Taon 36 Blg.
13 Ika-28 Linggo sa Karaniwang Panahon (K) — Luntian
Linggo ng mga Katutubo • Linggo ng mga Dukha
B ilang tao, madalas nating
binibilang ang mga
pangyayari sa ating buhay na
tila baga ay negatibo: mga
alalahanin, mga pagkabagabag
o di kaya ay mga suliranin. Bihira
natin bilangin o bigyang pansin
ang mga positibong pangyayari
o di kaya ay maituturing na
mga biyaya na natamo sa ating
buhay dulot ng kabutihan ng
Diyos. Sa araw na ito, tayo
ay hinihikayat ng ating mga
pagbasa na muling suriin ang
ating mga sarili at magpasalamat
sa mga biyayang ating natamo
buhat sa kabutihan ng Diyos.
Kung bibigyan lamang natin ng
panahon upang pagnilayan ang
ating buhay, tiyak na marami
tayong dapat ipagpasalamat sa
Panginoon.
Sa unang pagbasa, ang kwento
ng ketongin na si Naaman
ay isang halimbawa ng kung
paano tayo dapat magpakita
ng ating pasasalamat sa Diyos.
Tinuturuan tayo ni Naaman
na ipakita ang pagpapahalaga
sa mga taong instrumento ng
Diyos, mga taong nagdudulot ng
kabutihan sa atin. Itinuturo din
sa atin na sa ating panalangin
Pagkamangha,
Pag-ala-ala,
at Pasasalamat
G. John Carlo C. Perez
at pagdulog sa Diyos, hindi siya
humahanap ng kapalit. Hindi
naman tayo pinagbabawalan ng
Panginoon na maghandog ng mga
materyal na bagay sa Simbahan
o mag-kawanggawa para sa mga
dukha bilang tanda ng ating
pasasalamat. Ang ating mga
handog o alay ng pasasalamat
ay nagsisilbing handog sa Diyos
para sa ikauunlad ng kanyang
bayan, ang Simbahan.
Sa ikalawang pagbasa buhat
sa sulat ni Apostol San Pablo kay
Timoteo, hinihimok tayong lagi
nating alalahanin ang Panginoon,
ang Panginoong Diyos na siyang
laging tapat sa kanyang mga
pangako sa kabila ng ating mga
pagdurusa at kahirapan.
Sa Linggong ito, maririnig natin
sa Ebanghelyo ang pagpapaalala
ni Hesus tungkol sa kahalagahan
ng pagpapasalamat sa Diyos
sa mga biyayang natanggap.
Makikita natin na isang dayuhan
ang bumalik upang magpasalamat
at nagpatirapa pa nga sa paanan
ni Hesus. Tinatanong tayo ng
ebanghelyo kung kailan tayo
huling nagpasalamat sa Diyos.
Sapagkat ang pagpapasalamat ay
isang tanda ng pagpapahayag ng
Oktubre 09, 2022
ating pananampalataya.
Ngayong Linggo, atin din
ipinagdiriwang ang Linggo ng
mga Katutubo at mga Dukha. Atin
silang alalahanin sa ating mga
panalangin at tanawing utang
na loob sa mga kapatid nating
katutubo ang kulturang kanilang
pamana na naging dahilan upang
tayo ay magkaroon ng ganap na
pagkakakilanlan bilang isang
bayan at Simbahang naglalakbay.
Alalahanin din natin ang iba’t-
ibang mga grupo na tumutulong
upang i-angat ang antas ng
pamumuhay ng mga kapatid
nating katutubo at mga taong
lubhang nahihirapan. Magpatuloy
nawa sila sa kanilang pagiging
instrumento ng habag at awa
ng Diyos.
Lagi nating isa-puso at isa-isip
ang Panginoon at pasalamatan
siya sa araw-araw. Dumulog tayo
palagi sa Banal na Eukaristiya at
tumanggap ng mga sakramento
na siyang tunay na daluyan
ng kanyang awa at pag-ibig.
Higit sa lahat, tinatawag tayong
pasalamatan ang Diyos sa diwa
ng pagpapasalamat ni Kristo
Hesus; pasasalamat na buo at
nagbibigay-buhay.