Grade 11 – STEM A December 5, 2022 PAGSULAT SA PILIPINO AT PILING LARANG
“Love is like a rosary, It is full of mystery”. Totoo ngang mahiwaga ang
pag-ibig, maraming nagagawa ang pag-ibig sa buhay ng tao, maari nitong mabago ang isang tao, mabuti o masama man ang epekto. Ano nga ba ang pag- ibig? siguro lahat naman tayo naranasan nang umibig. Masasabi bang ang pag- ibig ay makikita lamang sa isang relasyon? Hindi, ang pag-ibig ay maraming bersiyon, halos araw-araw tayo’y umiibig. Pagmamahal para sa ating pamilya, pagmamahal sa ating mga alaga, sa mga bagay na gustong- gusto natin, mga paboritong pagkain, mga magagandang damit at pati narin sa mga palabas na gusto nating panoorin. Maraming klase ang pagmamahal at masasabi mong likas sa tao ang makadama ng pag-ibig. Ano naman ang mga naidudulot o mga epekto ng pag-ibig sa atin? Iba’t iba ang epekto ng pag-ibig sa ating pagkatao, maraming mga magaganda at pati narin mga hindi kanais-nais na nagagawa ang pag-ibig. Una muna ang mga magaganda, dahil sa pagmamahal nagiging masaya tayo at nagkakaroon tayo ng pagkakaunawaan sa ibang tao. May mga hindi maganda ding naidudulot ang pag-ibig, marami ang nalulungkot at nadedepress kapag sawi sa pag-ibig na maari humantong sa pagkitil ng sarilig buhay. Ginagamit ang pag-ibig para makapanloko ng kapwa, yan yung tinatawag nating love scam na kadalasang nangyayari sa mga kababayan nating nangibang bansa. May mga tao ding dahil sa lubos na pag-ibig ay nabubulag na sa kung ano ang tama’t mali, nagagawa nilang gumawa ng mga masasamang bagay para sa kanilang kapareha dahil sa sobrang pagmamahal. Nagkakroon ng mga hidwaan at gulo dahil sa hindi pagkakunawaan na bunsod ng hindi natin pinapairal ang pagmamahal palagi sa ating puso. Kapag palaging may pagmamahal sa ating puso magagawa nating magkaunawaan at maresolba ang anumang hidwaan sa pagitan ng bawat isa. Sa makatuwid ang pag-ibig ay isang makapangyarihang bagay o damdamin na maaring makaganda o makasama sa atin. Palagi lang sana nating isapuso ang pagmamahal dahil kapag ang mga tao sa mundo ay puno ng pagmamahal maiiwasan nating ang anumang kaguluhan.