ao campo Traballo feito por Alexandre Liñeira, David Quintela e Sofía López
Materia: Bioloxía e Xeoloxía
Profesor: Iván Rodríguez Cañás
Nota: algunhas das fotos son de produción propia, mais moitas delas non, debido a que nesta época do ano é difícil atopar animais e outros elementos. a. Cal é a poboación máis numerosa? Indica o nome do ecosistema acorde coa especie dominante (se procede, por exemplo: carballeira, silveira, etc.). A poboación máis numerosa neste parque natural é o carballo, xunto cos castiñeiros e os bidueiros. Acorde coas especies dominantes, o ecosistema correspóndese cun bosque caducifolio.
b. Trátase dun ecosistema con elevada biodiversidade? Cantas especies
vexetais e animais atopas? Si, este parque é coñecido pola súa gran biodiversidade. En canto a especies vexetais, pódense encontrar: carballos, castiñeiros, bidueiros, musgos, fieitos, e dedaleiras (entre outros) En canto a especies animais, neste parque hai moitos anfibios (polo seu clima húmido): píntegas comúns, saramagantas rabilongas, sapos comúns ou ras comúns. Tamén se poden encontrar aves (como mouchos, merlos acuáticos, martiños peixeiros ou petos verdes), mamíferos (como lontras, lobos, cervos ou xabarís) e peixes (como troitas ou muxes). Finalmente, como na maioría dos ecosistemas, tamén podemos encontrar moscas...
c. Describe as características ambientais (factores
abióticos) presentes nese ecosistema (indicar se é húmido, soleado, se o solo é profundo, etc). Este parque é moi húmido e sombrío (e ademais conta con dúas estacións: fría e cálida), ten unha temperatura media anual de 14ºC, é moi extenso (cun espazo de 9126,65 hectáreas) e ten zonas nas que o chan chega ata os 300 metros de altura (aínda que a profundidade varía depende da zona).
d. Relaciona as adaptacións de diferentes seres vivos (5 de animais e 5 de
vexetais) aos diferentes factores físico-químicos do biótopo. As adaptacións dos animais: • Troita: a adaptación aos factores do biótopo serían as branquias para poder respirar dentro da auga e escamas para evitar a perda de auga. • Muxe: a adaptación aos factores do biótopo serían as branquias para poder respirar dentro da auga e escamas para evitar a perda de auga. • Cervo: a adaptación aos factores do biótopo serían os pulmóns para poder respirar e a pel para evitar a perda de auga. • Lobo: a adaptación aos factores do biótopo serían os pulmóns para poder respirar, a pel para evitar a perda de auga, a fecundación interna e unha mandíbula para desgarrar ás súas presas. • Píntega: a adaptación aos factores do biótopo sería a pel para poder respirar a través dela e a fecundación interna, para evitar así a perda de auga.
As adaptacións dos vexetais:
• Carballos: a adaptación aos factores do biótopo é polos niveis de CO2 na atmosfera. Por iso, aumenta a súa taxa de fotosíntese. • Fieitos: a adaptación aos factores do biótopo é a adaptación á humidade (tendo follas finas e delgadas, e moitos estomas... é dicir, unha estrutura que impide a perda de auga). • Bidueiros: a adaptación aos factores do biótopo é á humidade. Este necesita de abundante auga e humidade, pero tampouco en exceso (xa que podería morrer). • Musgos: a adaptación aos factores do biótopo é á humidade. Se non hai suficiente humidade, o musgo morre. • Dedaleiras: a adaptación aos factores do biótopo é á presión. Estas son moi comúns en alturas elevadas, e non tanto en outras máis baixas.
e. De que se alimenta cada un dos seres vivos identificado? podes empregar as
fotografías para realízalo a modo de esquema e elaborar unha cadea trófica, indicando o papel de cada un no ecosistema. Os animais máis comúns, entre outros moitos, nas Fragas do Eume son: píntegas comúns, ras, sapos, mouchos, petos verdes, lontras, lobos, xabarís ou cervos. Logo, neste tamén hai animais que son “típicos” en moitos ecosistemas: caracois, miñocas, arañas... Ras e sapos: comen moscas, mosquitos, peixes pequenos... Petos verdes e mouchos: comen insectos (formigas, miñocas) en xeral, aínda que ás veces tamén pequenos peixes, réptiles... Lontras de río: comen pequenos peixes, anfibios, réptiles, insectos e incluso pequenos mamíferos. Lobos: comen en xeral mamíferos (coma cervos, xabarís, ovellas ou cabras), aínda que ás veces tamén comen aves e outros animais. Cervos: comen vexetais principalmente (herba, follas, xuncos, bagas...).
f. Identifica unha especie eurioica e unha especie estenoica, indicando o factor
abiótico que a condiciona ou limita a súa supervivencia. Unha especie eurioica sería, por exemplo, a mosca (xa que é pouco esixente respecto dos valores alcanzados por certo factor, é dicir, a súa valencia ecolóxica rexistra unha gran amplitude); en cambio, un exemplo de especie estenoica sería a troita (xa que é moi esixente con respecto aos valores alcanzados por un determinado factor, é dicir, o seu límite de tolerancia é estreito). O factor abiótico que condiciona ou limita a supervivencia da troita é a agua. A troita vive en auga doce (vive en augas frías e limpas, e en ríos e lagos), e se a metésemos en auga salada, esta morrería (por iso mesmo o seu límite de tolerancia é estreito).
g. Que tipo de ecosistema é? Razoa se o ecosistema se atopa nas etapas iniciais
da sucesión ecolóxica, se acadou xa a comunidade clímax ou se polo contrario se atopa nunha regresión ecolóxica. Este ecosistema é principalmente un bioma terrestre (xa que é un bosque caducifolio). Segundo a súa orixe é natural (xa que non foi modificado pola actividade dos humanos), e segundo as súas características é mixto (xa que principalmente é un bosque caducifolio, pero tamén ten un río que pasa polo seu lado). Tamén podería considerarse, nalgunhas zonas, un bioma acuático doceacuícola con augas en movemento, é dicir, lóticas (xa que no ecosistema hai un río). Este ecosistema podería considerarse que se atopa nunha regresión ecolóxica xa que, nalgunhas zonas, en 2012 houbo un incendio. O parque sufriu unha alteración e agora mesmo está recuperándose intentando volver ao seu estado anterior.
h. O ecosistema elexido está alterado pola acción do ser humano dalgunha
maneira? Valora a alteración e indica accións concretas que podamos levar a cabo para protexelo e mantelo en equilibrio. As Fragas do Eume están alteradas pola acción humana de forma leve, xa que hai camiños, un mosteiro, sinais... Sen embargo, a maioría do espazo mantense nun estado case inalterado (é dicir, natural). Algunhas das accións que podemos levar a cabo para protexelo e mantelo en equilibrio serían: non prender lume á vexetación, non tirar lixo no parque, non pescar nin cazar compulsivamente (xa que desaparecerían todos os animais), non construír máis estradas (ou outras edificacións) ou non utilizar vehículos contaminantes no parque (xa que contribúe á contaminación ambiental).