5

Araling Panlipunan
Unang Markahan – Modyul 1:
Lokasyon at Klima ng Pilipinas

Tagalikom/Tagakontekstuwalisa: AILENE S. BANOGBANOG

TEACHER III
CARRETA ELEMENTARY SCHOOL
Araling Panlipunan – Ikalimang Baitang

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anumang akda ang Pamahalaan ng Pilipinas. Gayunpaman, kailangan muna ang
pahintulot ng ahensiya o tanggapan ng pamahalaan na naghanda ng akda kung ito ay pagkakakitaan.
Kabilang sa mga maaaring gawin ng nasabing ahensiya o tanggapan ay ang pagtakda ng kaukulang
bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay
ng karapatang-ari ng mga iyon. Pinagsumikapang matunton ang mga ito upang makuha ang pahintulot
sa paggamit ng materyales. Hindi inaangkin ng mga tagapaglathala at mga may-akda ang karapatang-
aring iyon. Ang anumang gamit maliban sa modyul na ito ay kinakailangan ng pahintulot mula sa mga
orihinal na may-akda ng mga ito.

Walang anumang parte ng materyales na ito ang maaaring kopyahin o ilimbag sa anumang
paraan nang walang pahintulot sa Kagawaran.

Bumuo sa Pagsusulat ng Modyul

Manunulat/ Tagalikom
Tagakontekstuwalisa: Ailene S. Banogbanog, T3-Carreta Elementary School

Mga Patnugot: Alice S. Ganar, PSDS SD8/SHS Assisting

Mga Tagasuri Jinky M. Alama, Punongguro- Napo Elementary School

Myrna S. Firme, Punongguro- Cantipla Integrated School
Shiela Dela Cruz, Punongguro-San Nicholas Elementary School

Tagapamahala: Rhea Mar A. Angtud, Schools Division Superintendent

Bernadette A. Susvilla, Asst. Schools Division Superintendent
Grecia F. Bataluna, Chief-Curriculum Implementation Div
Luis O Derasin, EPS -Araling Panlipunan/SHS Coordinator
Vanessa L. Harayo, EPS- LRMDS

Inilimbag sa Pilipinas ng DepEd Cebu City Division, Region VII

Office Address: New Imus Road Avenue, Cebu City
Telefax: 255-1516
E-mail Address: cebu.city@deped.gov.ph
 5

Araling Panlipunan
Unang Markahan – Modyul 1:
Lokasyon at Klima ng Pilipinas

Tagalikom/Tagakontekstuwalisa: AILENE S. BANOGBANOG

TEACHER III
CARRETA ELEMENTARY SCHOOL
Paunang Salita
Para sa tagapagdaloy:

Malugod na pagtanggap sa asignaturang Araling Panlipunan 5 para sa araling- Ang

Lokasyon at Klima ng Pilipinas!

Ang modyul na ito ay pinagtulungang dinisenyo, nilinang at sinuri ng mga edukador

mula sa pampubliko at pampribadong institusyon upang gabayan ka, ang gurong
tagapagdaloy upang matulungang makamit ng mag-aaral ang pamantayang itinakda
ng Kurikulum ng K to 12 habang kanilang pinagtagumpayan ang pansarili,
panlipunan at pang-ekonomikong hamon sa pag-aaral.

Ang tulong-aral na ito ay umaasang makauugnay ang mag-aaral sa mapatnubay at

malayang pagkatuto na mga gawain ayon sa kanilang kakayahan, bilis at oras.
Naglalayon din itong matulungan ang mag-aaral upang makamit ang mga
kasanayang pan-21 siglo habang isinasaalang-alang ang kanilang mga
pangangailangan at kalagayan.

