Mga Konklusyon

Lumabas sa pag-aaral na nangingibabaw ang paggamit ng neutral accent ng mga Pilipinong ahente
bilang pamantayan sa kanilang kompanyang pinasukan at nakatutulong ito upang mas maunawaan sila
ng banyagang kliyente. Samantalang malaki ang epekto ng unang wika ng mga Pilipinong ahente sa
paggamit ng wikang Ingles sa kanilang pakikipagtransaksiyon kaya naman ang mga Pilipinong ahente ay
gumamit ng estratehiya na panggagaya sa paraan ng pananalita ng kanilang mga banyagang kliyente
upang makibagay. Sa pamamagitan nito, nakalikha ng isang informational website ang mga mananaliksik
na magpapaunlad sa kaalaman ng karamihan sa usapin ng Philippine English at makatulong sa mga
Pilipinong ahente upang maging maayos ang daloy ng pakikipagtransaksiyon.

Mga Rekomendasyon

Ang mga natuklasan na ito ay nagmumungkahi ng ilang mga aksyon para magamit ang papel sa mga
kompanya ng BPO na makapagbigay ng kamalayan at hikayatin ang mga ahente na gamitin ang neutral
accent imbis na piliting gayahin ang aksent ng kanilang mga banyagang kliyente. Magamit din ang
proposal sa pagmungkahi ng estratehiya na maaaring gamitin ng mga ahente upang malagpasan ang
mga hamon sa diskriminasyon. Dulot ng hindi pagkakaunawaan sa aksent ng mga Pilipinong ahente,
iminungkahi na bigyang puwang ng mga banyagang kliyente ang paggamit ng Filipino aksent ng mga
ahente at gamitin ang neutral accent bilang pamantayan sa halip na American accent. Magamit ang
likhang materyal ng mga mananaliksik na makapagbigay ng kaalaman at malay sa Philippine English. Ang
isinagawang papel ay maaari din magamit sa iba pang saliksik na may kaugnayan dito at ituloy ang pag-
aaral mula sa mga suliraning hindi naabot ng konteksto ng pananaliksik tulad ng pag-aaral sa mga
termino, idyoma at gramatika gayundin ang estado ng industriya ng BPO gaya ng tamang pagpapasahod,
benepisyong medikal, leave, regularization at contractualization.