BAHAN SERMON PARHALADO

HKBP TAMAN WISMA ASRI

Selasa, 06 September 2022

1. Marende BE No. 169 : 1-2 “HO SIPANGOLU AU”

Ho sipangolu au, sai topot ma au on.
Sai unang mandaodao, Ho sian rohangkon.
Ro Sipangolu ro tibu, baen ma au anakMu tutu.
Dohot mudarMi buri au, ias songon hapas ma au.
Ias tutu, ias tutu, dohot mudarMi buri au, ias songon hapas ma au
Gogo ni mudarMi, papatar ma di au
Tondi Parngolu i, tongtong manogu au
Ro Sipangolu ro tibu, baen ma au anakMu tutu
Dohot mudarMi buri au, ias songon hapas ma au
Ias tutu, ias tutu, dohot mudarMi buri au, ias songon hapas ma au.

2. Nats : Lukas 15 :1-10

15:1 Dung i dipasolhot torop angka sijalo beo dohot sipardosa dirina
tu Ibana, laho tumangihon hatana.
15:2 Jadi marmungutmungut ma angka Parise dohot
sibotosurat; ia hatanasida: Dijangkon On do angka pardosa,
pola sapanganan Ibana dohot nasida.
15:3 Gabe dihatahon Ibana ma umpama on tu nasida:
15:4 Ise hamu sahalak parbirubiru saratus, anggo tardempar
sada sian i, na so tuminggalhon na siapulu sia i di ladang,
laho mangalului na so tarida i, paima jumpangsa?
15:5 Ia dung dapotsa, diampehon ma tu abarana sian las ni rohana.
15:6 Jadi dung sahat ibana tu jabuna, dipapungu ma alealena
dohot hombar hundulna, didok ma tu nasida: Marlas ni
roha ma hamu rap dohot ahu, ala jumpang ahu
birubirungku naung mago i!
15:7 Hudok ma tu hamu: Suman tusi do gumodang las ni roha di
banua ginjang mida sipardosa sahalak, na olo paubahon
rohana, asa mida siapulu sia partigor, na so pola paubahon
rohanasida.
15:8 Adong ma ulaning parompuan na marhepeng sampulu
hupang; anggo mago sada sian i, na so pagalakkon palito
1
 jala manapui bagasna, mangalului tangkas hupang na
mago i, paima jumpangsa?
15:9 Ia dung jumpangsa, dipapungu ma angka alealena dohot
hombar hundulna mandok: Marlas ni roha ma hamu rap dohot
ahu, ala naung jumpang ahu hupangku na mago i.
15:10 Hudok ma tu hamu: Suman tusi do masa las ni roha di jolo
ni angka surusuruan ni Debata mida sahalak sipardosa na
paubahon rohana.

Topik : “DIHALOMOHON DEBATA DO HAMUBAON NI

ROHA”
(ALLAH MENGINGINKAN PERTOBATAN)

I. Patujolo
Evanggelium Lukas jotjot digoari evanggelium/Injil sosial
ala tung mansai bagas mamaritahon barita na uli tu angka na pogos
rap dohot na tarhurung, na mapitung, nang na ginosagosa (Luk. 4 :
18-19). Kaum “marginal” (yang terpinggirkan) mendapat tempat
sentral dan perhatian besar, isarana parompuan (Elisabet, Maria,
dan Hanna, Maria dan Martha, 10 : 38-42) nang pardosa (boru-boru
pardosa na mamiahi pat ni Jesus, 7 : 36-50; Sakeus induk ni sijalo
beo, na digoari angka natorop “halak pardosa”, 19:7). Lukas 15
marisihon tolu umpama taringot tu na “mago diujungna jumpang”,
ima birubiru (15: 11-32).
Birubiru, hupang, nang anak na mago i digoari sipardosa (ay.
4, 6, 8, 9, 17, 24, 32), alai ndang digombarhon dosa na niula nasida
di umpama na parjolo dohot na paduahon. Ala na tolu umpama on
ndada mangondolhon angka ragam ni dosa, baliksa mangondolhon
haradeon ni Debata mangalului nang manjangkon pardosa huhut
haradeon ni pardosa i paubahon rohana; laos on ma na gabe
ojahan las ni roha.