Bilang karagdagan sa materyal ng pangunahing teksto, makikita ninyo ang kahong

ito sa pinakakatawan ng modyul:

Mga Tala para sa Guro

Ito'y naglalaman ng mga paalala, panulong
o estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang mag-aaral

kung paano gamitin ang modyul na ito. Kinakailangan ding subaybayan at itala ang
pag-unlad nila habang hinahayaan silang pamahalaan ang kanilang sariling
pagkatuto. Bukod dito, inaasahan mula sa iyo na higit pang hikayatin at gabayan
ang mag-aaral habang isinasagawa ang mga gawaing nakapaloob sa modyul.

1
Para sa mag-aaral:

Malugod na pagtanggap sa Araling Panlipunan 5 ukol sa Lokasyon at Klima ng

Pilipinas !

Ang kamay ay madalas gamiting simbolo ng kakayahan, aksyon at layunin. Sa

pamamagitan ng ating mga kamay tayo ay maaaring matuto, lumikha, at
magsakatuparan ng gawain. Ang kamay sa tulong-aral na ito ay sumisimbolo na
ikaw, bilang isang mag-aaral, ay may angking kakayahang matutuhan ang mga
kaugnay na kompetensi at kasanayan. Ang iyong pang-akademikong tagumpay ay
nakasalalay sa iyong sarili o sa iyong mga kamay.

Ang modyul na ito ay ginawa bilang tugon sa iyong pangangailangan. Layunin nitong
matulungan ka sa iyong pag-aaral habang wala ka sa loob ng silid-aralan. Hangad
din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

Alamin Sa bahaging ito, malalaman mo ang mga

dapat mong matutuhan sa modyul.

Subukin Sa pagsusulit na ito, makikita natin kung

ano na ang kaalaman mo sa aralin ng
modyul. Kung nakuha mo ang lahat ng
tamang sagot (100%), maaari mong laktawan
ang bahaging ito ng modyul.

Balikan Ito ay maikling pagsasanay o balik-aral

upang matulungan kang maiugnay ang
kasalukuyang aralin sa naunang leksyon.

Tuklasin Sa bahaging ito, ang bagong aralin ay

ipakikilala sa iyo sa maraming paraan tulad
ng isang kuwento, awitin, tula, pambukas na
suliranin, gawain o isang sitwasyon.

Suriin Sa seksyong ito, bibigyan ka ng maikling

pagtalakay sa aralin. Layunin nitong
matulungan kang maunawaan ang bagong
konsepto at mga kasanayan.

Pagyamanin Binubuo ito ng mga gawaing para sa

malayang pagsasanay upang mapagtibay ang
iyong pang-unawa at mga kasanayan sa
paksa. Maaari mong iwasto ang mga sagot
mo sa pagsasanay gamit ang susi sa
pagwawasto sa huling bahagi ng modyul.

2
 Isaisip Naglalaman ito ng mga katanungan o
pupunan ang patlang ng pangungusap o
talata upang maproseso kung anong
natutuhan mo mula sa aralin.

Isagawa Ito ay naglalaman ng gawaing makatutulong

sa iyo upang maisalin ang bagong kaalaman
o kasanayan sa tunay na sitwasyon o
realidad ng buhay.

Tayahin Ito ay gawain na naglalayong matasa o

masukat ang antas ng pagkatuto sa
pagkamit ng natutuhang kompetensi.
Karagdagang Sa bahaging ito, may ibibigay sa iyong
Gawain panibagong gawain upang pagyamanin ang
iyong kaalaman o kasanayan sa natutuhang
aralin.

Susi sa Pagwawasto Naglalaman ito ng mga tamang sagot sa lahat

ng mga gawain sa modyul.

Sa katapusan ng modyul na ito, makikita mo rin ang:

Sanggunian Ito ang talaan ng lahat ng pinagkuhanan sa

paglikha o paglinang ng modyul na ito.

