Florante at Laura

Simula: Gumawa ng isang awitin kung saan makikita ang mga sumusunod…

 Naipakikilala ang manunulat

 Bakit niya naisulat ang Obra
Close Curtain

Tagapagsalaysay: Sa labas ng kahariang Albania matatagpuan ang madilim, malawak at

mapanglaw na gubat ng Quezonaria, dito ay may isang lalaking mala-Adonis ang tindig na nakagapos
sa puno ng Higera. Ang lalaking nakagapos ay si Florante ang anak ng mag-asawang si Duke Briseo at
Prinsesa Floresca ng Albania. Habang nakagapos, muling nanumbalik ang mga alaala ni Florante,
mga alaala kung saan si Adolfong sukaban ang pumatay sa kanyang ama, kay haring Linceo  at
umagaw sa kanyang kasintahang si Laura. Nagkataon ang pagdating sa gubat ng isang gererong
bayani ang tikas, pananamit ay Moro sa Persiyang siyudad. Siya ay si Aladin ang gererong Moro ng
Persiya na anak ni Sultan Ali-Adab, na dahil sa sama ng loob sa kanyang ama at kasintahang si
Flerida ay umalis sa sariling bayan.

Open Curtain

Scene 1 - KAGUBATAN
Florante:

Mahiganting langit! bangis mo'y nasaan?

Bandila ng kasamaan, sa kaharia’y iwinawagayway.

 
Nang dahil sa korona ni Haring Linceo,
at sa kayamanan ng dukeng ama ko,

ipinangahas ni Konde Adolfo

sabugan ng kasamaan ang Albanyang Reyno

bakit kalangita'y tila bingi ka sa akin?

ang panalangin ko’y bakit hindi dinggin?

Ama ko! Ama ko!

Bakit kaya ikaw pa ang naunang nasawi
at ako’y inulila sa gitna ng sakit?

Paalam.
Paalam, Albanyang pinamamayanihan ng lupit at kaliluhan.
mahal kong Laura, paalam na aking sinta,
Gayon man ay hangad ko ang iyong kaligayahan,
madurog man ang aking mga laman at buto, Laura, ikaw pa rin ang mamahalin ko.

(mawawalan ng malay si Florante)

(Si Aladin at Florante ay nasa magkalayong  dako ng gubat ngunit si Aladin ay naglakad patungo kung
saan malapit si Florante.)

Aladin:

Flerida! Flerida!
Ama ko!
Bakit mo ako natiis na magdusa?

Ako’y lumuluha hindi dahil sa pagmamahal ni ama,

kundi sanhi sa kanyang kasakiman  na ako’y agawan ng kaligayahan.
O pagsintang labis ng kapangyarihan,
sampung mag-aama'y iyong nasasaklaw;
'pag ikaw ang pumasok sa puso ninuman,
hahamaki'ng lahat masunod ka lamang!

(makikita ni Aladin ang dalawang Leong hangos nang paglalakad patungo kay Florante kaya agad
niyang nilabanan ang mga hayop at pinatay.)

(Pagkatapos mapatay ni Aladin ang dalawang mabangis na Leon, pinakawalan niya si

Florante sa pagkakatali.)

Aladin: Ano kaya ang nangyari sa taong ito?

Florante:  
Nasaan ka, laura, sa ganitong hirap?
Halina, giliw ko’t gapos ko’y kalagin
kung mamamatay man ako sana’y gunitain……- huh? Sino? Sino ka? ISA KANG Moro!

Aladin:
Ipinahayag ng pananamit mo,
taga-Albanya ka at ako'y Persiyano;
ikaw ay kaaway ng bayan ko,
pero sa lagay mo ngayo'y magkaibigan tayo.

Florante:  
Kung di mo sana ako kinalagan.
Nalibing na sana ako sa tiyan ng Leon.
bakit mo pa ako niligtas?
sana’y hinayaan mo na lamang akong mamatay.

Aladin:  
mapalad ang mga sandaling ito dahil tayo’y nabubuhay pa,
kaya huwag mong sabihin na sana’y  hinayaan nalang kita.

Florante: 
Salamat. Ano kaya ang maigaganti ko sa iyong kabutihan?

Aladin: 
nais kong malaman kung bakit ka narito sa gitna ng kagubatan

Florante:  
umid ang dila kong magpahayag ng aking malaking pagtanaw ng utang na loob
kaya’t di lamang ang aking pagdurusa ang ihahayag ko, kundi simula’t sapul sa aking pagkabata.

