Professional Documents
Culture Documents
ლიტხელი დავალება (1) 78%
ლიტხელი დავალება (1) 78%
.
ელინისტური ბერძნული ქანდაკების რომაული ასლის საინტერესო
დეტალები, ანუ როგორ გამოსტაცეს სულიერი სამყარო ქვას.
არც ერთი დიდი ხელოვნება არ გამოსულა ზღვის ქაფიდან, როგორც
აფროდიტე. ბერძნული ელინისტური ხელოვნებაც არ შექმნილა
უნიადაგოდ. მის წინამორბედ პერიოდად კლასიკური ძველბერძნული
ხანა ითვლება. ამ პერიოდში შექმნილი ქანდაკებებისგან
განსხვავებით, ელინისტურ პერიოდში შექმნილი ქანდაკებები
დინამიკურობით გამოირჩევიან. ბერძნული ქანდაკების რამდენიმე
ყველაზე ცნობილი ნამუშევარი სწორედ ამ პერიოდს ეკუთვნის,
მაგალითად :ლაოკოონი და მისი ვაჟები, ფრთიანი
გამარჯვება(ნიკე) ,ვენერა დე მილო.
ლუდოვისელი გალი -“Ludovisi Gaul”- არის
რომაული ასლი ელინისტური ბერძნული
ქანდაკებისა. სკულპტურა თავისი დრამატული
მახასიათებლების გამო ითვლება ელინისტური
ხელოვნების ერთ-ერთ კარგ ნიმუშად.ის
დინამიკურია,კერძოდ, ქანდაკებაზე გამოსახულია
გალიელი ან გალატიელი კაცი,რომელიც
თვითმკვლელობას ცდილობს და მეუღლე,
რომელიც მან მოკლა. მოცემული პერსონაჟები
დრამატულადაა გამოსახული.
ქანდაკებაზე პერსონაჟების თითოეული კიდური სხვადასხვა მხარესაა
მიმართული,რაც უფრო დინამიკურსა და
დრამატულს ხდის მას. მამაკაცის სხეულზე
ყოველი კუნთი გამოკვეთილი და დაჭიმულია.ეს
ყოველივე კი, როგორც ვიცით, ელინისტური
ხელოვნებისთვის ერთ-ერთი
მთავარი მახასიათებელია.
ელინისტურ ქანდაკებებში,მათ
უფრო მეტი ცოცხალი ესტეთიკა რომ ჰქონოდათ,
გამოკვეთდნენ სამ ძირითად მახასიათებელს:
ექსპრესიული მოძრაობა, ადამიანის რეალისტური
ანატომია და ქანდაკების მორთული (მაგ. ნაზი ქსოვილით)
დეტალები.
ეს სამივე მახასითებელი ჩანს მოცემულ ქანდაკებაში,კერძოდ,
მკაფიოა,როგორც, პერსონაჟების ექსპრესიული მოძრაობა და მათი
რეალისტური ანატომია,ასევე ნაზი და ჰაეროვანი
ქსოვილები,რომლებიც პერსონაჟებთან ერთად დინამიკას
გამოხატავენ. მაგ: მამაკაცზე მოგდებული ქსოვილი ჰაერშია,რადგან
მიჰყვება მის მოძრაობას,ხოლო ქალის სამოსი როგორც თავად ქალი
დავარდნილია .
ქეთი ებრიალიძე
.
ელინისტური ბერძნული ქანდაკების რომაული ასლის საინტერესო
დეტალები, ანუ როგორ გამოსტაცეს სულიერი სამყარო ქვას.
მოცემული მხრიდან თუ შევხედავთ ქანდაკებას, ჩვენ შეგვიძლია
შევამჩნიოთ,თუ როგორ „ჰაეროვნად“ უჭირავს
მამაკაცს მომაკვდავი ქალის
დამძიმებული მკლავი და
ამასთანავე როგორ იცემს
მკერდში მახვილს.სახეზე
წვერი და ფართო ცხვირი
მიგვანიშნებს, რომ ის
ბარბაროსია. ვხედავთ, რომ
ის ცოლს იჭერს და უკან
იყურება, ჩვენ შეგვიძლია
ამაში დავინახოთ დევნილი
მტერი და მისი გარდაუვალი დამარცხება(სხვათაშორის, ეს
ქანდაკება უნიკალური და გამორჩეულია თავისი დროისთვის,რადგან
იმხანად გავრცელებული იყო გამარჯვებულის გამოსახვა
ქანდაკებაზე,თუმცა მოცემულ სკულპტურაზე გამარჯვებული
არავინაა).აქ, ასევე, ჩანს ამ ორი პერსონაჟის კავშირი
(გადაბმა).წინიდან ყურებისას მამაკაცის სახე
მხოლოდ პროფილში ჩანს. თუ ჩვენ მისი სახის
მოპირდაპირედ დავდგებით დავინახავთ სახეს,
თუმცა მახვილს ვეღარ.
მამაკაცის
გამომეტყველებაში,მის
შეჭმუხნილ წარბებში, ჩემი
აზრით, ჩანს მისი სულიერი
მდგომარეობა- შიში
დაცემისა,ანუ დამარცხებისა. ამ
ორი პერსონაჟის სახე
სხვადასხვა მხარეს იყურება, როდესაც ერთს ვხედავთ,
მეორე აღარ ჩანს. ქალის სახეზე ,რაც შეიძლება
ითქვას,არის ის,რომ ტუჩი უკვე მოდუნებულია,რაც მისი სიკვდილის
ნიშანია, თუმცა, თუ მის თითებს დავაკვირდებით ისინი ჯერაც
მოძრაობაშია, რადგან საჩვენებელი თითი გასწორებულია, ეს,ჩემი
აზრით, ერთგვარი ესთეტიკის შესაქმნელადაა.