Ang sumusunod ay mahahalagang paalala sa paggamit ng modyul na ito:

1. Gamitin ang modyul nang may pag-iingat. Huwag lalagyan ng anumang
marka o sulat ang anumang bahagi ng modyul. Gumamit ng hiwalay na papel
sa pagsagot sa mga pagsasanay.
2. Huwag kalimutang sagutin ang Subukin bago lumipat sa iba pang gawaing
napapaloob sa modyul.
3. Basahing mabuti ang mga panuto bago gawin ang bawat pagsasanay.
4. Obserbahan ang katapatan at integridad sa pagsasagawa ng mga gawain at
sa pagwawasto ng mga kasagutan.
5. Tapusin ang kasalukuyang gawain bago pumunta sa iba pang pagsasanay.
6. Pakibalik ang modyul na ito sa iyong guro o tagapagdaloy kung tapos nang
sagutin lahat ng pagsasanay.
Kung sakaling ikaw ay mahirapang sagutin ang mga gawain sa modyul na ito, huwag
mag-aalinlangang konsultahin ang inyong guro o tagapagdaloy. Maaari ka rin
humingi ng tulong sa iyong mga magulang, sa nakatatanda mong kapatid o sino
man sa iyong mga kasama sa bahay na mas nakatatanda sa iyo. Laging itanim sa
iyong isipang hindi ka nag-iisa.

Umaasa kami, sa pamamagitan ng modyul na ito, makararanas ka ng

makahulugang pagkatuto at makakakuha ka ng malalim na pang-unawa sa
kaugnay na mga kompetensi. Kaya mo ito

3
Aralin
Lokasyon at Klima ng
1 Pilipinas

Naipapaliwanag ang kaugnayan ng lokasyon sa paghubog ng kasaysayan.

Alamin
Magandang araw mag-aaral! Ngayon ay nandito ka na sa Ikalimang
Baitang. Nakatuon sa modyul na ito ang kinalalagyan ng ating bansa at klima
na may kaugnayan sa paghubog ng ating kasaysayan. Pagkatapos ng araling
ito, inaasahang ikaw ay:
a. nakatutukoy sa kinalalagyan ng Pilipinas sa daigdig gamit ang
globo at map;
b. naipagmamalaki ang lokasyon at uri ng klima na nararanasan
sa Pilipinas;
c. nakapag-uugnay sa klima ng Pilipinas ayon sa lokasyon nito sa
daigdig.

Subukin
Basahin ang bawat tanong at isulat ang titik ng tamang sagot sa papel.

1. Saang bahagi ng Pilipinas matatagpuan ang malawak na Karagatang

Pasipiko?
A. Hilaga B. Kanluran C. Silangan D. Timog
2. Ito ang pinakamalaking kontinente sa buong mundo.
A. Antarktika B. Aprika C. Asya D. Australia
3. Ano ang tawag sa guhit parallel na naghahati sa mundo sa dalawang
hatingglobo- hilagang hatingglobo at timog hatingglobo?
A. ekwador B. grid C. latitud D. longhitud
4. Anong tawag sa lokasyong tumutukoy sa hangganang lupain o
katubigang nakapaligid sa isang bansa?
A. absolute B. bisinal C. insular D. relatibo
5. Sa anong kontinente matatagpuan ang ating bansa?
A. Antarktika B. Aprika C. Asya D. Australia

6. Ang pag-ikot ng daigdig palibot sa araw ay tinatawag na _____________.

A. klima B. panahon C. rebolusyon D. rotasyon
7. Ang inaasahang kalagayan ng atmospera sa loob ng mahabang panahon
ay tinatawag na__________.
A. humidity B. klima C. panahon D. temperature

4
 8. Ang Pilipinas ay nakakaranas ng dalawang panahon; tag-araw at tag-
ulan. Sa anong sonang pangklima sa daigdig nahahanay ang Pilipinas?
A. gitna B. katamtaman C. polar D. tropikal
9. Ang mga sumusunod ay mga bansa na matatagpuan sa Silangang
Hemispero MALIBAN sa isa.
A. Brazil B. India C. Indonesia D. Pilipinas

10. Gamit ang insular na paraan sa pagtukoy ng relative location ng

Pilipinas, anong katubigan ang makikita sa timog ng ating bansa?
A. Pacific Ocean C. Celebes Sea
B. Bashi Channel D. West Philippine Sea

Balikan
Sariwain ang mga napag-aralan mo sa Ikaapat na Baitang. Ilang kontinente
mayroon ang ating daigdig? Sa anong kontinente matatagpuan ang Pilipinas?