Pause – Close Curtain

Tagapagsalaysay:
Sa gitna ng kagubatan ay patuloy na nag-usap si Florante at Aladin, ibinahagi ni Florante ang kanyang
Buhay, Ipinakilala niya ang kaniyang ina at ama, ang karanasan niya sa Atenas na kaniyang
nagsilbing paaralan at kung paano siya nakarating sa kagubatan.

Open Curtain

Scene 2 – Bwitre
Tagapagsalaysay:
Ikinuwento ni Florante ang kanyang buhay. Siya ay anak nina Duke Briseo at Prinsesa Floresca.
Muntik na siyang madagit ng buwitre at iniligtas siya ng kanyang pinsang si Menalipo na taga-Epiro.
Buitreng ibon – Gagawa ng 1-2 minutong awitin. Naglalaman ang liriko ng mga kataga na kung saan
ay inilalarawan na gustong dagitin ng ibon ang batang florante

Aawit ang ibon at dadagitin si florante

Prinsesa Floresca: Florante anak ko!! (sisigaw)

Papasok si menalipo at papanain ang buitre

Menalipo – Gagawa ng 1 minutong awitin. Naglalaman ang liriko ng mga kataga na naglalarawan sa
pagnanais ni Menalipo na iligtas si Florante sa kahit na anong manyari

Prinsesa Floresca: Salamat Menalipo sa ipinakita mong katapangan

Pause – Close Curtain

Tagapagsalaysay:
Pagkatapos ikwento ni Florante ang kanyang naging karanasan sa kamay ng bwitre ay Ibinahagi rin
niya kay Aladin ang pagnanais ng kaniyang ama na siya ay makapag-aral sa Atenas.

Open Curtain

Scene 3 - KAHARIAN
Duke Briseo: 
O, Florante! nais kong sabihin sa iyo,
panahon na para tuklasin ang mundo,
dagdagan ang kaalaman at dunong mo
na pumapaksa tungkol sa ating mundo

Florante:
matutupad ang iyong nais minamahal kong ama .
karununga’y kapangyarihang dapat na tinatamasa
Pagtutol ma’y hindi pumasok sa king isipan,
pagkat kagalakan kong matupad ang iyong kagustuhan

Duke Briseo:  
salamat, Florante sa iyong pagtanggap
Matupad sana ang ating pinapangarap,
Ikaw ay tutungo sa lungsod ng Atenas
Upang Matuto at lumiwanag ang landas.

(magpapakita si Prinsesa Floresca)

Prinsesa Floresca: 
Briseo mahal ko.
kailangan niya bang lisanin ang kahariang ito?
pag-aaral sa malayo ay maaaring magdulot ng lungkot,
kaya’t kung maaari’y paglisan ay iyong iudlot

Duke Briseo:  

Mahal ko, 'di dapat palakihin ang bata sa saya;

at sa katuwaa'y kapag namihasa,
kung lumaki'y walang ginhawa.

At mas maraming kaalaman ang kanyang matututuhan,

sa Atenas na lungsod ng karunungan.
kaya sinta kong Floresca, ikaw ay Huwag mabahala
ito ay para sa ikakabubuti niya.
Prinsesa Floresca: 
kung ganoon asawa ko wala na akong tutol.
Florante, ang atensyon mo sana’y sa pag-aaral ipukol,
Alagaan ang sarili at laging tandaan
pagbabalik mo’y hihintayin ng Albanyang kaharian.

(magyayakapan si Florante at Prinsesa Floresca)

Pause – Close Curtain

Tagapagsalaysay:
Dahil sa naging desisyon ni Prinsesa Floresca at Duke Briseo ay tuluyang naglakbay patungo sa
Atenas si Florante, ang Atenas na kaniyang magiging pangalawang tahanan. Dito ay kaniya ng
makikilala si Antenor ang kaniyang magsisilbing guro, makikilala niya rin ang kaniyang magiging
bagong kaibigan, at karibal.

Open Curtain

Scene 4 - ATENAS
Antenor:  
maligayang pagdating sa Atenas, Florante!
ito ang paaralang iyong papasukan,
Ako nga pala si Antenor ang iyong magiging guro.

Florante:  Salamat po Maestro Antenor (malungkot na boses)

Antenor: Florante bakit ka nalulungkot?

Florante:  
Ayaw kong iwanan ang bayan kong Albanya
lalo na’t mapapalayo ako sa aking pinakamamahal na ama’t ina.

