Professional Documents
Culture Documents
Pagsasanay Sa Pagbasa 6
Pagsasanay Sa Pagbasa 6
Guro: ________________________________________
Pagsasanay 1
Ang Ahas
Kadalasan, kinatatakutan ng mga tao ang ahas. Dahilan ito sa nakagawian na nating isipin na
nakasasakit, nakalalason at malansa ang lahat ng ahas. Kapag nakakita ng aha sang mga tao, agad
nila itong pinapatay.
Hindi natin alam na kapaki-pakinabang ang maraming ahas bilang tagapuksa ng mga daga at
iba pang peste. Iba’t iba ang laki ng mga ahas mula sa napakaliit na urina ilang pulgada lamang ang
haba hanggang sa mga higanteng may tatlumpung talampakan o higit pa ang haba.
Nababalutan ang katawan ng mga ito ng kaliskis na makinis at tuyo kaya hindi masasabing
madulas ang mga ito. Naghuhunos ng balata ng mga ahas. Karaniwan ay ilang ulit na nangyayari ito
sa isang taon. May palagian at naaaninag na taluka ang mga mata ng ahas at mukhang lagging
nakamulat ang mga ito.
Pagsasanay 2
Kaugaliang Pagpapabukas
Wikang Español ang salitang “mañana” at nangangahulugan ito ng “bukas”. May kinagawiang
ugali ang Español na dahil sa taglay nilang katamaran, kapag may bagay na pinagagawa sa kanila,
agad na isasagot ang “mañana”. Ibig sabihin nito, ang magagawa nila sa araw na iyon ay
ipagpapabukas pa. Ito ang pinagmulan na tinatawag na kaugaliang “mañana”. Taglay ang kaugaliang
ito ng lahat ng tamad na tao sa buong daigdig. Ipinagpapaliban sa kinabukasan ang mga gawaing
dapat gawin sa araw ring iyon.
Ang sinuman sa atin ay maaring magkaroon ng ganitong gawi. Ipinagpapabukas ba ninyo ang
gawaing dapat gampanan sa araw ring iyon? Ang pinakamabuti ay ugaliing simulan agad ang
anumang gawaing dapat tapusin. May kasabihang “Ang tatanghalian ng taong tamad ay aalmusalin
ng taong masipag”.
Pagsasanay 3
Bisa ng Klima
Mahalaga ang nagiging bisa ng klima sa mga uri ng tahanan ng mga tao sa iba’t ibang dako
ng daigdig. Gumagawa ang mga Eskimo ng kanilang mga igloo na yari sa malalaking bloke ng yelo.
Mga tolda naman ang tinitirhan ng mga Arabe at Indian upang madaling mailipat ang kanilang
tirahan sa iba’t ibang lugar. Sa Japan ang mga tirahan ay yari sa papel, pinastahang putik at
magagaan na balangkas ng kahoy upang maging angkop sa madalas na paglindol sa bansang ito.
Kadalasan naming yari sa balangkas na kawayan ang tahanan ng mga Pilipinong naninirahan
sa mga nayon at bukid. Nagbibigay ito ng tamang bentilasyon kung panahon ng tag-init at sapat na
proteksyon kung panahon ng tag-ulan. Yari naman sa matitibay at konkretong kagamitan ang mga
tahanan ng mga Amerikano at mga banyagang nainirahan sa mga bansang nag-iiba-iba ang klima
upang may panlaban sa pagpapalit-palit ng panahon.
Pagsasanay 4
Pagsasanay 5
Pinakadakila sa mha katangian ni Jose ang marubdob niyang pagmamahal sa kanyang Inang
Bayan. Minamahal niya ang kanyang mga kababayan at natitiyak din niya na mahal ng mga ito ang
kanilang bayan.