Ang Pilipinas ay bahagi ng pinakamalaking kontinente sa daigdig---

ang Asya. Nahahati ang daigdig sa 7 kontinente. Ang Hilagang Amerika,
Timog Amerika, Europa, Aprika, Asya, Australia at Antarktika. Ang Pilipinas
ay nasa bahagi ng Asya, ito ang pinakamalaking kalupaan sa buong daigdig.

Tuklasin
Pag-aralan ang larawan at hanapin ang Pilipinas.
Saan matatagpuan ang Pilipinas?
Gamit ang dalawang paraan sa pagtukoy ng
lokasyon, ibigay ang lokasyon ng ating
bansa. Anu-anong mga bansa at mga
katubigan ang nakapalibot nito?

Ang Pilipinas ay nasa

bahagi ng Timog-
silangang Asya gawing
itaas ng ekwador.

5
 Suriin

Paraan sa Pagtukoy ng Lokasyon

I. Tiyak na Lokasyon o Absolute Location
Matutukoy ang tiyak na lokasyon ng isang lugar gamit ang mga latitude at
longitude sa globo at mapa. Ang globo ay modelo o representasyon ng daigdig at ang
mapa naman ay patag na representasyon ng bahagi ng mundo.
Mga Imahinasyong Guhit na Makikita sa Globo
A. Meridian o Longitude - ay patayong guhit sa globo mula hilaga
patimog ng globo. Hilagang Polo (North Pole) at Timog
Polo (South Pole) ang tawag sa magkabilang dulo ng
globo sa hilaga at timog.

Dalawang Espesyal na Meridian

Prime Meridian – ang naghahati sa
dalawang hating globo –
silangang hatingglobo at ang
kanlurang hatingglobo. Ito ay nasa
O° longhitud.
International Date Line (IDL) - ang
Imahinasyong guhit na naghahati sa
mundo sa magkaibang araw. Ang
bahagi ng mundo sa silangan ng IDL
ay nauuna ng isang araw kaysa sa
bahaging kanluran ng guhit na ito. Matatagpuan ang IDL katapat
ng prime meridian sa kabilang panig ng daigdig.

B. Parallel o Latitude ay pahigang imahinasyong guhit sa globo o ang

angular na distansya pahilaga o patimog mula sa ekwador.
Limang Espesyal na Parallel sa Globo
Ang ekwador ay matatagpuan sa
gitnang bahagi ng globo, may pantay na layo
mula sa Hilagang Polo at Timog Polo. Ito ay
humahati sa daigdig sa hilagang hating-globo
at timog hating-globo.

Ito ay nasa O° latitud. Hilagang Hating-

globo (Northern Hemisphere) ang tawag sa
bahaging patungo sa Polong Hilaga at Timog
Hating-globo (Southern Hemisphere) ang
tawag sa bahaging patungo sa Polong Timog (South Pole).

6
 Tropiko ng Kanser oTropic of Cancer ay ang pinakahilagang bahagi
ng daigdig na tuwirang nasisinagan ng araw. Ito rin ang
nagsisilbing hilagang hangganan ng tropics o ang rehiyon
malapit sa ekwador at may mainit na klima. Ito ay nasa 23.5°
Hilaga.
Tropiko ng Kaprikornyo o Tropic of
Capricorn ay ang pinakatimog na
bahagi ng mundo na tuwirang
nasisinagan ng araw. Ito ay nasa
23.5 ° Timog.
Kabilugang Arktiko o Arctic Circle ang
pinakadulong bahagi ng daigdig sa
timog na naaabot ng pahilis na
sinag ng araw.Ito ay nasa 66.5°
Hilaga.
Kabilugang Antarktiko o Antarctic Circle ay
ang pinakadulong bahagi ng daigdig sa timog na naaabot ng
pahilis na sinag ng araw. Ito ay matatagpuan sa 66.5 ° Timog.

