Professional Documents
Culture Documents
9789941302442
9789941302442
გვირაბების ლაბირინთში
ინგლისურიდან თარგმნა
ნიკა სამუშიამ
enid blaitoni
cnobili xuTeuli
xuTeuli gvirabebis labirinTSi
ISBN 978-9941-30-244-2
Enid Blyton
THE FAMOUS FIVE
www.sulakauri.ge
შინაარსი
5
კირინის კუნძულზეც გავცუროთ და ციხესიმაგრეც მოვინახუ
ლოთ. იქ შარშანდელი ზაფხულის მერე აღარ ვყოფილვართ.
– ახლა დიკის ჯერია, ფანჯრიდან გაიხედოს, – ჯულიენი
უმცროსი ძმისკენ მიტრიალდა, სანდომიანი ბიჭისკენ, რომელიც
კუთხეში იჯდა და კითხულობდა, – კირინს ვუახლოვდებით, დიკ.
არ შეგიძლია წამით მაინც შეწყვიტო კითხვა?
– ძალიან საინტერესო წიგნია, – აღნიშნა დიკმა და ხმაურით
დახურა წიგნი, – ასეთი საინტერესო სათავგადასავლო ამბავი
არასდროს წამიკითხავს!
– კარგი ერთი! დაგენაძლევები, ზოგიერთ ჩვენს თავგადა
სავალზე უფრო საინტერესო არაფრით არ იქნება! – წამოიძახა
მაშინვე ენიმ.
ამ ხუთეულს, ძაღლი ტიმის ჩათვლით, რომელიც ყოველთვის
მათთან ერთად მონაწილეობდა ყველაფერში, მართლაც გასაო
ცარი ამბები გადახდენოდათ თავს. მაგრამ ახლა საქმეს ისეთი
პირი უჩანდა, რომ არდადეგებს მშვიდად და წყნარად გაატარებ
დნენ, დიდხანს ისეირნებდნენ კლდის პირას და ალბათ ჯორჯის
ნავით კირინის კუნძულზეც გაცურავდნენ.
– ამ სემესტრში სკოლაში ბევრი ვიმეცადინე, – თქვა ჯული
ენმა, – დასვენება არ მაწყენდა!
– გამხდარხარ, – შენიშნა ჯორჯინამ. გოგონას ასე არავინ
უწოდებდა. ყველა ჯორჯს ეძახდა, რადგან მხოლოდ ამ სახელს
ეხმაურებოდა.
ჯულიენმა გაიღიმა.
– ნუ ღელავ, კირინის კოტეჯში მალე გავსუქდები! ამაზე ბიცო
ლა ფანი იზრუნებს. ადამიანების გასუქებაში მას ვერავინ შეე
დრება. ძალიან მიხარია, რომ დედაშენს ისევ ვნახავთ, ჯორჯ.
ძალიან კარგი ვინმეა.
– ჰო. იმედია, ამ არდადეგებზე მამაც კარგ გუნებაზე იქნება, –
თქვა ჯორჯმა, – წესით უნდა იყოს, რადგან დედას თქმით, ახალი
ექსპერიმენტები წარმატებით ჩაუტარებია.
6
ჯორჯის მამა მეცნიერი გახლდათ, რომელიც ყოველთვის
ახალ იდეებზე მუშაობდა. საერთოდ, მშვიდი კაცი იყო, მაგრამ თუ
ხმაური შეაწუხებდა, ან რამე ზუსტად ისე არ ხდებოდა, როგორც
მას უნდოდა, გაცხარება სჩვეოდა. ბავშვებს ხშირად უფიქრიათ,
ჯორჯინა სიფიცხით მამამისს ძალიან ჰგავსო! ისიც ცხარდებო
და, როცა რამე არ გამოსდიოდა.
ბიცოლა ფანი მატარებელს ბაქანზე ელოდა. ბავშვები ვაგო
ნიდან ჩაცვივდნენ და მისკენ გაიქცნენ. ყველას ჯორჯმა დაა
სწრო და დედას პირველი ჩაეხუტა. ჯორჯს ძალიან უყვარდა
კეთილი დედა, რომელიც ხშირად იცავდა მას, როცა მამა რამეზე
გაუბრაზდებოდა ხოლმე. ტიმი მათ გარშემო დახტუნავდა და
გახარებული ყეფდა. ის ჯორჯის დედაზე ჭკუას კარგავდა. ქალმა
ძაღლს ხელი მოუთათუნა, ტიმმა ორ ფეხზე შედგომა და მისთვის
სახის ალოკვა სცადა.
