DIALOG MPATA DUTA

1. TUAN RUMAH :

Assalamu Alaikum Wr. Wb.

Alhamdulillah……………..
Sininna Pappojie lao ri sese arajanna Puang Sewwae. Puang simata Patabbollo - bollo
engngi Pammase Malebbina nenniya Madecenna lao riatanna. Nasibawai Assalawa
marajata lao ripangulukkeng Nabitta Muhammad SAW. Nabi simata patiroangkki laleng
marajata lao ripangulukkeng Nabitta Muhammad SAW. Nabi simata patiroangngekki lalen
asalamakeng lino akhera. Ajjoareng Malebbikeng taparajaingengka addampeng ri sese
alebbirettamaneng, koetope idi tau polewe, enrrekki mai ribola ri tengga Ajjajaretta manen
tejjali te ttapere abang nna masse - mase. Nasaba mase - mase ta mi tu uwala passio
sumange. Bongngoi ritu makkutanae, tau rogitu ri cappa lolangeng, ri cokkonge tta pega
tette nna lipu malaka naranrekki laju tinio sumange tta.

2. TAMU :
Assalamu Alaikum Wr. Wb.
Tabe, tapara jainge kka addampeng ri yolo alebbire nna maneng ajjoareng malebbikkeng
engkae tudang majja - jareng , narekko engka teppa temukku, ilenna mataku, akkana wirin
lipakku tessi ti naja ri sese alebbiretta maneng. Tabe ta timpakeng nga ati macinnong ta
tarimai ellau addampeng nge ku lao ri alebbiretta maneng. Nasaba rennu makkerennu, rio
fa makke rio, na engkana mua mase mase ta pakkalai ajuku ri cappa tudange tta, mario
marikit kiti, ati macinnoku tummpui sapa nata , sappuru ali coccoreng tta, timpai tange tta,
majjulekkai appang appa tta, tudang mappakaraja risese alebbireng tta maneng.

3.TUANG RUMAH :
Tudang nga ri lawa tengnga ku tellong ri saliweng renring ko tiro tau maddoloreng maroa,
sipakka rio - rio, na maram nennia mabello pakena.
Kutangngai akkana ajena, kunylii sowwena limanna, samanna jujung bunga pute, teteng
bunga panasa
Makkutanaka rilaleng atikku, ukafangngi feneddikku, maduta - duta enrrenna, masuro - sur
lao na , agang ngarega akkattana to pole malebbita. Wedding ammai ri pannessa, nari
engka linga, nari tangnga, nai nappa ripuri ati madecengngi.

4.TAMU :
Tudang nga ri lawa tengnga ku tellong ri saliweng renring ko tiro tau maddoloreng maroa,
sipakka rio - rio, na maram nennia mabello pakena.
Kutangngai akkana ajena, kunylii sowwena limanna, samanna jujung bunga pute, teteng
bunga panasa
Makkutanaka rilaleng atikku, ukafangngi feneddikku, maduta - duta enrrenna, masuro - sur
lao na , agang ngarega akkattana to pole malebbita. Wedding ammai ri pannessa, nari
engka linga, nari tangnga, nai nappa ripuri ati madecengngi.

5.TAMU :
Rennutta sibali rennu, riyota sibali riyo, nari porennuni tu narekko ripallinoni akkata made
cetta na risabbi tau maega.
6.TAMU :
Selleng pappa ssalamanna sumpung lolota, lao ripada idi maneng mappakaraja riolo
alebbireng tta maneng. Tongenni ritu kafatta, tebbelleni fenedding tta. Nafoleange kki akka
madeceng, nasaba rio rennunna sumpung lolota : …………………………… , mallaibine
sukku rennunna lao risese alebbiretta maneng, engka amma laleng wedding riyola, nari
pasilorongeng wae larretta, nari pasiammpai minasa madecengnge, cinnae pallise
engngi alebbiretta, iyaritu pattola pallallo riasengnge:…………………… lao ri……………….
nari winruseng tudangeng, nari pakkecceng ri cappa jali ajjareng melebbi ta maneng.
7.TUAN RUMA :
Tabe, makkutana madecengkka, lao risese alebbirenna sumpung loloku, sekke buluni ga
manu - manu tafangattae menre makkeceng ri langkanana tau mattimpa tangee.
Nasaba engka pasenna tau riolo ta makkedae:
Iyya iporongeng - rongengnge orowane iyya maccae paccolli loloengngi aju marrakkoe,
pemettiwi toddangeng solo siduppae, passukku engngi galongkong loloe, paccarilla
peppaeng ngi bunga makelle'e.

