Programimi kompjuterik (shpesh e shkurtuar në programim ose kodim) është proces i dizajnimit, shkruajtjes, testimit, debuggimit, dhe mirëmbajtjes së kodit burimor të programeve kompjuterike. Ky kod burimor shpesh është shkruar në gjuhë programuese. Qëllimi i programimit është të krijojë program që ekspozon një trajtim të caktuar të dëshiruar. Procesi i shkruajtjes së kodit burimor shpesh kërkon ekspertizë nga më tepër fusha të ndryshme, duke përfshirë dijeninë nga lëmija e aplikimit, algoritmeve të specializuara dhe logjikës formale.
Gjuhët programore zakonisht përmbajnë shprehje në gjuhën
angleze. Për shembull :
if (a>2) then a=3 ;
ku if dhe then janë fjalë që prej gjuhës angleze përkthehen
sikur : nëse (a>2) atëherë a=3;
Pra këtu, fjalën if pjesa procesuese (procesori) e kompjuterit
automatikisht e "përkthen" ne BIT-a (ang. binary digits). P.sh. 101010101000 Ky "përkthim" bëhet me anë të një pjese të gjuhës programore që po ashtu është softuer (program) që quhet përpilues (ang. compiler-përpilues, përpunues). Përpiluesi pra, bën "përkthimin" e shprehjeve siç janë if-then në BIT-a(101010101) të cilat i kupton kompjuteri. Sot, janë një numër i konsiderueshëm i gjuhëve programore. Ndër gjuhët më të njohura janë : C, C++, Java, Pascal, Delphi etj. PSE KODIMI ËSHTË NJË INVESTIM NË TË ARDHMEN
Në ekonominë e ditëve të sotme, ekziston një nevojë urgjente
për njerëz me aftësi koduese të cilët u përshtaten kërkesave të një industrie në nevojë siç është teknologjia, një realitet që nuk ka për të ndryshuar shpejt.
Për këtë arsye, prezantimi i fëmijës suaj me kodimin është një
investim jetik për të ardhme e tyre.
Kodimi, një aftësi e shekullit 21, është shndërruar me shpejtësi
në një aftësi po aq e domosdoshme sa edhe shkrimi e matematika dhe është shumë e rëndësishme për një gamë të gjerë profesionesh.
Njerëzit me aftësi në kodim janë në kërkim
Kodimi përgatit fëmijët për shkollën e lartë
Ashtu si një gjuhë e huaj, kodimi është mirë të mësohet
në moshe të re. Kur fëmijët janë të rrjedhshëm në mendimin e duhur për të zgjidhur probleme kodimi, kalimi në gjuhë të tjera programimi është e thjeshtë. Programimi është një nga lëndët më të rëndësishme në degën Informatikë Biznesi, e cila luan një rol kyç në integrimin e dy disiplinave që përmban emërtimi i kësaj dege që ndërthur pashmangshmërisht fushën e ekonomisë apo biznesit me atë të shkencave kompjuterike. Programimi, si bërthamë e zgjidhjeve teknologjike në çdo aspect të jetës sonë të përditshme, është jo thjesht një lëndë e nevojshme, jo thjesht një lëndë e mire për karierën, jo vetëm fitimprurëse, por e fuqishme. Ajo e pajis studentin njëkohësisht me njohuri dhe me aftësi unike për të ofruar zgjidhje inovative mbi probleme apo çështje të caktuara të fushës së ekonomisë dhe nevojave të biznesit në ditët e sotme dhe në të ardhmen. Shkencat që ndërthuren apo bashkëveprojnë me këtë disiplinë janë të pa-numërt. Duke filluar me matematikën si objekt primar në fillesat e saj, me krijimin e makinerive apo pajisjeve që ndihmonin në kalkulimin e saktë të veprimeve të komplikuara matematikore, e deri te arritjet më të fundit nano- teknologjike.