– ტიმი რამხელა გაზრდილა! – სიცილით თქვა ბიცოლა
ფანიმ, – ფრთხილად, ტიმ! არ წამაქციო!
ტიმი, ეს მართლაც დიდი ძაღლი, ყველას უყვარდა, რადგან
ერთგული, მოსიყვარულე და სანდო იყო. ყავისფერ თვალებს
ხან ერთ ბავშვს მიაპყრობდა, ხან – მეორეს, მათი სიხარულით
ტკბებოდა. მაგრამ ყველაზე მეტად, რა თქმა უნდა, მას თავისი
პატრონი, ჯორჯი უყვარდა. ტიმი ჯერ კიდევ ლეკვი იყო, როცა
ჯორჯს მიუყვანეს. გოგონას ის ყოველ სემესტრში სკოლაში
მიჰყავდა, რადგან ის და ენი ისეთ სკოლა-ინტერნატში სწავლობ
დნენ, სადაც შინაური ცხოველების ყოფნა დაშვებული იყო. სხვა
ნაირ სკოლაში ჯორჯი არც ივლიდა!
კირინისკენ ორთვალათი გაემართნენ. ქარი ქროდა და ძალიან
ციოდა. აცახცახებული ბავშვები ქურთუკებში ჩაიფუთნენ.
– საშინლად ცივა! – დაიჩივლა კბილებაკაწკაწებულმა ენიმ, –
ასე ზამთარში არ ცივა ხოლმე!
– ქარის გამოა! – აუხსნა ბიცოლამ და პლედი მჭიდროდ შემო
ახვია, – ბოლო ორი დღეა, ძლიერდება და ძლიერდება. მეთევზე
7
ებმა ნავები სანაპიროდან შორს გაათრიეს დიდი შტორმის შიშით.
სანაპიროსთან ჩავლისას ბავშვებმა წყლიდან ამოთრეული
ნავები დაინახეს. ამ სანაპიროზე ხშირად დადიოდნენ საბანა
ოდ, მაგრამ ახლა ბანაობის სურვილი სულაც არ ჰქონდათ. ამის
გაფიქრებაზეც კი კანკალებდნენ.
ზღვის თავზე ქარი ყმუოდა. ცაზე სქელი ღრუბლები სწრაფად
მიქროდნენ. ტალღები დამაყრუებელი ხმაურით ეხეთქებოდა
სანაპიროს. ამან ტიმი ისე ააღელვა, ყეფა დაიწყო.
– ჩუმად, ტიმ, – ხელი მოუთათუნა მას ჯორჯმა, – შინ დავ
ბრუნდით და ახლა ისევ დამჯერი და წყნარი ძაღლი უნდა გახდე,
თორემ მამა გაგიჯავრდება. მამა ძალიან ბევრი საქმე აქვს, დედა?
– ძალიან, – უპასუხა დედამ, – მაგრამ სანამ აქ იქნებით, ძალი
ან ცოტას იმუშავებს. გადაწყვიტა, თქვენთან ერთად ისეირნოს
ხოლმე, ან როცა გამოიდარებს, ნავით იცუროს.
ბავშვებმა ერთმანეთს გადახედეს. ძია კვენტინი საუკეთე
სო თანამგზავრი ნამდვილად არ იყო. მას იუმორის გრძნობა
საერთოდ არ გააჩნდა და მაშინაც კი, როცა ბავშვები სიცილით
ჩაბჟირდებოდნენ ხოლმე (რაც დღეში ოცჯერ მაინც ხდებოდა),
ხუმრობის არსს ვერაფრით იგებდა.
– როგორც ჩანს, არც ისე მხიარული არდადეგები გვექნება,
თუ ძია კვენტინი აპირებს, მთელი დრო ჩვენთან ერთად გაატა
როს, – უჩურჩულა დიკმა ჯულიენს.
– ჩშშშ, – გააჩუმა ძმა ჯულიენმა, ვაითუ ბიცოლა ფანიმ გაი
გონოს და ეწყინოსო.
– ოჰ, დედა! მამა ჩვენთან ერთად მაგრად მოიწყენს... და ჩვენც
მაგრად მოვიწყენთ მასთან.
ჯორჯი ძალიან გულახდილი იყო და ენაზე კბილის დაჭერას
ვერაფრით ახერხებდა. დედამისმა ამოიოხრა.
