II. KABISAAN a. Bisa sa Isip Ang "panday" ay sumisimbolo sa mga manggagawa ng bansa. Ang "bakal" na siyang ginagamit ng panday ay sumisimbolo sa kanyang lakas at bunga nito. Ang mga manggagawa ay napakahalaga. Sila ay kayamanan ng bansa yamang tao kung ituring. Ang kanilang lakas ay siya ring lakas ng bayan. Dugo't pawis ang kanilang puhunan. Ano mang klase ng manggagawa ay kay laking tulong na, gamit ang kanilang kamay, kay raming nagagawa. b. Bisa sa Puso Ang tulang "Ang Panday" ni Amado V. Hernandez ay tumutukoy sa mga isyu hinggil sa mga manggagawa sa lipunan noon at maging sa kasalukuyan. Inilarawan dito ang mga suliranin at kaapihan sa mga manggagawa. Isinaad dito maging ang halaga at pakinabang ng mga manggagawa. Kahit pa man niyayakap na ng mga tao ang paggamit ng makabagong teknolohiya sa modernong panahon, hindi pa rin maipagkakaila ang pangangailangan ng lakas ng isang manggagawa. c. Bisa sa Sarili Mula sa pagkain, tirahan, kagamitan at iba pang pangunahing pangngailangan ng tao, lahat yan ay pinaghirapan ng manggagawa. Walang pagkain kung walang manggagawang magtatanim at aani. Walang tirahan kung walang papanday. Walang kagamitan kung walang kamay na hahabi rin man. Importante ang mga manggawa sa bansa. Napakalaking kawalan kung sila'y mawawala. Nakaka-awa dahil sila ay minamaliit at hindi nakikita ang mga pagod at sakripisyo nila para sa bansa. d. Bisa sa Lipunan Kahit pa man nariyan ang makinarya, kailangan pa rin nito ang tulong ngisang manggagawa. Sa likod ng pakinabang at halaga ng manggagawa, isang katotohanan ang sa lipunan ay umalingawngaw. Hindi natin maiwawaglit sa ating isipan na may mgamanggagawang patuloy na inaalipin. May mga manggagawang patuloy na sadlak sa hirap. May mga manggagawang panay na kumakalam ang sikmura. GAWAIN 4 III. MGA PUNA May mga manggagawang pinagkaitan ng karapatan. Hindi na lingid sa atin subalit hanggang sa kasalukuyan ay nabubuhay pa rin ang mga suliraning iyon. Mababang sahod, palaging sobra ang oras sa pagtatrabaho, minsanay hindi pa pantay ang pagbibigay, hindi pa sa tamang oras ang pagbibigay ng sahod at higit sa lahat, minsan ay napapawalang bahala lang. Ilan lamang ang mga suliraning ito ng mga manggagawa sa lipunan.
Isang halimbawa na rito ay ang mga nagtatrabaho sa mga pabrika.
Napabalita kamakailan ang isang pabrikang nasunog. Maraming manggagawa ang hindi nakalabas sa loob. Dahil lamang sa isang hindi inaasahang insidente, maraming buhay ang nawala. Bunga nito, maraming pamilya ang nagluksa at maraming tao ang nawalan ng mahal sa buhay. Sa kasamaang palad, mayroon namang ilan na hindi nakakatanggap ng benepisyo. May ilang pagawaan na hindi umano nagbibigay benepisyo. Maaring nakasaad iyon sakanilang kontrata. Samantala, ang iba naman ay lubhang delikado ang trabaho. Kahit pa man may malaking benepisyo, nalalagay naman sa alanganin ang buhay nila.
Tingnan natin ang mga minero, panday, mangangalakal at marami
pang iba. Batid nilang delikado ang kanilang ginagawa subalit nakasubsob pa rin sila sa paggawa. Hindi nila alintana ang baho, polusyon, at iba pa. Basta't ang sa kanila ay makapaglingkod at mabuhay kahit pa nakataya ang kanilang mga buhay.
Sa mga kabataan, marahil ay hindi pa natin masyadong ramdam
ang sakripisyong inilaan ng mga manggagawa para sa atin. Marahil ay natutulog pa tayo, ngunit panahon na upang tayo'y gumising at bigyang pansin ang sa atin ay inilaan. Isa na riyan ang ating kinabukasan na patuloy na pinagsisikapang maging maginhawa sa tulong ng mgamanggagawa.