Antenor:  
Huwag kang mag-aalala Florante, ako muna ang kukupkop sa iyo habang nag-aaral dito,
lilipas rin ang lungkot mo,
halika Florante, paniguradong magugustuhan mo dito
sapagkat magkakaroon ka ng maraming kaibigan at matututo ka ng lubos sa ating paaralan.

Antenor: 
Heto si Menandro. Siya ang isa sa mga makakasama mo rito sa Atenas.
Aliwin mo ang iyong sarili, at makisama sakanilang mabuti.

Florante:  Ako ay si Florante at ako ay nagmula sa kaharian ng Albanya.

Menandro: Ako ay si Menandro, ako ay kaibigan mo buhat ngayon at ikaw ay kaibigan naming

lahat.

Menadro at iba pang mag-aaral: Mabuhay si Florante! Mabuhay tayong lahat!

…. Pause – Close Curtain – Madaliang pagtungo sa inyong puwesto

Tagapagsalaysay:

Hindi magtatagal ay magiging malapit na magkaibigan sina Florante at Menandro. Pagkatapos ng

anim na taon na pag-aaral sa Atenas. Ang kahusayan na mayroon si Adolfo ay makikita na rin kay
Florante. Dito nagsimulang magalit si Adolfo. Isang hapon ay tinipon ni maestro Antenor ang mga
mag-aaral upang maipakita ang kanilang kagalingan. Nang handa nang magsadula’y si Adolfo ay
nanlisik ang mata, tunay ngang may balak na masama.
Open Curtain

Antenor: 
tayo ay magkakaroon ng isang pagsasadula
Dula tungkol sa trahedya ng dalawang apo
Ang magtatanghal ay si Florante’t Adolfo
Florante Bilang Polinise’t Adolfo bilang Etyokles

(magsasadula may hawak na Espada ang dalawa)

Adolfo:  
Noong una nasa akin lamang ang katalinuhan,
noong una nasa akin lamang ang kapangyarihan.
Sa simula’t sapul nang ako’y mag-aral dito
ako lamang ang nasa itaas!
Ako lamang ang tinitingala!

Ikaw Floranteng sa kapurihan ko’y umagaw

Dapat sa iyo’y mamatay!

(sasalagin ni Florante at tutulungan siya ni Menandro)

Menandro:  
Ikaw, Adolfo anong nangyayari sa iyo!
nasisiraan ka na ba ng ulo?
Ang pagsasadula’y iyong tinotoo,
hindi mo kailangang gawin ito.

Antenor: 
Adolfo, ito’y isang dula-dulaan lamang,
kaya’t hindi katanggap-tanggap ang iyong ginawa.
Ito ay isang malaking kamalian na hindi ko hahayaan.
nais kong bumalik ka sa Albanya at mamuhay ng tahimik at payapa!

Pause – Close Curtain

Tagapagsalaysay:  
Makalipas ang ilang taon sa Atenas, nakatanggap ng isang sulat si Florante na ang hatid ay isang
masamang balita. Ang kaniyang pinakamamahal na  ina ay namatay na at ang  liham ay nagmula sa
kaniyang ama.

Open Curtain

Florante: Maestro paalam na po

Antenor:
Florante, lagi mong tatandaan
kung ang isasalubong sa iyong pagdating ay masayang mukha’t paggiliw,
lalong pag-ingata’t kaaway na Lihim,
siyang isaisip na kakabakain, mag-iingat ka kay Adolfo munting ginoo.

Muli kayong magkakasama sa isang lugar,

kahit pa malawak ang Kahariang Albanya
siguradong landas niyo’y muling magkikita.
sasandata’y Lihim na ihanda nang may maipagtatanggol sa araw ng digma.

Florante: Opo Salamat po maestro.

Menandro: Mag-iingat ka Florante, alalahain mo na-ririto kami handang tumulong sa’yo.

Kamag-aral:  Paalam Florante!

Pause – Close Curtain

Scene 5 - KAHARIAN
Tagapagsalaysay:   Tuluyan ng nagpaalam si Florante sa kaniyang kamag-aral at Siya’y naglakbay
pabalik sa Albanya. Hindi naglaon nagtungo siya sa kaniyang ama, humalik sa kamay at tinanong
ang nangyari sa ina. Habang nag-uusap ay dumating ang embahador ng Krotona upang ibigay ang
liham galing sa hari nila. Sila  ay humingi ng tulong dahil sinakop ito ni Heneral Osmalik ng Persya,
sabi-sabi ay pangalawa ito, ng prinsipe niyang bantog sa sangmundo, Alading kilabot ng mga gerero.

Open Curtain

Duke Briseo: May sulat nagmula sa Krotona

paghingi ng tulong ang pakay nila
nanganganib na itong sakupin
ni heneral Osmalik ng Persiya.