II. Hatorangan ni Turpuk :

Ayat 1-2
Angka sijalobeo ndang marsangap dibahen halak Parise
dohot siboto surat, siala nasida mambuat guguan (pajak) demi

2
kepentingan ni Kerajaan Romawi. Gabe dianggap ma angka sijalo
beo i holan pamorahon dirina sandiri hape godang angka dongan
sabangso dibagasan hapogoson manang hapariron ni ngolu. Alani i
pabalion ni halak Parise dohot siboto surat do angka sijalo beo, jala
ndang diparhatopot nasida gabe donganna. Dungi halak na
paduahon na so adong hasangaponna dohot na ingkon pabalihon
menurut halak Parise dohot siboto surat, ima sipardosa. Boasa
didok sipardosa? Siala nasida ndang unduk tu aturan paraturan ni
ugamo (hukum agama) na marlaku disi. Alani ima halak Parise
dohot siboto surat marmungutmungut siala dijalo huhut dipajonok
Jesus dirina tu angka sijalo beo dohot angka pardosa. Subang bolon
do i di halak Parise dohot siboto surat mandongani manang
manopot halak sisongon i (Ulaon Apostel 10:28). Manjalo huhut
mandongani nasida ima ulaon na ramun. Alani i, ulaon na pinatupa
ni Jesus dietong halak Parise dohot siboto surat gabe hailaon
(penghinaan- sangat mencemooh). Alai tung pe dietong halak
Parise dohot siboto surat ulaon na binahenNa gabe sada hailaon,
dang gabe sumurut Tuhan Jesus manjalo, mandongani huhut
mangajari angka sijalo beo dohot sipardosa i. Didongani jala dijalo
Jesus nasida, laho mangajari nasida asa marhamubaon jala satia
mangihuthon Ibana. Molo tung pe godang elaela dohot haurahon
sian halak parise dohot siboto surat tu angka sijalo dohot sipardosa,
hot do haringgason nasida manangihon hata ni Tuhan Jesus jala
mangoloi do nasida di joujou ni Tuhan Jesus. Ima lapatan ni sisean
na sasintongna.
Ayat 3-4
Boasa gabe boi mago birubiru i? Siala diaotaoti do angka
dolok mangalului sigagatonna jala sai diihutihut do sandok tumbur
ni duhutduhut alai dang diparohahon nasida sahat tudia batas
inganan nasida laho mangalului dohot manggagat duhutduhut i.
Dipaunduk do uluna laho mangalului dohot manggagat duhutduhut
i alai lupa nasida sahat tudia batas na naung ditontuhon parmahan
i. Alani i ma, gabe lilu nasida laos dang diboto be dalan laho mulak
tu inganan na naung ditontuhon.
Gombaran ni ngolu ni jolma na sai tongtong marnahurang di
ngolu portibi on, gabe manimbil nasida sian dalam ni Tuhan i. Sai
dilului jolma ido hasonangan portibion hombar tu lomo ni rohana,
3
ndada hasonangan na hombar tu lomo roha ni Tuhan Jesus. Gabe
lilu ma ibana, gabe hadangolan ma dihilala jolma i siala dang boi be
ibana manghilala pangaramotion ni tangan ni Debata di ngoluna.
Manusia memang memiliki kecerdasan lebih dari seekor domba,
namun masih belum bijaksana karena tidak ingin dituntun oleh
gembalanya.
Pandohan: “Ise hamu sahalak?” ima pandohan laho
mangajari, asa sude na umbegesa mambolonghon roha diri (egois).
Unang adong na patuduhon asi ni roha alai dang sian ias ni rohana
holan sipalensem. Unang ma adong na umbegesa marhu niroha
didongan. Alana ganup jolma ringkot situtu diparsangapi ndada
dilea i. Alani i, siparmahan na burju, ndang didok ibana, “adong
dope siapulu sia nai, dang pola luluanna na mago i laos dilupahon
birubiru na sada nari”. Mararga situtu do ganup jolma di Tuhan i,
Parmahan na denggan do ianggo Tuhan i, dijaga ibana do
birubiruNa i asa unang mura dipaotooto hasonangan na diportibi
on. Tuhan menjaga kawanannya untuk tidak mudah tertipu dengan
rumput hijau diluar pagar (hal hal duniawi). Alani i, Parmahan na
denggan ingkon luluanna do birubiru na magoi. Jadi pandohan laho
mangalului na so tarida i, ima patuduhon holong ni roha ni Tuhan i.
Ibana do na langsung turun tangan mangalului birubiru i, siala
birubiru i jotjot holan mamingkirhon dirina sandiri, gabe dang
ditangihon soara ni Jesus na manjoujou ibana. Alai tung pe songon i
pangalaho ni birubiru I, tongtong do dipatuduhon Tuhan i asi ni
roha dohot holong ni rohaNa. Dilului Ibana do, jala ndang mansohot
ibana laho mangalului birubiru na mago i. Dalam pencarianNya
bukan tanpa resiko dan rasa sakit! Sebab seorang gembala
membungkus dirinya dengan jubahnya pada malam hari dan
kemudian membaringkan dirinya di celah pintu kandang, sehingga
ketika serigala atau singa yang mencoba masuk dan mau memangsa
kawanan domba, serigala atau singa itu harus melewati lebih
dahulu gembala tersebut.
Jadi pandohan na nidok Jesus Ise hamu sahalak? Asa ganup
na umbegesa patuduhon holong ni roha na tutu situtu tu donganna,
asa ganup jolma na lilu sian dalan ni Tuhan gabe ditanda dalan ni
Tuhan. Gabe mulak mananda balga ni asi ni roha ni Tuhan i. Alana
Tondi ni Debata adong do dibagasan ganup jolma, siala didok di
4
Johannes 1 : 14 : “Gabe daging ma Hata i jala maringan di
tongatonga ni hita on, ...”
Ayat 5-7
Dung jumpangsa birubiru na mago i, mulak ma parmahan i,
diboan ma birubiru i di atas ni abarana siala diboto ibana do, nunga
loja huhut lomos birubiruNai. Ibana papunguhon dohot mamboan
birubiru i tu bagasan ampuanNa, abaraNa, ima gombaran huasoNa
na pagomoshon dohot manungkol birubiru asa birubiru naung
diporsan manang natihukna i unang be mago jala dapotan
hangoluan na salelengnilelengna di ibana.
Ayat 8-10
Na dua umpama on, ima “Taringot tu Birubiru na Lilu”
dohot “Taringot tu Hupang na mago” sasintongna umpama na
sarupa, alai inganan dohot tingki na berbeda. Di umpama taringot
tu birubiru na lilu aktor utama na ima sahalak baoa. Alai umpama
taringot tu hupang na mago aktor utama na ima sahalak borua.
Diumpama taringot tu birubiru na lilu i, peristiwa na diluar
handang, alai umpama hupang na mago, peristiwana ima dibagas
jabu.
Umpama tu hupang na mago i, bagas jabu i patoranghon
bagas joro ni Tuhan. Jala sahalak borua i patoranghon sahalak
parbarita na uli. Jala 10 hupang patoranghon ima angka jolma na
mago, na mandao sian Tuhan i. Alani i, ringkot situtu diurupi, dilului
asa olo nasida berkomitmen laho mananda balga ni asi dohot
holong ni roha ni Tuhan I.
10 Hupang ima hepeng ni halak Romawi. 10 hupang ima
balanjo sadari na digararhon tu sahalak parkarejo. 10 hupang na
adong di sahalak borua i ima ngoluna, halak na pogos do ibana.
Alani i, molo mago agia sada hupang i gabe marsak do rohana.
Berusaha do ibana mangalului hupang na mago i. Mansai arga
situtu do sahupang na mago i di borua i. Dipamanat do sandok isi
ni bagasna laho mangalului hupang na mago i.
Hamagoan sada hupang gabe masalah na balga doi di
sahalak borua i. Alani i, mansai ringgas jala marsitutu ibana
mangalului hupang na mago i. Di Timur Tengah bentuk sada jabu,
dang adong jendelana, molo tung pe adong jendela mansai gelleng
bentukna. Alani i, mansai ringkot situtu sinondang laho mangalului
5
 hupang na mago i, tung pe ditingki arian hupang i mago. Wanita itu
menyapui dan mencari sampai dia menemukannya. Songon ima
Tuhan i, manontong do Ibana mangalului na mago i. Jala marlas
niroha do Ibana molo nunga jumpangsa na mago i. Marlas ni roha
do Ibana rap dohot surusuruanNa. Satu jiwa yang pulang membawa
sukacita di bumi dan di surga. Dia tidak bisa bersukacita sendirian;
Dia berbagi kegembariannya dengan manusia dan malaikat.

