Walang halaga ng pera ang kayang tumbasan Magsisilbing pundasyon ng ating kinabukasan Kaya dapat nating igalang at pangalagaan.
Halaman sa kapaligiran ay siyang yaman ng sangkatauhan
Sapagkat sari-saring hanapbuhay dito’y matatagpuan Ang sinag ng araw tila walang kasing kinang Simoy ng hangin ay may dalang hagod ng katahimikan.
Ang hanging sariwa, naglilinis ng pang-unawa
Libre lang langhapin, hindi nakakasawa Ngunit tayo lang mismo ang gumagawa ng masama Hindi titigil hangga’t kalikasa’y tuluyang masira.
Minsa’y narinig kong umiiyak si Inang Kalikasan
Nagmamakaawa na siya’y tulungan Upang tuluyang pagkawasak ay mapigilan Nasa ating mga kamay ang kanyang kaligtasan.
Nagkalat ang mga basura sa mga lansangan
Maging sa kanal man o ating mga tahanan Kapag gugustuhin ay maraming paraan Panatilihing malinis ang ating kapaligiran. Ugaliing ayusin ang ating bahay Basurang nabubulok sa hindi ay ipaghiwalay Itapon ang dumi sa tamang lalagyan Matutong magligpit upang ang kalat ay mabawasan.
Ang dating kulay asul na katubigan
Mga ilog, lawa, sapa at karagatan Patuloy na dumudumi't nadudungisan Huwag sanang hayaang masira nang lubusan.
Maruming kemikal marapat nang pigilan
Mga walang kabuluhang pagawaan ipasara kung kinakailangan Habang may panahon pa'y pangalagaan Upang ang kagandahan nito'y huwag matuldukan.
Pinagkukunan ng iba’t ibang uri ng hanapbuhay
Nararapat lang na ating bigyan ng saysay Tagasangga sa maraming sakuna Sa mga matitinding bagyo’t pabago-bagong klima.
Tayo'y magkapitbisig at magtulungan
Sagipin natin ang ating Inang kalikasan Walang ibang makikinabang kundi tayo rin naman Nang sa gayo’y bagong henerasyon ito'y masilayan.