– ასე ნუ ლაპარაკობ, ძვირფასო. ვფიქრობ, მამაშენს მალე
მობეზრდება თქვენთან ერთად სეირნობა. მაგრამ ცოტა ხანს
ახალგაზრდებში ტრიალი ნამდვილად არ აწყენს.
8
– მოვედით! – წამოიძახა ჯულიენმა, როცა ორთვალა ძვე
ლი სახლის წინ გაჩერდა, – კირინის კოტეჯი! უჰ, ბიცოლა ფანი,
როგორ ზუზუნებს ქარი მის გარშემო!
– ჰო. წუხელ საშინლად ხმაურობდა, – დაეთანხმა ბიცოლა
ფანი, – ჩვენ ბარგს ჩამოვიღებთ და შენ კი ორთვალა უკან გაა
გორე, ჯულიენ. აი, ბიძათქვენიც მოდის დასახმარებლად!
სახლიდან ძია კვენტინი – მაღალი, ჭკვიანური გამომეტყვე
ლების მქონე, მაგრამ შუბლშეჭმუხნილი კაცი გამოვიდა. ბავშვებს
გაუღიმა და ჯორჯსა და ენის აკოცა.
– მოგესალმებით კირინის კოტეჯში! – თქვა მან, – ძალიან
მიხარია, რომ თქვენი მშობლები სხვაგან გაემგზავრნენ, ენი, და
ისევ ჩვენთან დარჩებით!
მალე ყველანი მაგიდის გარშემო ისხდნენ და სადილობდნენ.
ბიცოლა ფანი მათ ყოველთვის გემრიელი სადილს ახვედრებდა
ხოლმე, რადგან იცოდა, რომ მატარებლით ხანგრძლივმა მგზა
ვრობამ ძლიერი მოშივება იცის.
როგორც იქნა, ჯორჯიც დანაყრდა, სკამის საზურგეს მიეყ
რდნო და გაიფიქრა, რომ ჩამდიოდეს, დედაჩემის გამომცხვარ
კიდევ ერთ გემრიელ ფუნთუშას სიამოვნებით შევჭამდიო.
ტიმი მასთან ახლოს იჯდა. წესით, სადილობისას, მისთვის
საჭმელი არ უნდა მიეცათ, მაგრამ გაგიკვირდებათ, იმდენი გემ
რიელი ლუკმა აღმოჩნდებოდა ხოლმე მისთვის მაგიდის ქვეშ!
სახლის გარშემო ქარი ზუზუნებდა. ფანჯრები ზანზარებდა.
კარი ირყეოდა. ორპირი ქარი ჭილოფებს წამით წამოსწევდა და
ისევ ძირს აგდებდა.
– ჭილოფების ქვეშ თითქოს გველები დაიკლაკნებიან, – შენიშ
ნა ენიმ.
ტიმმა კი ჭილოფებს შეუღრინა. ის ჭკვიანი ძაღლი იყო, მაგრამ
მაინც ვერ ხვდებოდა, ჭილოფები ასე უცნაურად რატომ მოძ
რაობდნენ.
– იმედია, ქარი ამაღამ ჩადგება, – თქვა ბიცოლა ფანიმ, –
9
წუხელ თვალი არ მომახუჭინა. ჯულიენ, ძვირფასო, გამხდარი
მეჩვენები. ბევრს მეცადინეობდი? უნდა გაგასუქო.
ბავშვებმა გაიცინეს.
– ვიცოდით, რომ ამას იტყოდი, დედა!..
ჯორჯს სიტყვა ძლიერი ბრახუნის ხმამ გააწყვეტინა, რომე
ლიც სახურავიდან მოისმა. ყველა შეკრთა და გაშეშდა. ტიმმა
ყურები დაცქვიტა და დაიღრინა.
– სახურავს კრამიტი ასძვრა, – მიხვდა ძია კვენტინი, – ამო
ვიდა უკვე ყელში! ქარი რომ ჩადგება, მორყეული კრამიტები
დავამაგროთ, ფანი, თორემ წვიმა ჩამოგვივა.
ბავშვები ფიქრობდნენ, რომ ნასადილევს მათი ბიძა, როგორც
ყოველთვის, თავის კაბინეტში შეიკეტებოდა, მაგრამ ამჯერად
იმედი გაუცრუვდათ. მათ კარტის თამაში უნდოდათ, მაგრამ ძია
კვენტინთან ერთად აზრი არ ჰქონდა – ისეთი მარტივი თამაშიც
კი არ გამოსდიოდა, როგორიცაა, მაგალითად, სნეპი.1
– პიერ ლენუარს თუ იცნობთ? – იკითხა უცებ ძია კვენტინმა
და ჯიბიდან კონვერტი ამოიღო, – მგონი, ეს ბიჭი შენი და დიკის
სკოლაში სწავლობს, ჯულიენ.