Sipahusorhusoron :
1. Marhite turpuk on diarahon do hita asa mangantusi hita do
birubiru na mago i. Ndang adong jolma na so hea marsala, ndang
adong jolma na singkop. Pangula ni huria nang ruas dos do halak
pardosa, halak na mago.
So tung madabu hita tu ginjang ni roha ni partondion marhite na
mangarajumi diri badia/ partigor, halak na asing pardosa. Unang
tapangolu bangko songon Parise nang sibotosurat diturpuk on na
mangarajumi diri “partigor” na so ringkot paubahon roha. Ai molo
tarajumi dirinta partigor na so ringkot hamubaon ni roha, madabu
ma hita tu panguhumion nang parmungutmunguton.
2. Gombaran ni Debata do parbirubiru na mangalului na mago
diumpama i. Ro do Debata dibagasan Tuhan Jesus manadinghon
habangsaNa tu portibion holan laho mangalului hita joma na mago
(Pilippi 2 : 6-8), ido barita na uli di turpuk on. Ndang dipasombu
Debata hita tongtong dibagasan hadosaonta. Ndang adong dosa na
pabalgahu na so boi sesaon ni Debata. Disoro do hita sian gambo
lisop ni dosa. Nunga singkop digohi/ digenapi na di Hesekiel 34 : 16
"LuluanHu ma na mago i, jala mulak boanonHu na tardempar i, jala
lilitanHu do na mabugang i, jala pargogoanHu do na marsahit i."
Las ma rohanta ala ndang dipasombu Debata hita mago; dilului jala
nunga jumpang hita marhite mudar ni Jesus di dolok Golgata.
Statusta soanari i ma "na mago hian alai nuaeng nunga jumpang."
3. Hataridaan ni jolma "na mago hian alai nuaeng nunga jumpang" i
ma hamubaon ni roha. Ala nunga ro Debata mangalului jala manogu
hita sian hadosaonta, rade ma hita paubahon rohanta. Nasa
hasomalanta na hurang denggan, nasa pambahenanta na maralo tu
lomo ni roha ni Debata. tabolongkon ma i. Tajanghon ma mudar ni

