LORELYN M.

MABALOD
10 – DARWIN

RESPETO AT PAGGALANG: ALAY SA BAWAT ISA

Sa panahon natin ngayon, laganap na ang ibat ibang uri ng diskriminasyon at karahasan na nararanasan ng
karamihan dito sa lipunang ating kinabibilangan. Ang diskriminasyon ay ang mga kaganapan sa
ating lipunan na kung saan inilalayo ang isang indibidwal dahil sa kulay o lahi at kakulangan. Ito rin ay
ang negatibo at hindi makatarungang pagtrato sa mga tao dahil sa gender roles sa iba't ibang lipunan sa
mundo. Ito ay ang anumang pag-uuri, eksklusyon, o restriksyon batay sa kasarian na naglalayon o
nagiging sanhi ng hindi pagkilala, paggalang, at pagtamasa ng lahat ng kasarian ng kanilang mga
karapatan o kalayaan. Ang karahasan ay parte ng suliraning panlipunan at lahat ng kasarian ay may
kaniya-kaniyang suliraning pangkarahasan.  

Kung pagbabasihan natin mga nararanasan ng mga kababaihan, makikita natin ang isang masakit na
katotohanan na sa buong daigdig, ang mga babae, anuman ang kanilang edad, ay apektado ng karahasan
at diskriminasyon. Isa na rito ang diskriminasyon. Nang dahil sa diskriminasyon, maraming mga
kababaihan ang hindi napabilang sa populasyon dahil sa aborsiyon, pagpatay sa sanggol na babae at
pagpapabaya. Kaya sa Asya, mas gusto ng karamihan sa mga magulang ang anak na lalaki. Sa isang
report ng UN noong 2011, tinatayang halos 134 na milyong babae sa Asia dahil sa diskriminasyon. Pati
na rin ang edukasyon. Kung pagbabasihan natin ang porsiyento sa buong daigdig ng mga hindi nakapag-
aral o hindi man lang nakaapat na taon sa pag-aaral, mayroong nakatala na 66% ng mga kababaihan ang
nakararanas nito. Ang napapanahong pang-aabuso ng mga babae – ang seksuwal na pang-aabuso. Mahigit
2.6 bilyong babae ang nakatira sa mga bansang hindi itinuturing na krimen ang marital rape.

Kabilang rin ang kalusugan ang isa sa mga kinahaharap na karahasan ng mga kababihan. Sa papaunlad
na mga bansa, halos tuwing ikalawang minuto, isang babae ang namamatay dahil sa mga komplikasyon
sa pagbubuntis o panganganak, na resulta ng kakulangan sa pangunahing medikal na pangangalaga. Dahil
sa diskriminasyon, sa buong daigdig ay ang mga babae sa maraming bansa ay walang legal na karapata na
magmay-ari o magmana ng lupa bagaman, mga babae ang nagtatanim ng mahigit sa kalahati ng mga
pananim sa buong daigdig. At hindi sila pinapayagang umapak sa lupa at hindi pinapayagang makita ng
kalalakihan hanggang sa magdalaga.

Ang mga kalalakihan naman ay hindi rin ligtas sa karahasan. Maraming kalalakihan rin ang napatay
dahil sa laban ng gobyerno sa droga. Kahit na ang kadalasan nating nakikita sa telebisyon ay ang mga
kalalakihan na nakakagawa ng krimen. Sa kabila niyan, ay nakararanas rin sila ng diskriminasyon sa
lipunan. Kung pag-uusapan natin ang tungkol sa droga, may mga lalaking nakukulong hindi dahil sa may
kasalanang sila kundi dahil sa napagbintangan lamang. Sila ang kadalasang nakararanas ng ganitong mga
pangyayari.
 Sa paglaganap ng panahon, napapansin natin na may mga tao talagang nilalantad ang tunay na sila —
LGBT. Ang LGBT ay binubuo ng lesbian, gay, bisexual, at transgender. Pati sila ay nakararanas din ng
diskriminasyon. Lalo na sa panahon ngayon na anlintana na sa bawat sulok ng mundo ang mga taong
mapanghusga. Ang mga taong kabilang ng LGBT ay nakararanas ng hindi pantay na pagturig dahilan sa
kanilang pagkatao. Binigyang diin ng grupo ang kanilang mga panawagan sa pagkakaroon ng pantay na
pagkakataon sa trabaho para sa mga LGBT, mas magandang pasilidad ng paggamutan at pagtigil sa
pagsasapribitisa ng mga ospital, paggiit ng kanilang demokratikong karapatan, at higit sa lahat ay ang pagpapasa
ng Anti-Discrimination Act upang waksihan ang diskriminasyon na nagbibigay daan sa lumalalang opresyon sa
LGBT.

Gayunpaman, nais at nanaisin ko parin ang pantay-pantay na pagturing ng bawat tao sa kapwa nila tao. Oo,
walang perpekto sa mundo at hindi ito ang dahilan upang paulit-ulit nalang nating gawin ang mga gawaing alam
naman nating hindi tama—at ito ang diskriminasyon at karahasan na nararanasan ng bawat indibidwal sa ating
lipunan. Bata man o matanda, mayaman man o mahirap, matangkad man o pandak, maging sino ka man sa iyong
kinabibilangang lipunan, may karapatan kang igalang at irespeto ng karamihan.