TITLE: Gustong Gusto Kita

Mga kinang ng yong mga mata't lamig ng titig

Hubog ng labi mo't ngiting sa'kin nagpapakilig
Mahal ko ang lahat sayo alam mo ba?
Saksi buong mundo….. Eto't marami pa

Ang 'yong suot, amoy mong kay bango't mga kamay mo

Pinting ng puso't lahat ng sa 'yo'y sana ay ako
Mahal kita. Saksi buong mundo, sinta.
Maghihintay sa'yo sana'y malaman na

Bawat sandali't oras, mahal ka

Bawat sulok, sa'n pa man, mahal ka
Pagmamahal ko'y 'di na magbabago pa
Tinamaan na ewan ko ba

Umulan ma't umaraw, ikaw lang

Taglamig ma'y uminit, ikaw lang
Ang mahalin ka'y panata ng pusong 'di bibitiw, giliw
Alam mo ba?

Sa puso ko'y ikaw ang MVP ng bawat laro

Pagtugtug mo ng piano wari'y hinehele ako
Sa tuwing tayo'y nagbabasa ng libro
Nawawalang bigla pag tinitigan mo

Ikaw ang aking kalakasan tuwing nanghihina

Isang ngiti mo lang lahat gumagaan

Bawat sandali't oras, mahal ka

Bawat sulok, sa'n pa man, mahal ka
Pagmamahal ko'y 'di na magbabago pa
Tinamaan na ewan ko ba

Ang lahat biglang lumiliwanag

Pag kasama ka ay walang mahirap
Ang mahalin ka'y panata ng pusong 'di bibitaw, giliw
Alam mo ba? Mahal na mahal kita sinta