Professional Documents
Culture Documents
Aralin 6
Aralin 6
SANGKAP/KOMPONENT NG KOMUNIKASYON
1. Tao
Mahalagang komponent ng komunikasyon ang tao dahil sila ang tumatayo bilang
tagapagpadala (sender) at tagatanggap (receiver) ng mensahe. Ang tagapagpadala ang
nagsasagawa ng pagbibigay o pagsisimula ng mensahe (enkowd) na
binibigyang.kahulugan (dekowd) ng tagatanggap ayon sa inaasahan o layunin ng mensahe
nito.
2. Mensahe
Ito ay maaaring berbal o di-berbal na ideya, naiisip at nararamdaman ng isang tao nan
ais makipagtalastasan sa isang tao o pangkat ng tao. Ang mensahe ang nilalaman ng
interaksyon na nakapaloob ang simbolo (salita o parirala) na ginagamit sa pagpapahayag
ng ideya, gayundin ang ekspresyon ng mukha, kilos at galaw ng katawan, pisikal na kontak,
tono ng boses at iba pang di-berbal na koda.
3. Midyum/Tsanel
Ito ang instrumento na ginagamit ng tagapagpadala ng mensahe tulad ng radio,
telebisyon, telepono, emai, mga larawan at iba pang katulad nito. Sa harapang
komunikasyon (person- to-person communication) naipapadala ang mensahe sa
pamamagitan ng tuwirang pagpapahayag ng ideya at saloobin.
4. Tugon/Pidbak
Ang pagbibigay ng tugon o pidbak ay isang mahalagang paraan ng pagkontrol sa mga
sagabal sa komunikasyon. Ito ay maaaring mauri sa tatlo: tuwirang tugon,di-tuwirang
tugon, at naaantalang tugon.
5. Ingay
Ito ay nakasasagabal sa pagpapadala o enkowd at pagbibigay-kahulugan o dekowd
ng mensahe. Maaaring pisikal o sikolohikal ang sagabal. Pisikal na sagabal ito kung may
suliranin sa pandinig, malalakas n atunog sa kapaligiran, at espasyo, kung gaano kalapit
ang kausap.ang sikolohikal nman ay ang mga gumagambala na nagaganap sa isipan ng
tao tulad ng wala sa pokus ng pinag-uusapan, at problema,
6. Koda
Ito ang sistematikong pagkakaayos ng mga simbolong ginagamit upang makabuo
ng mga kahulugan sa kaisipan ng tao o pangkat ng tao.ang mga salita, parirala at
pangungusap ay nagiging “simbolo” na ginagamit upang magdala ng imahe, ideya, at
naiisip ng tao.