Linceo: O Duke (titingin kay Florante) Sino ito at saang syudad nanggaling? Mukha siyang isang
bunying gerero.

Briseo: Siya’y nag-iisa kong anak na inihahandog sa mahal mong yapak,ibilang sa isang basalyo’t
alagad

(linceo yayakapinn si Florante)

Linceo: Mabuting panahon ang iyong pagdating. Ikaw ang magiging  pansamantalang heneral ng
hukbo na dadalo sa Krotona laban sa mga Moro. Patunayan mo na ikaw ang matapang na gerero na
magsasabi sa buong mundo ng kapanyarihan ng haring Linceo.

Florante: Masusunod mahal na hari

Linceo: 
Nabalitaan ko kay Antenor na nagpamalas ka ng angking kahusayan sa Atenas.
Walang duda nagmana ka sa iyong ama.
ikinalulugod kong ikaw ay makilala
ibig ko nga pa lang ipakilala sa iyo
itong anak kong si Laura

Florante:  
Mahal na Prinsesa, Liwanag ng mukha mo’y kakaiba,
tila lahat ng binata sa kaharian, sayo’y nahahalina.

Muli,
Magandang umaga, Prinsesa Laura.
Masaya ako’t nakilala kita,
ngalan ko’y Florante, wala ng iba

Laura: Magandang umaga Florante Masaya rin akong makilala kita

Florante: Nawa’y makilala rin kita ng lubusan

Laura: ngunit ilang araw na lang ay aalis ka na

Aawitin ang kantang MAKITA KANG MULI - SUGAR FREE

Bawat sandali ng aking buhay
Pagmamahal mo ang aking taglay
Sa'n man mapadpad ng hanging
Hindi magbabago aking pagtingin
Pangako natin sa Maykapal
Na tayo lamang sa habang-buhay
Maghintay

Ipaglalaban ko ang ating pag-ibig

Maghintay ka lamang, ako'y darating
'Pagka't sa isang taong mahal mo ng buong puso
Lahat ay gagawin, makita kang muli
Makita kang muli
Puso'y nagdurusa, nangungulila
Iniisip ka 'pag nag-iisa
Inaalala mga sandali
Nang tayo ay magkapiling
Ikaw ang gabay sa akin tuwina
Ang aking ilaw sa gabing mapanglaw
Tanging ikaw
Ipaglalaban ko ang ating pag-ibig
Maghintay ka lamang ako'y darating
'Pagka't sa isang taong mahal mo mg buong puso
Lahat ay gagawin, makita kang muli
Makita kang muli
Makita kang muli

Pause- Close curtain

Tagapagsalaysay: Naglagi ng  limang buwan si Florante sa Crotona, sila’y nagwagi at nagpilit

bumalik sa Reynong Albanya ngunit ng matanaw ang kaharian, isang masamang kutob sa puso ang
lalong nagpahirap, nang makitang bandila ng kaaway ang winawagayway, Albanya’y nasalakay.

Open curtain

Laura:  maawaing langit, tinig ko’y pakinggan. Iyong iligtas, ang aming kaharian(umiiyak)

Kawal:kahit ano pang sabihin mo, walang sinoman ang tutulong sayo!

(magkakaroon ng saglit na digmaan )

(tinanggal ni Florante sa pagakakagapos si Laura at  ang takip nito sa mukha

Florante: Mahal kong Laura, ikay huwag ng lumuha. Naririto ako upang iligtas ka

Laura:  O, Florante, salamat at akoy niligtas mula sa kamay ng moro.

Florante: Laura aking mahal, gagawin ko ang lahat para sa ikabubuti mo

Laura: Florante ng dahil sa iyo naiiligtas, ang ama ko’t ama mo kasama na ang iba pang taga-
Albanyang nabilanggo.

Pause-Close Curtain

………………

Scene 6 - PERSIYA
Tagapagsalaysay: Samantala sa kaharian ng Persiya…

Open curtain

Sultan Ali-Adab:

 Ano ang dahila’t ika’y naparito,

iyong iniwan ang Albanya at hukbo?
ikaw ay nasa gitna ng dIgmaan
kaya’t sa iyong pag-uwi ano ang dahilan!

Aladin: Ama ko sandali ito ang kapaliwanagan………..

(hindi pa siya tapos magsalita ay susunggaban siya ng mga kawal, mapupumiglas si Aladin ngunit
wala itong silbi.)

