Pangalan: Cruz, Anaiah Jewel DL. Pangalan: Carlos, Jhealsa Marie 10 – LOVE
Buod ng “Ang Kwintas”
Noong unang panahon, sa bansa ng Pransya ay may isang napakagandang babaeng nagngangalang Matilda Loisel. Siya ay nakatira lamang sa isang maliit na apartment kasama ang kanyang asawang si Monsieur na nagtatrabaho bilang isang klerk sa ministro ng edukasyon. Si Matilda ay hindi masaya sa kanyang antas ng pamumuhay dahil ang akala niya ay siya ay pinanganak para sa lahat ng kayamanan sa buong mundo ngunit siya ay may simple lamang na pamumuhay. Isang araw, ang kanyang asawa ay may dalang imbitasyon na iniimbitahan silang dumalo sa isang pagdiriwang na inihanda ng kanyang mga kasamahan sa trabaho. Sa pag- aakalang matutuwa ang asawang si Matilda ay nainis pa ito. Siya ay nagreklamo na wala siyang magagarang damit na babagay sa ganoong kagarbong okasyon kaya naman ang kanyang mapagbigay na asawa ay pumayag na ibigay ang naipon niyang apat na daang francs upang ipangbili ng bestida ni Matilda. Siya ay naging balisa sa loob ng isang linggo kaya tinanong siya ng kanyang asawa kung ano ang dahilan at ang sagot niya ay wala siyang magandang alahas na maisusuot katerno ng kanyang bestida. Iminungkahi ni Monsieur na baka pwedeng humiram nalang siya sa kaibigan niyang si Jeanne. Hiniram ni Matilda ang kumikinang kinang na kwintas na gawa sa brilyante. Sila ay dumalo sa pagdiriwang at nagsaya, si Matilda ay masyadong naluwalhati sa kanyang kagandahan at naging pabaya. Madaling araw na silang nakauwi sakanilang bahay, nung tiningnan niya ang sarili niya sa salamin ay agad niyang napansin ang nawawala niyang kwintas. Hinanap nila ito kung saan saan, inisip kung posible ba itong nalaglag sa kanilang sinakyan ngunit wala sakanila ang nakaalala ng plaka. Umalis ang asawa ni Matilda upang hanapin ito sa kalsada ngunit bumalik itong walang dala. Si Matilda ay gumawa ng sulat para kay Jeanne na nagsasabing nasira niya ang kawit ng kwintas at dinala ito sa pagawaan. Habang hindi pa nakikita ang nawawalang kwintas, nakakita sila ng kaparehong kwintas na naghahalagang tatlong pu’t anim na libong francs. Ang kanyang asawa ay nanghiram ng pera sa mga kakilala upang mabili ang halagang tatlong pu’t anim na kwintas. Sa wakas ay nabili na nila ito at agad ibinalik kay Jeanne. Kapansin-pansing nag iba ang buhay ni Matilda sa loob ng sampung taon, sila ay lumipat sa mas maliit na apartment at nagtrabaho upang mabayaran ang mga hiniram na pera. Pagtapos ng sampung taon ay naibalik na nila lahat ang hiniram nilang pera ngunit mas lalong tumanda ang itsura ni Matilda. Isang araw, nagkita sila ni Jeanne at napag-isipang sabihin ang totoo tungkol sa kwintas. Kwinento ni Matilda ang buong istorya at biglang nagulat si Jeanne nang marinig ito sapagkat ang kwintas na ipinahiram niya kay Matilda ay peke at hindi naghahalaga ng higit pa sa limang daang francs.