Ang Huling El Bimbo, The Hit Musical

Setting: unibersidad, 1993 - 1994

Anthony – maton ang ama, soft

Hector – middle class, sosyal

Emman – probinsiyano, “nilagang pakikibaka”

Andrei – nobyo ni Joy

Joy – nasa drug watchlist, namatay, huling tinawagan ang tatlo. May anak, Ligaya.

OPM hits
Tindahan ni Aling Nena
Gusto Mo Bang Sumama
With A Smile
Spoliarium
Ligaya

Pag naubusan tayo ng bulalo, wala nang sense ang ating mundo. – Tiya Delly ni Joy

THOUGHTS WHILE WATCHING

Act 1
1. Hindi lahat naghahanap ng kasama, ngunit lahat naghahanap ng kaibigan.
2. Pag may tiyaga, may nilaga, ngunit mas masarap ang “nilagang pakikibaka”.
3. May bagay na mahirap tanggapin; paniniwala, pagkatao, o prinsipyo. Ngunit lagi’t
laging may tatanggap at maniniwala.
4. Natatakot tayo dahil walang kasiguraduhan. Natatakot tayo sa pag-aakalang
naliligaw.
5. May biyaheng nakakahilo, nakakasuka, o nakakasuklam, gusto mo bang sumama?
6. May kaibigang nagiging kapatid, at kapatid na nagiging kaibigan.
7. Bakit mahalaga ang ‘pinky promise’? Natutupad ba talaga ang ‘pinky promise’?
8. Hindi pinipili ang kaibigan, namamalayan na lang natin na kaibigan na natin ang iba.
9. Ngunit may kaibigang nawawala.
10. Ang karinderya ay bukas sa lahat ng gustong kumain, ngunit maraming nawawalan
ng panlasa.
11. Ang gimik ng marami ay negosyo ng iilan.
12. May iba’t ibang pakahulugan ng langit, lupa, at impyerno. Maaaring pagbali-
baliktarin.
13. May kumakagat sa minsang hindi naisip na kakagatin kailanman.
14. Paborito ko ang ‘With A Smile’, ngunit walang ngiti ang malilikha sa malungkot
nitong alegro.
15. Humihiling tayo dahil may pag-asa. Nangangarap tayo dahil may pag-asa.
16. Hindi nauubos ang oras ngunit bakit tayo nawawalan?
17. Biktima ang bawat isa sa iba’t ibang uri ng “kriminalidad”.
18. Ang sapilitang pagpapatahimik ay hindi mananahimik.
19. Araw-araw tayong nakikipagtalo sa pansarili nating halimaw o multo. Minsan nanalo,
minsan natatalo. Minsan pinagsasawalang-bahala.
20. Humaharap tayo sa salamin. Nagmumuni. Nag-iisip. Nagbabalik-tanaw.
Nangangamba.
21. Tahimik ang kamatayan. Maingay ang namatayan. Matunog ang pumatay.
22. Umaasa nga tayo sa pagmamahal ng iba. Hindi rin natin namamalayan.
23. Nililikha natin ang mga kuwento. Tinatahi ang hinagpis. Sinusulsi ang takot.
Hinuhulma ang saya.
24. Makapangyarihan ang lipunan sa pagpapaikot. May kapangyarihan din tayong huwag
mapaikot.
25. Suportahan ang teatro, musika, pelikula, at kulturang Pilipino. Kayang-kaya naman
nating tumuntong sa international stage o screen, kailangan lang ng tagapagtangkilik.