II. Relatibong Lokasyon o Relative Location

Ang pagtukoy ng lokasyon ng isang lugar sa pamamagitan ng pagtukoy sa mga
karatig na kalupaan o katubigan na nakapalibot sa Pilipinas.
Dalawang Paraan sa Pagtukoy ng Relatibong Lokasyon
Insular – ang paraan sa pagtukoy ng mga katubigang nakapalibot sa isang lugar.
Bilang bansang arkipelago,napapalibutan ang Pilipinas ng mga
katubigan; sa hilaga - Bashi Channel, sa silangan- Pacific Ocean,
sa timog -Celebes Sea at sa kanluran - West Philippine Sea.
Bisinal – ang paraan sa pagtukoy ng mga kalupaang nakapalibot sa isang lugar. Mga
bansa na nakapalibot sa Pilipinas – sa hilaga – Taiwan, sa timog – Malaysia
at Indonesia, sa kanluran – Guam, at sa silangan - Vietnam.

Ang Pilipinas ay matatagpuan sa pagitan ng 4º 23’ at 21 º 25’

hilagang latitude at 116º at 127º silangang longitude gamit ang tiyak
na lokasyon. Ang Pilipinas ay malapit sa ekwador kaya ito ay isang
bansang tropikal. Gamit naman ang relatibong lokasyon, pinapalibutan
naman ito ng mga katubigan at mga kalapit na bansa.

Klima sa Pilipinas
Ang klima ay tumutukoy sa kainamang kondisyon ng atmospera sa loob ng
mahabang panahon o inaasahang pangkalahatang kalagayan ng himpapawid na
naglalarawan ng karaniwang nararanasan sa bawat taon o sa nakaraan.

Mga Salik na Nakakaapekto sa Klima:

1. Latitude - iba-iba ang tindi ng sikat ng araw sa bawat bahagi ng mundo
depende sa anggulo at ang kalagayan nito.

7
 May tatlong sonang pangklima sa daigdig:
A. Sonang Tropikal - nasa mababang latitude na nasasakop sa rehiyong
pagitan ng Tropic of Cancer ( nasa 23.5 º Hilaga) at Tropic of
Capricorn (nasa 23.5 º Timog). Ito ang sonang pinakamalapit sa
ekwador kaya may 2 uri ng klima ang mararanasan dito ang tag-
init at tag-ulan.
B. Sonang Katamtaman - nasa gitnang latitud. Ang mga bansang nasa
pagitan ng 23.5 º latitude hanggang 66.5 º latitude o sa pagitan
ng Tropic of Cancer at Arctic Circle sa hilaga; at ang mga lugar
na nasa 23. 5 º T latitude hanggang 66.5 º latitude o sa pagitan
ng Tropic of Capricorn at Antarctic Circle sa timog. Ang mga
bansa rito ay makakarananas ng apat na panahon; taglamig
(winter), tagsibol (spring), tag-init (summer) at taglagas (fall).
C. Sonang Polar ay nasa mataas na latitude at pinakamalamig na bahagi ng
daigdig. Ito ay rehiyong nasa 66.5 º H latitude hanggang 90º H
latitude o sa pagitan ng Arctic Circle at North Pole; at ang
rehiyong nasa 66 .5 º T latitude hanggang 90º T latitude o sa
pagitan ng Antarctic Circle at South Pole.

2. Topograpiya - ang mga kabundukan o ang uri ng kalupaan ng isang lugar ay

nakakaapekto sa isang lugar.
3. Altitude o taas ng lugar - kung mataas ang isang lugar ay bumababa ang
temperatura kagaya sa Baguio City na matatagpuan sa mataas
na lugar kaya mababa ang temperatura at malamig dito kumpara
sa mababang lugar sa bansa. Temperatura ay ang tumutukoy
sa lamig at init ng atmospera sa isang lugar. Thermometer ang
gamit na panukat sa temperatura.
4. Galaw at uri ng hangin - isa rin sa nakakaapekto sa klima dahil ang
hanging nararanasan sa Asya ay nagbabago ng direksyon na
tinatawag na monsoon.