Naniniwala si Jose sa mga kabataan ng kanyang bayan. Naniniwala rin siya na ang mga
kabataan ang pag-asa ng Inang Bayan kaya gumawa siya ng isang makabayang tulang handog sa
kanila. Pinamagatan itong “Mga Kabataang Pilipino”. Sa tualng ito pinarangalan niya ang mga
kabataan ng kanyang bayan. Narito ang isang taludtod mula sa kanyang tula: “Itaas ninyo ang inyong
mga noo, Magiliw kong mga kabataan; ipagmalaki ang inyong kagitingan, Pag-asa ng aking Inang
Bayan.”
Inilaan natin ang ika-19 ng Hunyo na kapanganakan ni Jose Rizal, sa pagdiriwang sa “Araw ng
Kabataan”.
Pagsasanay 6
Pangingisda sa Gabi
Pagsasanay 7
Ang fossils ay tumutukoy sa katawan ng hayop at halaman na namatay na ngunit nanatiling buo at
hindi nabubulok. Tumutulong ito sa mga siyentipiko upang tuklasin ang iba’t ibang uri ng hayop at
halaman ang nabuhay libong taon na ang nakalipas.
Taong 1993, sa Northwest, South Dakota, isang nakamamanghang pangyayari ang naganap.
Nahukay ni Michael Hammer ang mga buto ng isang dinosaur na kumakain ng halaman. Tinatayang
nabuhay ito sa daigdig 66 libong taon na ang nakalipas. Ang herbivore na ito ay pinangalanang Willo.
Ito ay mga taas na 13 talampakan at bigat na 330 kilo. Wala itong buntot at mga paa. May tuka ito
tulad ng parrot at mapulang kumpol ng laman sa bahaging dibdib na tinaguriang puso ng dinosaur.
Malambot ang tissue ng psuo kaya’t nakatataka kung bakit hindi ito nabulok. Lalo siyang namangha
dahil may apat na chamber ang puso nito na taliwas sa ibang hayop na may tatlong chamber lamang.
Ang puso ng mammal o ibon na may apat na chamber ay may kakayahang bumuga ng malamig na
dugo at oxygen sa baga kasama ang mainit na dugo sa ibang bahagi ng katawan. Bihira ang
ganitong uri ng puso sa mga hayop. Kaya’t patuloy itong pinag-aaralan ng mga siyentipiko hanggang
sa ngayon.
Pagsasanay 8
Si Jose Rizal ay ipinatapon sa Dapitan noong Hulyo 17, 1892. Ipinasya niyang gamitin ang
kanyang oras sa mga makabuluhang gawain. Ginamot niya ang mga maysakit. Nagsaka siya at
nagplano ng patubigan. Nagturo rin siya at nagtatag ng samahang sibiko. Gumuwa siya ng ilang
eskultura at drowing. Sumulat din siya ng mga tula. Hinangaan at iginalang siya ng mga taga-
Dapitan, pati na ng kanilang gobernadorsilyo.
Isang araw, nagulat si Rizal ng biglang dumating sa Dapitan si Pio Valenzuela. Ibinalita nito
ang pagkakatatag ng Katipunan at ang balak na paghihimagsik sa pamahalaan. Binanggit din niya
ang alok na ibibigay ni Bonifacio kay Rizal, ang liderato ng Katipunan kung sakaling aanib ang doctor
sa kilusan.
Biglang tumayo si Rizal at sinabi na hindi pa panahon upang maghimagsik. “Ang binabalak
ninyo ay isang kabaliwan. Kung ako ang tatanungin, dapat itigil ang inyong balak habang maaga.
Sabihin mo kay Bonifacio na dinaramdam kong hindi tanggapin ang kanyang inaalok.”
Nagpasalamat siya at sinabing, Mayroon pang ibang mapayapang paraan upang makamit ang
minimithi nating pagbabago.”
Malungkot na umalis sa bahay ni Rizal si Valenzuela. Kinabukasan, naglakbay siyang pabalik
sa Maynila.
