Sa Bayan ng Kamayanan at ang

Alamat ng mga Sumasayaw na Kamay

Armand Sazon
Elbert Or
Sa taas ng bundok, may isang bayan –
Ang munting Kamayanan.
Ngunit ang mga nakatira’y tila mga bathala;
‘Sing laki ng ulap ang mga kamay nila.

1
’Pag sila’y pumalakpak, hatid ay kulog;
’Pag pinaglapat ang mga kamay, pati
balyena’y inaalon.
Sa rurok, nananahan silang kasama ng mga
ibon;
Payapang-payapa, walang imik ni bulong.

2
Gumapang palabas ng kuweba si CoVully;
Parang multong nagmula sa hukay.
Buga niya’y koronang sumasakal,
Hininga’y mauubos, at dilim ay bumabalot.

3
Ginulat ni CoVully ang lahat;
Gumawa ng higanteng pandemic!
Karamiha’y namutla at nagkasakit;
Nawala ang mga kapatid, lumisan nang
mabilis!

4
Nagtipon ang buong Kamayanan;
Nag-alala, nanginig, at pinagpawisan:
”Anong gagawin natin? Magkulong?
Hangang tayo’y maubos, magtago’t
sumilong?”

5
Tumayo si Tandang Turo at inawit;
Oyayi ng mga ina sa mga batang paslit.
”Tayo’y gumising: umindak, umikot, ligawan
ang hangin;
Ating alalahanin, agimat ng Kamayanang
ipinamana sa atin.”

6
Ang bulungan at tawanan, naging
halakhakan!
Anila, nababaliw na yata sa katandaan.
Lumukso’t sumubok ang batang si Kingan.
”Sa galaw ng mga kamay, virus gagawing
talunan!”

7
Lumitaw ang maduming CoVully,
Mabubuhay kaya sila?
Hinarap siya ni Kingan nang buong loob at
isip;
Umindak, umawit, mga buhay ay sinagip.

8
Sayaw ng palad at kamay;
Kalarong sabon at tubig.
Hugasan, hilurin;
Huwag mong bibiruin.
Sakit ay iwasan, virus ay talunin;
Sayaw ng palad at kamay.

9
Naalog, nangatog si CoVully;
Mga korona’y natigil, namanhid at natunaw.
Tunay na kapangyarihan ay lumitaw;
Malilinis na kamay ay mangingibabaw.

10
Sumilip at sumali sa saliw ng oyayi nang
matauhan;
Winawagayway, sama-samang mga kamay ng
bayan.
”Nasa atin ang susi upang sa kalamidad ay
magwagi.”
Habang natalo at nawala si CoVully.

11
Sa taas ng bundok, may isang bayan –
Ang munting Kamayanan.
Namuhay silang tila mga bathala mula noon;
Sa ating mga kamay, tatalunin ang mga
hamon.
WAKAS

12
 Brought to you by

Let’s Read is an initiative of The Asia Foundation’s Books for Asia

program that fosters young readers in Asia and the Pacific.
booksforasia.org
To read more books like this and get further information about
this book, visit letsreadasia.org

Original Story
In the Town of Kamayanan and the Legend of the Dancing Hands,
Author: Armand Sazon. Illustrator: Elbert Or. Published by Itch
Creatives, © Itch Creatives. Released under CC BY 4.0.

This work is a modified version of the original story. © The Asia

Foundation, 2020. Some rights reserved. Released under CC BY
4.0.

For full terms of use and attribution,

http://creativecommons.org/licenses/by/4.0/
Contributing translators: Boom Enriquez, Joseph Haw and S.J.