8.TAMU :
Tabe, tapara jainge kka addampeng ri yolo alebbire nna maneng ajjoareng malebbikkeng
Manu - manu bekku engkae upiara, metau masirii sumpung lolota, paluttui mabela narekko
de fa nasekke bulu makke panni.
Iyya iporongeng - rongengnge orowane iyya maccae paccolli loloengngi aju marrakkoe,
pemettiwi toddangeng solo siduppae, passukku engngi galongkong loloe, paccarilla
peppaeng ngi bunga makelle'e.

9.TUAN RUMAH :
Tabe, tapara jainge kka addampeng ri yolo alebbire nna maneng ajjoareng malebbikkeng
Nasaba engka pasenna nene ta makkedae:
Idi maneng Ana eppoku, aja tafaja sappai makkegunae riseseta, afi mabessae falemmaki
bessi makeddoe, fari ngengi anu matane'e, macca tarima tao fole, macaradde fanguju
tau lao.

10.TAMU :
Tabe, tapara jainge kka addampeng ri yolo alebbire nna maneng ajjoareng malebbikkeng
Iyyanatu sumpungloloku ri fuminasa kuengka mai tuppu madecengngi sapanata

11.TUAN RUMAH :
Tabe, tapara jainge kka addampeng ri yolo alebbire nna maneng ajjoareng malebbikkeng
Idi maneng sumpungloloku ri pasirunttunni akkatta madecengtta. Natunrenni Puang Seww
nari timpani tange'e, nari pomenasani pasisompungngi welarenna sumpunglolota.
Tabe, maelona makkutana lao ri sumpungloloku, tegaena namacenningeng atitta tagattun
jabba manu - manutta, Kuagi ri Soraja, Kuagi ri Langkanae, Kuagi ri appang - appangnge,
iyyarega ri dapurengnge.

12. TAMU :
Iyyaro akkata madecengnna sumpunglolota kega - kega natuju fajjellota, kegi mangara
fattujutta kuanitu mattuju, nasaba assia maturusenna mua sumpunglolota ri akkatenni mas

13. TUAN RUMAH :

Sukkuru maraja lao ri Puang Sewwae
Maccakkani warekkadae, tatimpani tange'e, addengeng sadia tona, alicoccoreng mangatta
tona, maelo mani muttama ri lewureng masagala ta, naforennue sumpunglolota enrengnge
ajjoareng melebbita.

14. TAMU :
Sukkuru temmapettu lao ri Dewata Sewwae
Nasaba situruni warekkadae, temppeddinni rifinra warekkada ri assamturusi'e. Nanigi - nig
lesseri taro ada, puppuru'I sorokawu, mareppa pincengngi, marecca ittelloi, iyya luppe iya
folo, makkanre paku jambatang seppifi namalara, temmitai perumpajang paddimonrinna.
Narimakkannaro, namasero sitinaja assiamaturusengnge ritenrei nasaba fatenre, natennia
batu salo, nae kiya fattenrenna fakeayang melebbi. Nari sio tona anu riporennue, natenniy
feppa, nae kiya risiyoi nasaba sibuttu ciccing mpulaweng.
15.TUAN RUMAH :
Tabe, tapara jainge kka addampeng ri yolo alebbire nna maneng ajjoareng malebbikkeng. Mauni luttu
massuaja teppa rewe mui nau pura siputoto'e. Tenna podo namaseiki Puang Allahu Taala, napaturungkki
barakkana, nabolei minasa madeccetta wali - wali.

Alhamdu Lillahi Rabbil Aalamiin.

Wabbillahi taufik walhidayah , Wassalamu Alaikum Wr. Wb.