Pagsasanay 9
Pagsasanay 10
Ang mga Pilipino ay tanyag sa pagiging matulungin at mabuting tumanggap ng mga tao o
bisita. Ipinakikita natin ang mga katangiang ito sa iba’t ibang sitwasyon. Isa na rito ang pagtutulungan
ng mga magsasaka o mambubukid. Mula sa paghahanda ng bukid hanggang sap ag-aani’y sila’y
nagtutulungan, babae man o lalaki. Walang bayad ang mga taong sumasali sa bayanihan. Sa halip,
binibigyan sila ng ani kapalit ang pagtulong nila. Sasaksihan pa rin ang kaugaliang ito sa ibang lugar
at kahit sa iba pang gawain.
Ang pinakamadalas na halimbawa ng bayanihan sa buong bansa ay pagdadamayan sa
namatayan. Sa ilang lugar, lalong-lalo na sa mga lalawigan, ang mga tao ay nagbibigay ng bigas,
halamang-ugat, palay, manok, kape, asukal at iba pang magagamit sa panahon ng pagdadalamhati.
Sa mga liblib na lugar na walang teknolohiya, nagtutulungan ang mga tao sa trabaho.
Sa mga paaralan, maging sa lalawigan o sa mga lungsod, nakikita ang diwa ng bayanihan sa
mga gawaing pinagtutulungan ng mga kasapi ng Parents-Teachers’ Community Association (PTCA).
Nabibilang dito ang paggawa ng proyektong makabuluhan. Nagtutulungan ang mga kasapi ng PTCA
sa paggawa ng mga palikuran at pinagkukunan ng inuming tubig. Binabayaran naman ni PTCA ang
panustos sa kuryente at tubig sa ilang paaralan.
Noon hanggang ngayon, ang bayanihan ay bahagi na ng kultura ng pamayanan.
Pagsasanay 11
Pagsasanay 12
Bayan ng Kapayapaan
Pagsasanay 12
Electromagnets
Noong sinaunang panahon, natuklasan ng mga tao na mag mga uri ng baton a humihila ng
bakal sa paraang tila mahika. Ito ay ang mga magnetikong baton a tinatawag na lodestones.
Maraming elementong bakal ang mga lodestones. Ang nickel, cobalt at iba pang halo ng mrtal ay
maaring gawing magneto. Ang magneto ay may nagtatagpo. Nirerepel ng hilagang polo ang kapwa
hilagang polo. Ganun ang timog polo.
Ang electromagnet at isang magneto na nabubuo sa pamamagitan ng kuryente. Ang electro
field ang dahilan kng bakit dumadaloy ang kuryente sa alambre. Ito ay nawawala kapag huminto ang
kuryente. Nagsisimula ang electromagnet kapag may baterya o iba pang pinanggagalingan ng lakas
ang isang alambre. Ang baterya ay nagpapalabas ng electrons at daloy ng kuryente habang ang
alambre ay nagsisilbing daluyan ng kuryente na bumubuo ng magnetic field. Ang maliit na field ay
nabubuo sa alambre. Ito ang batayan ng electromagnet sa isang flashlight. Ang electromagnet ay
ginagamit sa iba’t ibang paraan, gaya ng pagbuhat sa mabibigat nga bakal o sa lugar na
pinagtatapunan ng basura.
Pagsasanay 14
Pagpapala sa Pangingisda
Ang ating bansa ay napapaligiran ng malawak na karagatan. Sagana ito sa iba’t ibang uri ng
isda. Kaya marami sa mga Pilipino na pangingisda ang ikinabubuhay.
Sa pakikipagtulungan sa mga pribadong fishing companies, ang ating pamahalaan ay nag-
eeksport sa Hongkong at Taiwan. Iba’t ibang uri ng isda ang dinadala natin sa mga bansang ito tulad
ng yellowfin, tuna at lapu-lapu. Subalit ang kasaganaang ito ay malimit na inaabuso. May mga
mangingisdang gumagamit ng mga pampasabog at lasong kemikal para makahuli ng maraming isda.
Namamatay ang maliliit na isda na dapat sana ay lumaki at dumami pa. ang iba naman ay sinisira
ang mga coral reefs na tirahan ng mga isda.
