gumagawa din ng mga ganitong uri ng mga tunogng mga tunog at hindi sila nagtapos sa wika. 3. Teoryang Dingdong - Nagsimula ang wika ng sinimulan ng tao na bigyan ng pangalan ang mga bagay, kilos, at pangyayari batay sa mga nakilalang tunog ng mga ito sa tunay na buhay. Ang teoryang dingdong kung ganun ay teorya na nagsasabing ang pagkakabuo ng mga salita sa isang wika ay konektado sa mga bagay sa mundo na may nakakaantig na taginting o tunog. Isinasaad ng teoryang ito na ang unang salita ng tao ay isang pasalitang palatandaan na may eksaktong ayos o larawan ng kanyang kahulugan. Halimbawa, ang boom (English) - pagsabog, al-ai (Basque) - kutsilyo, tun- tun (Indian)- puso. Ang mga makahulugang salitang ito ay natural na nagpapakilala ng kaugnayan nito sa tunay na lugar at panahon. Ang teoryang ito ay nagdudulot ng maraming katanungan dahil hindi malinaw kung paano ito limbestigahan. Sa pagsasaalang-alang na napakalimitado ng mga salita sa loob ng isang wika na maiuugnay sa katumbas na tunog, kinakailangang maintindihan na hindi lahat ng salita ay nabuo mula sa pagpapalagay na ito. 4. Teoryang Yo-He-Ho - Ito ay teorya na naglalahad na ang pagsasalita ay nagsimula sa mga maindayog na mga ritmo ng pag-awit at mga madamdaming tunog ng paglalabas ng tao sa kanyang puwersa o lakas. Maaaring ang mga salita ay nalikha kapag sila ay nanununtok, nanganganak, nagtatrabaho at iba. Para mapatunayan ang teoryang ito, maaaring saliksikin sa pamamagitan ng pagtukoy sa ilang mga salita na napaloob sa isang wika ang mga maaaring nabuo sanhi ng paggalaw nang may kasamang puwersa. 5. Teoryang Ta-ta - ang teoryang ito ay nagsasabing ang pananalita ay nanggaling sa paggamit ng dila at sa galaw ng bibig para gayahin ang mano-manong pagkilos ng tao. Halimbawa, ang ta-ta ay parang pagsasabi ng paalam gamit ang dila. Ipinagpalagay ni Charles Darwin na ang pagsasalita ay maaaring nabuo bilang isang uri ng pantomina ng bibig. Ang mga kasangkapan sa pagsasalita o speech organs ay ginamit upang tularan ang mga muwestra ng kamay. Malaki ang posibilidad na ang wika ng tao ay nagsimula sa ilang sistema ng mga galaw. Ang mga sinaunang tao ay umasa sa paggamit ng kilos o galaw para sa kanilang pakikipagtalastasan. Ito ang dahilan kung bakit may pagpapalagay na ang wika ay nagsimula sa teoryang ito. Gayunpaman, ang teoryang ito ay nangangailangan ng pagpapatunay dahil marami tayong mga salita na walang kaugnayan sa mga galaw natin. Naiiba rin ang mga galaw ng tao ayon sa kanilang kultura. Ang galaw ng kamay sa pagpapakilala ng pagbati o paggalang sa bawat bansa ay magkakaiba. 6. Teoryang la-la - ang teoryang ito ay nagpapakilala ng ideya na ang pagsasalita ay lumitaw mula sa mga tunog ng isang inspiradong tao, pag-ibig, mala-tula na pakiramdam, at awit. Ang isang ito ay kaibig-ibig, at walang higit o mas malamang kaysa sa alinman sa iba.