Fil 102: Pagbasa at Pagsulat tungo sa Pananaliksik
Pangunahing Kaalaman at Kasanayan sa Pagsulat:
Kahulugan at Kahalagahan ng Pagsulat
Ang pagbasa at pagsulat ay mga gawaing interaktibo. Interaktibo, sapagkat
nasasangkot ang mambabasa o manunulat sa gawaing pakikisalamuha. Bagamat ang unang
nakakadaupan ng manunulat ay ang papel, sa panahong ang kanyang akda ay
mapasakamay ng mambabasa, nagtutuloy ang interaksyon. At ito’y magpapatuloy sa
paglipas ng panahon.
Mutwal din ang ang gawaing ito sapagkat walang mambabasa kung walang
nakasulat at walang isusulat kung walang nabasa (ideya man o katotohanan).
Ang mundo ay bilog at patuloy sa pag-inog, katulad ng pagdaloy ng mga kaisipang
mahalaga sa kabatiran. Bawat impormasyon ay yamang dagdag sa kaban na tagal ng isang
tao at ang mga ito, sa isang pagkakataon na ‘di natin malalaman ay magagamit natin.
Mga Nalilinang na Kasanayan dahil sa Pagbabasa
1. Pagtukoy ng mga pangunahin at kaugnay na isipan.
2. Pagbuo ng isang palagay.
3. Pagkilala sa layunin at damdamin ng may-akda.
4. Pagkilala sa hulwaran ng pagbubuo ng isang teksto.
5. Pagbuo ng wakas o konklusyon.
Katangian ng Pagsulat
1. Malinaw - tiyak at batid ang paksa ng manunulat.
2. Maayos - tama ang pagkakasunod-sunod ng mga kaisipan.
3. Wasto - sumasapat sa pangangailangang intelektwal ng mambabasa.
4. Aystetiko - maganda at madaling maunawaan ang kabuuan.
Kabutihan ng Pagsulat
1. Alamin ang layunin at paksa.
2. Maingat na gumawa ng plano ukol dito.
3. Isaalang-alang ang antas ng pag-iisip at kaangkupan ng susulatin sa mga
mambabasa.
4. Tandaan ang mga salik na kaisahan, ugnayan at pagbibigay-halaga.
Hakbang sa Pagsulat
1. Pumili ng Paksa - piliin gamit ang mga sumusunod na batayan.
a. Uri ng mambabasa - ang edad, relihiyon, karanasan, kasarian
b. Panahon - dapat ay may kaugnayan sa kasalukuyan (relevant).
Kolehiyo ng Lungsod ng Parañaque
Nagpapadali ito ng kabatiran para sa mambabasa.
c. Kabuluhan - significance ito sa Ingles, dapat nahuhubog nito ang moral,
ispiritwal at pisikal na aspeto ng bumabasa.
2. Pagkuha ng mga Tala - magsaliksik, magtanong, mag-interbyu, maghanap ng
mga mapagkukunan ng mga kaugnay at karapat-dapat na kaisipan ng paksang
tatalakayin sa pagsulat.
Tungkulin ng Pagsulat
1. Tagapagtuklas - nahahanap ng pagsulat ang mga bagong talino, paksa at
karanasan. Tinuturuan ang taong maghanap, kilalanin at alamin ang kakayahan at
kakanyahan.
2. Tagapagsiwalat - ang mga balitang nasyunal, personal o kakaiba ay inihahayag
sa ganitong paraan. Isinisiwalat o inilalabas sa nakaraami ang isang kaisipan o
kaalaman.
3. Tagapagtago - ang mga talang hindi nais inihayag o dapat ingatan. Ang mga
alaala at naitatago at naiingatan dahil sa pagsulat.
4. Tagapaglinang - hinuhubog at pinapaunlad ang mga paksa mula sa pinakapayak
na anyo hanggang sa pinakamahalaga.
Layunin ng Pagsulat
1. Magpabatid - ipaalam ang mga bagong karunungan
2. Magganyak - manghikayat sa paniniwala
3. Tumuklas - kilalanin ang natatagong katangian
Mungkahi sa Masining na Pagsulat
1. Humanap ng paksa.
2. Huwag magpasok ng mga kaisipang ‘di kaugnay.
3. Gawing simple ang mg salita.
4. Alisin ang ideyang hindi mahalaga.
5. Ipakita sa pagsusulat ang “tinig” ng may-akda.
6. Maging tapat. Isulat ang nararamdaman.
7. Pahalagahan ang mga mambabasa.
Inihanda ni: Bb. Mildred Mae A. Melodias, LPT
Pahina 1 ng 1