– პიერ ლენუარი?.. აჰ, თქვენ ალბათ შავტუხას გულისხ
მობთ, – გაახსენდა ჯულიენს, – დიახ, იგი დიკის კლასელია.
– „შავტუხა“? ასე რატომ უწოდებთ? – გაუკვირდა ძია კვენ
ტინს, – რა სულელური სახელია!
– რომ გენახათ, ასე არ იტყოდით, – სიცილით უთხრა დიკ
მა, – ძალიან შავგვრემანია! თმა მურივით შავი აქვს, თვალები
ნახშირის ნატეხებს მიუგავს, წარბებიც, გეგონება, ნახშირის
ფანქრით მიახატეს შუბლზეო. თან გვარიც ისეთი აქვს, ლენუარი
ხომ ფრანგულად „შავს“ ნიშნავს.
– დიახ. ასეა. მაგრამ „შავტუხას“ შერქმევა მაინც მეტისმე
ტია! – თავი გადააქნია ძია კვენტინმა, – მოკლედ, ამ ბიჭის
მამასთან კარგა ხანია, მიმოწერა მაქვს. ის და მე ერთი და იმა
1
ერთგვარი თამაში კარტით
10
ვე სამეცნიერო საკითხებით ვართ დაინტერესებული. სხვათა
შორის, ჩემი თხოვნით, იგი ჩვენთან ჩამოდის. თავის ბიჭსაც
წამოიყვანს და რამდენიმე დღით დარჩება.
– მართლა? – გაუხარდა დიკს, – შავტუხასთან არ მოიწყენს
კაცი, მაგრამ უნდა გაგაფრთხილოთ, ძია: ნამდვილი გადარეუ
ლია. არასდროს არავის უჯერებს, მაიმუნივით ყველგან დაცო
ცავს და ზოგჯერ საშინლად თავხედია. არა მგონია, მოგეწონოს.
ეს რომ მოისმინა, ძია კვენტინმა ინანა, მისტერ ლენუარს
შვილის წამოყვანაც რომ შესთავაზა. მას არც გადარეული ბიჭები
უყვარდა და მით უმეტეს, არც თავხედები.
– ჰმ, – მან წერილი გადადო, – ნეტავ ჯერ თქვენთვის მეკითხა
აზრი, ბიჭებო, სანამ მამამისს თავისი ვაჟის წამოყვანას ვურჩევ
დი... მაგრამ იქნებ გადავაფიქრებინო.
– არა, ნუ გადააფიქრებინებ, მამა, – სთხოვა ჯორჯმა, რომელ
საც მოეჩვენა, რომ შავტუხა ლენუარი სულაც არ უნდა ყოფილი
ყო ცუდი ბიჭი, – ჩამოვიდეს. ჩვენთან იცხოვრებს, აქაურობას
ცოტათი გამოაცოცხლებს!
– ვნახოთ, ვნახოთ, – ჩაილაპარაკა მამამისმა, რომელსაც
გულში უკვე გადაეწყვიტა, რომ თუ ის ბიჭი გადარეული და თავხე
დი იყო, თანაც ყველგან დაცოცავდა, კირინის კოტეჯში არაფრის
დიდებით არ გაეჭაჭანებინა. ჯორჯის ცელქობები არ ეყოფოდა,
კიდევ ვიღაც ეშმაკის ფეხი რომ არ მოეყვანა მის წამქეზებლად?!
დაახლოებით რვა საათზე, ბავშვების გასახარად, ძია კვენტინი
თავისი კაბინეტისკენ გაეშურა.. ბიცოლა ფანიმ საათს შეხედა.
– ენის ძილის დროა, – თქვა მან, – და შენიც, ჯორჯ.
– მხოლოდ ერთ ხელ სლეპჯეკს1 ვითამაშებთ, დედა! მოდი,
ყველამ ერთად ვითამაშოთ! – შეეხვეწა ჯორჯი, – ეს ხომ ჩვენი
პირველი საღამოა შინ. თანაც ასეთ ქარიშხალში მაინც არ დამე
ძინება! გთხოვთ, დედა... ერთ ხელს ვითამაშებთ, მერე დასაძი
ნებლად წავალთ. აგერ, ჯულიენი უკვე ამთქნარებს!
1
ერთგვარი თამაში კარტით
11