Tatlong Uri ng Hanging Nakakaapekto sa Klima ng Bansa

A. Hanging silangan o trade winds - umiihip ang hanging silangan mula
sa hilagang silangan o silangan pagkatapos na bagtasin
ang Pacific Ocean. Nararanasan ito sa Pilipinas mula Pebrero
hanggang Marso.

8
 B. Hanging amihan o northeast monsoon – umiihip ang hangin amihan mula
sa hilagang-silangan. Nagdadala ng malamig at tuyong hangin
na nagmumula sa China at Siberia. Nararanasan ito sa
Pilipinas mula Nobyembre hanggang Pebrero.
C. Hanging habagat o southwest monsoon – umiihip ang hanging habagat
mula sa timog-kanluran bahagi ng Pilipinas at umiihip sa buong
Asya na nagdadala ng malakas na pag-ulan sa ating bansa.
Nararanasan ito sa Pilipinas mula Mayo hanggang Oktobre.
Anemometer ang ginagamit upang masukat ang bilis ng hangin.
5. Distansya mula sa karagatan – dahil ang karagatan ang humihigop sa
temperatura at ang tubig nito ay hindi madaling umiinit, naapektuhan nito
ang klima ng mga nasa baybaying lugar.
Malapit sa ekwador ang Pilipinas kaya tayo ay may dalawang klimang
nararanasan. Ang Pacific Ocean naman ang silangan ng Pilipinas kaya madalas
tayong dalawin ng mga bagyo. Sa lokasyon nitong nahahanay sa typhoon belt kaya
taun-taon may 19 hanggang 20 bagyo ang dumaraan sa ating bansa. Nagbabago ang
panahon at klima sa iba’t ibang panig ng mundo dahil sa paggalaw nito.
Uri ng Paggalaw ng Daigdig
Rotasyon – ito ay ang pag-ikot ng mundo sa kanyang sariling axis kaya may araw at
gabi. Axis ang tawag sa imahinasyong guhit na tumatagos mula Hilagang
Polo patungong Timog Polo na nakahilig sa anggulong 23.5 º.
Rebolusyon – tumatagal nang 365 ¼ na araw ang pag-ikot ng mundo sa araw at dahil
sa nakahilig na posisyon ang mundo paikot sa araw kaya tumatama
ang sinag nito sa magkakaibang panig ng mundo na naging dahilan sa
pagkakaroon ng iba’t - ibang klima sa iba’t ibang panig ng mundo.

Pagyamanin
A. Pag-aralan ang mga guhit at kilalanin ang mga ito. Pumili sa loob ng
kahon sa gilid ng larawan at isulat ang iyong sagot sa papel.
___________1. 2. _______________
Latitud
Longhitud
____________3. 4. ________________ Hilagang Polo
Timog Polo
5. ________________
Prime Meridian

B. Ibigay ang mga katubigan at mga bansa na nakapalibot sa Pilipinas.

Isulat ang sagot sa papel.

9
 Isaisip
Sagutin sa papel ang mga tanong. Ang bawat sagot ay may katumbas na
dalawang puntos.
1. Anu - ano ang mga paraan para matukoy ang lokasyon ng Pilipinas?
___________________________________________________
2. Saan matatagpuan ang Pilipinas gamit ang tiyak na lokasyon?
_________________________________________________________
3. Ano ang kahalagahan sa pag-alam ng lokasyon at klima ng isang lugar?
_________________________________________________________
4. Ano ang kinalaman ng lokasyon sa isang lugar sa klimang nararanasan nito?
_________________________________________________________
5. Kalimitan sa tuwing buwan ng Mayo hanggang Oktubre ay makakaranas
tayo ng pag-ulan. Bilang estudyante, paano ka makakatulong upang maihanda ang
iyong pamayanan? ___________________________________________________

Isagawa
Gumawa ng liham sa isang kaibigan na taga ibang bansa. Ipakilala mo ang
ating bansa ayon sa lokasyon at uri ng klima na nararanasan dito sa Pilipinas. Gawin
ito sa papel. Ang rubriks sa ibaba ay siyang maging batayan sa pagbibigay ng
puntos.

