Umuwi agad si Dante pagkatapos ng klase. Hindi siya naglaro tulad ng
karamihan sa kanyang mga kaibigan. Tumutulong siya kanyang Nanay sa bahay. Sa sandalling makarating ng bahay si Dante, hinuhubad niya ang kanyang damit na pamasok. Isunusuot niya ang damit na pantrabaho. Nagdididlig siya ng halaman, nagpapakain ng baboy at umiigib ng tubig. Nagwawalis din siya sa bahay at bakuran. Ginagawa niya ang lahat ng ito dahil wala na siyang ama.
Regalo para sa Pasko
Namili ang Tatay at Nanay para sa Pasko. Nais nilang maging maligaya ang lahat sa panahon ng Pasko. Ibinili nila ng regalo ang bawat isa sa kanilang mga anak. Bumili sila ng isang apres na sinelas para kay Elsa. May asul na polo si Nilo at itim na pantalon si Honesto. “Magugustuhan ni Josephine ang manikang ito, pumikit at umiiyak,” sabi ng Nanay. Binili nila ang manika para kay Josephine.
Ang Nais ni Julieta
“Pasko sana ara-araw!” wika ni julieta. “Bakit naman?” tanong ng Nanay. “Mangyari, po, tiyak na maraming masasarap na pagkain kung pasko,” paliwanag ni Julieta. “Marami akong aginaldo mula sa aking mga tiyo at tiya. Ibinili Ninyo ako ng bagong damit at sapatos. May magagandang palamuti ang bahay. At higit sa lahat, nagiging mabait at maalalahanin ang bawat isa." “At kaarawan ni Hesus ang araw ng pasko,” dagdag ng Tatay na noon ay nakikinig sa may pintuan.
Ang Bagong Telebisyon
“Nanay, Nanay!” tawag ni Carding na patakbong umaakyat sa hagdan. Natagpuan niya sa kwarto ang Nanay. “Nag-uwi po ng bagong telebisyon ang Tatay ni manuel. Ang ganda po, Nanay. Kailan din po tayo bibili ng bagong telebisyon?” Tumigil sa pamamalantsa ang Nanay at nagsalita. “Hindi tayo makabibili ng telebisyon, Carding. Doktor ang Tatay ni Manuel at guro namn ang Nanay niya. Mahina ang kita ng iyong Tatay at alam mo naming sa bahay lamang ako tumitigil.” Nag-isip si Carding. Kailangan mag-aral siyang Mabuti at sa darating na panahon ay makabili rin sila ng isang telebisyon.