Ang Kagawaran ng Agrikultura sa pangunguna ng Bureau of Fisheries and aquatic Resources
(BFAR) ay patuloy na gumagawa ng mga hakbang para masugpo ang paglatag sa batas na paraan
sa pangingisda. Ang BFAR ay magsasagawa ng mga proyekto na magpapaunlad sa produksyon ng
mga isda. Kasama rito ang pagbabawal ng pangingisda na nakasisira sa coral reef na tirahan ng mga
isda, at ang pagbuo ng mga artificial reefs at pagmo-monitor ng red tide sa iba’t ibang karagatan sa
buong bansa.
Malaking bahagi ng ekonomiya ang nagbubuhat sa sector ng mga mangingisda. Maraming tao
rin ang nakikinabang sa pagtatrabaho sa industriya ng pangingisda tulad ng fish marketing, fish
processing, net making, boat building at fish trading.
Pagsasanay 14
Ang pag-unlad ng pamahalaan ay nakasalalay sa mga taong naninirahan ditto at kung paano
sila makikipagtulungan sa pamahalaan.
Ang Barangay Santa Rosa ay isang karaniwang barangay na larawan ng paghihikahos at
pagdarahop sa buhay ng mga naninirahan dito. Maraming mga bata ang hindi nakapag-aral. Sa
katunayan, karamihan sa mga magulang ng mga batang ito ay hindi man lamang nakatuntong ng
paaralan. Lubhang napakalayo ng barangay na ito sa kabayanan kung saan naroon ang paaralan.
Kailangan nilang tumawid ng dalawang tulay na yari sa kawayan at mayroon pang sapa na may
kalaliman. Mapanganib ang pagtawid sa sapang ito lalo na kung malakas ang agos ng tubig. Madulas
at bulubundukin ang lugar. Kaya nagpasya ang mga magulang na huwag ng papag-aralin ang
kanilang mga anak dahil sa mga kadahilanang ito.
Nagkaroon ng pagpupulong ang mga kabarangay sa pamumuno ng mga local na opisyal.
Kailangan nila ng isang paaralan upang hindi na dumami pa ang mga nakapag-aral sa kanilang
barangay. Ayaw nilang matulad sa kanila ang kanilang mga anak.
Nagpunta ang local na opisyales sa Tanggapan ng Pansangay na Tagapaminahala upang
pag-usapan ang pagtatayo ng isang paaralan sa kanilang lugar.
Matapos ang ialng pag-uusap hinggil ditto, makikitang nakatayo ang isang paaralan na yari sa
kahoy at pawid. Ito ay nababakuran ng kawayan at napapalibutan ng iba’t ibang halamang
namumulaklak at mga punongkahoy na namumunga. Sa bungad ng pergola ay nakasulat ang ganito:
“Maligayang Pagdating sa PAARALANG PRIMARYA NG SANTA ROSA.”
Pagsasanay 16
Shabu, Nakamamatay
Pagsasanay 17
Ang matter ay may enerhiya. Ayon sa mga siyentipiko, may iba’t ibang porma ang enerhiya. Ito
ay ang chemical, mechanical, sound, heat, radiant, nuclear at electrical. Lahat ng mga ito ay may
naidudulot na kabutihan at pinsala kung minsan. Ang enerhiyang kemikal ay natatagpuan sa lahat ng
substance at ito ay inilalabas (released) kung may chemical reaction. Kung enerhiyang nagpapatulak
o nagpapahila ng bagay at gumagawa ng tinatawag ng enerhiyang mechanical. Ang enerhiyang
pantunog (sound) ay nabubuo sa pag-ugoy ng bagay (matter). Ang enerhiyang nabubuo mula sa
nuclear reactor ay tinatawag na enerhiyang nuclear. Ang enerhiyang radiant ay enerhiyang
dumadaloy (travel) sa lahat ng direksyon sa pormang electromagnetic waves gaya ng ultraviolet
rays , xray. Ang enerhiyang electrical ay nabubuo sa pagdaloy ng electrons sa pamamagitan ng
conductor gaya ng alambreng tanso. Ang uri ng enerhiyang ito ay maaring mabuo mula sa
enerhiyang chemical. Ang enerhiyang electrical ay ginagamit sa mga ilaw, inti sa mga tahanan,
pagpapagalaw ng mga sasakyan, pagpapagana ng radio at telebisyon. Ito rin ay nagagamit sa
pagluluto ng pagkain. Pagpapalamig at pagpapainit ng tahanan. Marami pang sitwasyon ang
pinaggagamitan ng enerhiyang electrical.
