SISINDIRAN

SISINDIRAN
A. Asal kecap
Sisindiran teh asal kecapna sindir, nyaeta nyarita teu langsung.

B. Eusi
Eusi sisindiran teh aya tilu, nyaeta :
1. Piwuruk (nasehat)
2. Sesebred (heureuy)
3. Sislih asih (percintaan)

C. Wangun
Nurutkeun wangunna, sisindiran aya tilu rupa, nyaeta:
1. Rarakitan
2. Paparikan
3. wawangsalan

D. Ciri-ciri
1. Rarakitan
 tiap pada aya 4 padalisan
 tiap padalisan aya 8 engang
 padalisan 1 - 2 disebut cangkang, padalisan 3 - 4 disebut eusi
 kecap mimiti padalisan 1 sarua jeung 3, kecap mimiti padalisan 2
sarua jeung 4
Conto: sing getol nginum jajamu
Nu guna nguatkeun urat
Sing getol neangan elmu
Nu guna dunya aherat
2. Paparikan
 tiap pada aya 4 padalisan
 tiap padalisan aya 8 engang
 padalisan 1 - 2 disebut cangkang, padalisan 3 - 4 disebut eusi
 sora ahir padalisan 1 sarua jeung 3, sora ahir padalisan 2 sarua
jeung 4
Conto: hampelas raraga jati
Palataran babalean
Iklas raga reujeung pati
Ngabelaan bebeneran
3. Wawangsalan
 tiap pada aya 2 padalisan
 tiap padalisan aya 8 engang
 padalisan 1 disebut cangkang, padalisan 2 disebut eusi
 wangsal dina padalisan 2
 SISINDIRAN
Conto: Kendang gede pakauman
Dag-dig-dug rasaning ati
(wangsalna bedug)

E. Kecap rajekan make rarangken -an

Kecap rajekan make rarangken –an nyaeta kecap rajekan dwipurwa anu
make rarangken tukang –an.
Fungsi rarangken tukang -an, nyaeta:
1. Ngawangun kecap barang, contona: tatangkalan
2. Ngawangun kecap pagawean, contona: huhujanan
3. Ngawangun kecap sipat, contona: singsieunan