Aladin:  Ama ko ano ang ibig sabihin ng lahat ng ito?

isa kang taksil, sukab at huwad na gerero!
Kung si Flerida ang dahilan ng kataksilan mo
hindi mo maaagaw ang sinta ko! (galit)

(papasok si flerida at maririnig ito)

Sultan Ali-Adab: tama na ang satsat kung ayaw mong masaktan

Ako ang pinuno ng Persiya, iyan ay aking karapatan!
HALA SIGE! ikulong yan sa gitna ng kawalan
at sa madaling panahon siya ay pugutan!

(tatawa ng malakas ang sultan)

(iiyak at luluhod si Flerida)

Flerida:
Mahal na Sultan! Hiling ko,
Prinsipe Aladin iyong Pakawalan,
papayag ako sa kahit na ano mang kasunduan.

Sultan Ali-Adab: 
Sige, hahayaan ko siyang mabuhay, sa isang kondisyon.

Flerida:
A-ano po iyon?

Sultan Ali-Adab: 
ako ay iyong pakakasalan

Aladin:
Flerida, mahal ko! HUWAG KANG PUMAYAG!

Flerida:
kung ito nga talaga ang nais mo
pumapayag ako na ika’y pakasalan,

Aladin:
Flerida, HINDE! HUWAG! (binabanggit ito habang kinakaladkad papalayo)

…………..

Pause-close curtain

Scene 7 - KAGUBATAN
Tagapagsalaysay: Sa Kasalukuyan, sa madilim na bahagi ng kagubatang Albanya
mapagnasang si Adolfo’y kabig-kabig si Laura

Open curtain

Laura:  Bitiwan mo ako Adolfo!

Ako ay para lamang kay Floranteng mahal ko
Ang tulad mong taksil at duwag
sa pag-iibigan namin ni Florante’y hindi makatitiba.g

(hihigpitan ni Adolfo ang hawak kay Laura, mapapasigaw si laura sa takot at sakit)

Adolfo: O, Laurang prinsesa huwag mo akong galitin

ang Floranteng sinta mo’y hindi na aabutin sa dilim
Katawan niya ngayo’y pinagpipyestahan na wari ng mga Leon
kaya’t wala kang ibang pagpipilian kundi…..mapasa akin.

Laura: Mas pilpiliin ko pang mamatay, o Adolfong duwag

Kung wala na si Floranteng sinta aanhin ko pa ang buhay!
hindi ako papayag na mapasaiyo, at ipinapangako ko
di ka magtatagumpay sa iyong plano

Adolfo: nauubos na ang Pasensiya ko kakaintindi sa iyo

wala na Si Floranteng sinisinta mo!

( Akmang sasaktan ni Adolfo si Laura

Ngunit isang pana ang tumama
tumalima sa dibdib ng Adolfong taksil
na sa buhay nito ay siyang kumitil)

Flerida: O abang dalaga, anong kalagayan mo

Talagang walang hiya ang lalaking ito
Flerida ang pangalan ko
nagmula sa Persiyang Reyno

Laura: Ako naman si Laura,

Ako ang siyang prinsesa ng Albanya
Salamat dahil iniligtas mo ako

(iikot sa kagubatan ang dalawang kababaihan habang nagkukwentuhan)

Laura: Maraming salamat sa iyong kabutihan

nang dahil sa iyo buhay ko’y nailayo sa kapahamakan.

(habang naglalakad ay magkikita-kita ang mga magkakasintahan)

Flerida: O Aladin!

Laura: Sinta kong Florante!

Aladin:  Minamahal kong Flerida, salamat at ligtas ka!

Florante:  O Laura! Giliw ko!

Laura:  O Florante, ako’y tunay na nabahala!

Ang gubat na ito’y lubhang mapinsala

Florante: salamat sa Diyos ligtas ka.

……………………

Papasok ang iba’t Ibang tauhan (KAKANTA)

Gumawa ng isang awitin na ginagamitan ng mga salitang…

VIVA FLORANTE!
VIVA ALBANYA
VIVA FLORANTE HARI NG ALBANYA!
MABUHAY PRINSESA LAURA
SALAMAT ALADIN
SALAMAT FLERIDA

(Dahil sa pagkamatay ni Haring Linceo at Duke Briseo, pinalitan sila ni Florante. Sa kanyang
paghahari, nanumbalik ang dating katangian ng Albanya nagkaroon muli ito ng kapayapaan,
umunlad, nagkaisa at bumalik ang dating sigla

Habang si Aladin at Flerida ay pinamunuan ang kanilang kaharian sa Persiya!)

 Naipakikilala ang tauhan