Pagsasanay 18
Pagsasanay 19
Pangarap na Kalikasan
Hindi ko mapigil na humanga sa mga tanawing aking namasdan lalo na sa Bulkang Mayon.
Kayganda pa rin ng hugis nito.
Lalo kong pinanabikan na muling makita ang aming nayon. Sa paanan ng mataas, matarik at
metatag na bundok sa gilid na malawak na bukirin nakatayo ang aming munting tahanan.
Pagkaraan ng limang taon, muling yayapak ang aking mga paa sa nayong aking sinilangan.
Isang marahan tapik sa balikat mula kay Ina yang nagpabalik ng aking kamalayan.
Napakurap ako. Kinusot ko ang aking mga mata. Naligaw yata kami ni Inay. Nagpalinga-linga
ako. Naghahanap ang aking mga mata. “Nasaan ang bundok, ang malaking bundok na nagsisilbing
kanlungan at tirahan ng mga hayop at ibon? Ang aming munting tahanan, bakit nawala na rin? Ang
malawak na palayan sa likuran ng aming tahanan?”
Pumasok kami sa may malaking kalakihang bahay na yari sa semento. Ito pala ang bago
naming bahay. Marami akong gusting itanong.
“Pinasabog ang bundok! Ginawa itong subdibisyon,” paliwanag ni Inay.
Muli kong naalala ang mga pangarap ng aking mga magulang, “Pahalagahan ang kalikasan.
Kaloob ito ng Maykapal at katuwang Niya tayo sa pangangalaga nito.”
Napabuntunghinga ako. Nangilid ang luha sa aking mga mata. May kabundukan pa kayang
makikita ang aking magiging mga anak? Ang susunod pang henerasyon? Walang tiyak na
kasagutan.
Pagsasanay 20
Halinang Maglinis
Buong sigalang nag-unahan sa pagkuha ng kani-kanilang gamit sa paglilinis ang mga taga-
Barangay Masikap. Araw ng Sabdo at ito ang araw na itinakda nila sa paglilinis sa bunong barangay.
Nilinis ng mga kalalakihan ang mga kanal. Inalis ang mga duming humaharang sa daluyan ng
tubig. Sanhi kasi ito ng pagbaha sa kanilang lugar tuwing malakas ang ulan. Ang ilan sa mga
nagkuskos ng mga sari-saring sulat sa pader at nagpintura sa loob at labas ng Bulwagang
Pambarangay. Inayos ng iba pa ang mga sirang bakod.
Ang mga kababaihan naman ay nagwalis sa palibot. May mga nagtanim ng ibang halamang
namumulaklak sa harapan ng Bulwagan. May nagdilig naman ng mga halaman at buong sipag na
nagsilbi ng minidal sa mga gumagawa.
Walang kapaguran ang lahat sa maghapong paglilinis. Halos hindi nila namalayan ang
paglubog ng araw. Hindi mailarawan ang kasiyahan sa kanilang mga mukha ng Makita nila ang
kanilang barangay. Kayganda at kaylinis ng buong paligid. Gamit pala kung ang mga mamamayan ay
nagkakaisa at nagtutulungan. Natitiyak nila na higit na magiging masigla ang lahat sa susunod pang
mga araw.