Tayahin

Basahin ang bawat tanong at isulat ang titik ng tamang sagot sa papel.

1. Tawag sa imahinasyong guhit na naghahati sa daigdig sa magkaibang araw.

A. Ekwador C. Latitude
B. Prime meridian D. International Date Line

10
2. Ang imahinasyong guhit sa globo na tumatagos mula North Pole
hanggang South Pole at nakahilig ito na may anggulong 23.5º ay tinatawag na
____________.
A. axis B. ekwador C. latitud D. prime meridian
3. Ang ama ni Bryan ay isang mangingisda. Upang makakuha ng maraming isda
ang tatay ni Bryan, anong salik sa klima ang dapat na isaalang-alang ng kanyang
ama?
A. altitude C. galaw at uri ng hangin
B. topograpiya D. distansya mula sa karagatan
4. Ang mga sumusunod ay mga epekto ng rotasyon MALIBAN sa isa.
A. nagkaroon ng araw at gabi
B. katumbas ng 24 na oras sa isang araw
C. iba’t – ibang klima sa iba’t – ibang panig ng mundo
D. nagkakaroon ng iba’t – ibang oras sa magkaibang panig ng mundo
5. Si Nash ay nakatira sa Baguio. Malamig ang klima doon dahil sa ______.
A. altitude C. latitude
B. distansya sa karagatan D. galaw at uri ng hangin
6. Alin sa mga sumusunod ang katangian ng isang bansang tropikal?
A. nakararanas ng tag-init at tag-ulan
B. nasa mataas na latitud ang isang lugar
C. nakararanas ng apat na uri ng panahon
D. nakararanas ng matinding lamig ng panahon
7. Kung ang prime meridian ang naghahati sa globo sa silangang- hatingglobo at
kanlurang- hatingglobo, ano naman ang kahalagahan ng International Date
Line (IDL)?
A. May araw at gabi.
B. Naghahati sa mundo sa magkaibang araw.
C. Nagkakaroon ng iba’t ibang klima ang mundo.
D. Naghahati sa mundo sa timog at hilagang hating globo
8. Bakit madalas dalawin ng bagyo ang bansa natin?
A. May maraming bundok
B. Nakaharap ang Pilipinas sa Karagatang Pasipiko
C. Iba’t-ibang uri ng hangin ang bumibisita sa Pilipinas
D. Naiipon ang bagyo dahil sa init at ulan na narararanasan sa bansa
9. Gamit ang mapang pandaigdig, anong bansa ang tinutukoy sa nakasaad na
lokasyon?
Tiyak na lokasyon: 55º41’ hilagang latitude at
12º34’ silangang longitude
Relatibong lokasyon: malapit sa hilaga ng Germany,
napapalibutan ng Baltic Sea at North Sea

A. Denmark B. Finland C. Ireland D. Spain

11
10. Gustong-gusto ni Kent na pumunta sa Amerika para makaranas ng snow o yelo.
Bakit nagkakaroon ng snow sa nasabing bansa? Dahil ito ay ________.
A. malaking bansa
B. nakararanas ng apat na panahon
C. matatagpuan sa Pacific Ring of Fire
D. may kakayahang gumawa ng sariling yelo

Karagdagang Gawain
Basahin ang bawat pangungusap at isulat ang T kung tama at M kung ito ay
mali sa papel.