6
 Tuhan Jesus jala tarida ma i marhite ngolunta na imbaru asa masa
muse parolopolopon di banua ginjang.
Marlas ni roha ma hita ala rade do Debata manjanghon hita pardosa
marhite mudar ni Jesus songon hata ni ende Amazing Grace na tarsurat di
BE. HKBP No. 699: Singkop do asi ni rohaM ). Tapareahi ma tongtong
paimbaru diri, marhamubaon hombar tu lomo ni roha ni Tuhan i. amen

3. Marende BE No. 409 : 1 “ANGKA BIRUBIRU”

Angka birubiru na pungu i, siapulusia do,
Holan sadana dao, ai na lilu i, mansai dao sian Tuhan na do. Tung di
gambo ni dosa, di portibi on.
Ndang sonang rohana sai susa inon, ndang sonang rohana,
sai su sa inon.

Acara Minggu 11 September 2022 Acara Partangiangan 07 September

2022
01. BN. 135 : 1-2 01. BE. No. 12 : 1-2
02. VOTUM : A. XV. A. 4/ D. XIII. 38 02. VOTUM : A. XV. A. 4/ D. XIII. 38
03. BN. 437 : 1-2 03. BE. No. 169 :1-2
04. PATIK : I-X 04. EP. Lukas 15 : 1-10
05. BN. 173 : 1 +4 05. BE. No. 409 : 1-2
06. Manopoti dosa : B. 3 - C. 3 06. Doa syafaat
Ende Manopoti Dosa: No. 681 07. Koor Wilayah
07. BN. 424 : 1+5 08. BE. No. 411 : 1-2
08. Epistel Mazmur 51 : 1-10 08. Jamita : Psalmen 51 : 1-10
09. Koor 09. BE. No. 437 : 1....
10. BN. 421 : 1-2 10. Penutup
11. MH
12. WARTA
13. BN. 409 : 1---
14. JAMITA Lukas 15 : 1-10
15. BN. 678 : 1---
16. Tangiang Panutup

7
Jadwal Pelayan Minggu 11 September 2022
Agend Wart Harentao
Minggu Pelean Gugus
a a n
Jam 06 HP RHS JB MDS, AS, MTB SMP

Jam 09 EP LH JS ARS, NSP LG

Jam 11 EN TJH CN UP, RAS AMH

Jam 17 ESMB MP CYS LS HJP

II. Tugas Sek. Minggu 11 September 2022

1. Gereja : St.RS (Pukul 07.30)
2. Asri 2 : St. ES
3. Babelan : St. BPH
4. Kebalen : St. PL

III. Jadwal Pelayan Partangiangan 07 September 2022

Khotbah Pdt.EL

Agenda C.Pdt.LS

Doa Syafaat St. ES

Koord St. SMP

Kolektan St.SN

SL Ny.Manalu br.sigiro

Organis Sarah manalu

8
9