Political Sa pag-ikli ng panahong ginugugol ng balita upang makarating sa Pilipinas mula sa Europa, ang ideolohiyang kanluranin patungkol sa liberalismo ay napabilis ang pagkalat sa ating bansa na nagbunga ng paghahangad ng mga Pilipino ng kalayaan mula sa mga Espanyol.
Sa pagkapanalo ng mga liberal sa Espanya noong 1868, kasabay nito ang
pagdating ni Gobenador-heneral Carlos Maria dela Torre na siyang itinuturing na isa sa pinakamamahal na gobernador-heneral sa kasaysayan. Siya ay pinunong nalalapitan ng mga tao. Si dela Torre ay nagpatupad ng pamamahalang liberal na ikinatuwa ng mga Pilipino dahil na rin sa pagiging pantay ng kaniyang trato sa mamamayan.
Ang pagpapataw ng buwis sa mga sundalong Pilipino na ipinatupad ni
Gobernador-heneral Izquierdo ay nagresulta sa pag-aaklas na naganap sa Cavite. Ang pag-aaklas na ito ay ang naging dahilan ng pagkakadawit ng tatlong paring martir na GomBurZa. Ang pagpatay sa mga paring ito ang nagbukas sa mata ng mga Pilipino, kabilang din si Jose Rizal, sa kalupitan at pang-aalipusta ng sistema ng mga Espanyol sa ating bansa. Economic Ang pagbubukas ng Maynila sa pandaigdang kalakalan noong 1834 ay nagdala ng kaunlaraang ekonomikal sa mga Pilipinong mangangalakal. Ang masaganang sektor ng agrikultura, lalo na ang palay at tabako, ay nagamit upang mai-export sa ibang bansa. Si Don Sinibaldo de Mas naman ang nagmungkahi sa hari ng Espanya na magbukas ng iba pang daungan maliban sa Maynila para sa mas mabilis at mas maunlad na kalakalan sa Pilipinas.
Ang pagbubukas ng Suez Canal sa Egypt ay nagpa-usbong pa lalo ng
ekonomiya ng bansa dahil sa paglaki ng demand ng Europa sa mga produktong agrikultural ng Pilipinas. Napabilis ang transportasyon ng mga kalakal mula sa 3 o 4 na buwan hanggang sa 1 buwan na lamang matapos ang pagbubukas ng malawak na kanal. Ang mga may-ari ng lupa sa Pilipinas ay lalong yumaman dahil dito. Socio- Si Padre Pedro Pelaez ang nanguna sa kilusang sekularisasyon na naghahangad cultural na kilalanin ang karapatan ng mga paring sekular dito sa Pilipinas. Sa kabila ng kanilang katalinuhan at karanasan ay hindi pa rin sila pinapayagang maka- pamuno ng parokya.
Ang paglago ng ekonomiya ay pag-usbong din ng gitnang uri o middle class.
Sila ang nagtatag ng Principalia na binubuo ng mga Inquilinos, kung saan kabilang ang pamilya Rizal, pati ang mga gobernadorcillo hanggang sa cabeza de barangay. Ang uri ng tao sa Pilipinas ay hindi na lamang nahahati sa dalawa, ang mga naghaharing-uri at pinaghahariang-uri. Ang mga Inquilinos na umunlad ang pamumuhay dahil sa pag-unlad ng ekonomiya ay nagawang pag- aralin ang kanilang mga anak sa ibang bansa.