1. Walang epekto ang paghilig ng daigdig sa axis nito sa klima ng Pilipinas.

2. Ang ekwador ay nasa Oº latitude.
3. Ang Pilipinas ay may klimang tropikal.
4. Ang mga bundok ang naging sanhi ng mataas na temperaturang
nararanasan sa mga lugar na pinalilibutan ng mga ito.
5. Ginagamit ang latitude at longitude sa pagtukoy sa relatibong lokasyon
ng Pilipinas sa daigdig.
6. Ang kompletong rebolusyon ng daigdig sa araw ay umaabot ng 365 ¼
na araw.
7. Matatagpuan ang Pilipinas sa pagitan ng 4º 23’ at 21 º 25’ hilagang
latitude at 116º at 127º silangang longitude.
8. Ang hanging amihan ay nagdudulot ng malimit na pag-ulan sa Pilipinas.
9. Ang Sonang Katamtaman ay ang may pinakamainit na klima at may
dalawang panahon.
10. Ang Japan ay nasa Timog-Silangan ng Pilipinas.

12
 13
Isaisip (Mga Inaasahang Sagot)
1. Tiyak na lokasyon at relatibong lokasyon
2. Ang Pilipinas ay nasa 4º 23’ at 21 º 25’ hilagang latitude at 116 º at 127º
silangang longitude.
3. Ang lokasyon at klima ng isang lugar ay mahalaga upang hindi ka mawawala sa
iyong patutunguhan at para maiangkop mo ang iyong mga gawain sa pang -
araw -araw.
4. Ang lokasyon ng bansa sa daigdig ay nakakaapekto sa klima na mararanasan.
5. Mahalaga na malaman ang ang lokasyon ng Pilipinas upang maiugnay natin sa
mga klima na ating nararanasan sa ngayon.
Karagadagang Pagyamanin
Gawain A. 1. longhitud
1. Mali 2. Hilagang Polo
2. Tama 3. latitud
3. Tama 4. Prime meridian
4. Tama 5. Timog Polo
5. Mali
6. Tama B. Hilaga - Bashi Channel - Taiwan
7. Tama Timog - Celebes Sea - Malaysia at Indonesia
8. Tama Silangan - Pacific Ocean - Pacific Ocean
9. Mali Kanluran - Guam - West Philippine Sea
10. Mali
Susi sa Pagwawasto
Sanggunian
yy9pajlTw&sa=X&ved=2ahUKEwjHgc2io7bqAhVF_GEKHS6zBF0Q9QEwAnoECAUQNA&biw=1366&
bih=608#imgrc=REMxlIEfOqvPYM
LRMD Hekasi4 MISOSA
https://commons.wikimedia.org/wiki/File:Revolution_of_earth.jpg
Araling Panlipunan 5 Pilipinas Bilang Isang Bansa
Powerpoint Presentation ni Mam Inkay Peralta sa Taga Deped Ako5
https://www.google.com/search?as_st=y&tbm=isch&hl=en&as_q=asia+map&as_epq=&as_oq=&as_e
q=&imgsz=&imgar=&imgc=&imgcolor=&imgtype=&cr=&as_sitesearch=&safe=active&as_filetype=&tb
s=sur%3Af#imgrc=I0ilRBdnv9cvvM
https://www.google.com/search?q=klima+at+panahon&safe=active&source=lnms&tbm=isch&sa=X&v
ed=2ahUKEwilzdrsxtbqAhWxKqYKHSZDCLAQ_AUoAXoECAsQAw&biw=1366&bih=657#imgrc=yyeZ
iLx32Ok3MM
https://www.remove.bg/upload
https://www.google.com/search?q=rainy+season+clip+art&lr=&safe=active&hl=en&tbs=sur:f&source=l
nms&tbm=isch&sa=X&ved=2ahUKEwiw7IqjydbqAhW1w4sBHfiTAp4Q_AUoAXoECAsQAw&biw=136
6&bih=608#imgrc=6BBVkpsyA7kkCM

14
Para sa mga katanungan o puna, sumulat o tumawag sa:

DepEd Cebu City Division, Region VII

Imus Avenue, Cebu City

Telefax: (632) 255-1516

Email Address: cebu.city@deped.gov.ph