Isang malaking karatula ang inilagay sa bungad ng barangay:
“BARANGAY KO, LINIS KO”
Nakatanggap ng parangal ang Barangay Masikap bilang pinakamalinis na barangay sa
kanilang bayan at buong pagmamalaki nilang inilagay ang plake sa Tanggapan ng Punong Barangay.
Pagsasanay 21
Inihahanda na ni Kune ang mga basura tulad ng plastic, bote, garapa at mga lumang magasin
at dyaryo galling sa kanilang bahay na ipinagbibili niya kay Mang Pedring na magbobote. Napatigil
siya ng matawag ang kanyang pansin ng isang Editoryal tungkol sa basura ng Pilipino Star Ngayon,
na ipinalabas noong Nobyembre 19, 2000. Ito ang ilan sa kanyang nabasa:
Problema ang basura sa Metro Manila ngayon at lalo pang magiging ga-bundok sa hinaharap
kung hindi kikilos ang pamahalaan. Nagbabala ang Greenpeace, isang international campaign group,
na lulubha ang problema sa basura sa Metro Manila kung hindi gagawa ng estratehiya ang
pamahalaan tungkol ditto. Isinusulong ng grupo ang paraan ng recycling at composting kaysa sa
tradisyunal na “dump, bury, burn”.
Sa mga nakaraan naming editorial, madalas naming sabihin na ang composting ay isang
magandang paraan para malutas ang problema sa basura. Ang dapat lamang gawin ay katulungin
ang Department of Agriculture upang maisulong ito at tiyak na makikinabang ang mga magsasaka.
Matapos mabasa ang artiko, napaisip si Kune at tiningnan muli ang mga bagay sa ipagbibili
sana niya. May ilan sa mga yun na maari pa nilang magamit sa ibang bagay. Dali-dali niyang
ibinukod ang mga iyon at ibinalik sa loob ng kanilang bahay.
Pagsasanay 21
Tayo ay Magdiwang
Sa klase ni Gng. Ortiz sa Sibika, tinatalakay nila ang tungkol sa mga pagdiriwang sa Pilipinas.
“Ang mga pagdiriwang sa buong bansa na mahalaga sa ating kasaysayan at lipunan ay
Pambansang Pagdiriwang. Pagdiriwang ito na nakadeklarang pista opisyal kaya walang pasok ang
mga opisina at paaralan sa buong Pilipinas. Ilan sa pagdiriwang na ito ay ang:
Araw ng Edsa Rebolusyon. Tuwing ika-25 ng Pebrero ginugunita natin ang kalayaan ng
mga Pilipino sa rehimeng dikatador.
araw ng Kagitingan. Pagsapit ng ika-9 ng Abril, binibigyang pugay natin ang mga
sundalong nakipagdigma sa mga Hapones noong Ikalawang Digmaang Pandaigdig.
Araw ng Kalayaan. Tuwing Hunyo 12, ipinagdiriwang ng mga Pilipino ang kalayaan
mula sa Espanya. Pinararangalan din sa araw na ito an gating pambansang bayaning si
Gat. Jose Rizal sa Luneta.
Ipinamamalas natin ang mga katangian at kaugalian ng mga Pilipino sa Pansibikong
Pagdiriwang. Halimbawa ng mga pagdiriwang na ito ay ang:
Araw ng Ina at Ama. Sa araw na ito ginugunita natin ang pagmamahal at pag-aaruga sa
atin ng ating mga magulang. Tuwing ikalawang Linggo ng Mayo ipinagdiriwang ang
Araw ng mga Ina samantalang tuwing ikatlong Linggo ng Hunyo ang araw ng mga Ama.
Lingo ng Wika. Ipinamamalas natin sa buong Linggo na ito an gating pagmamahal sa
sariling wika. Si dating Pangulong Manuel L. Quezon ang Ama ng Wikang Pambansa.
Araw ng Nagkakaisang Bansa. Ginugunita natin ang araw na ito ang pakikipagbuklod at
pakikipagkaibigan natin sa ibang bansa.