Order of Mass For The Burial of Adrian Batista Ayile-1

Order of Mass
For
The Burial of
Adrian Batista Ayile
Born: 09th July 1952

Died: 07th July 2022
Azapi Chapel, Azapi Zone,

Otumbari Parish
Animated By:
Mary Queen of Heaven Celestial Choir – Yumbe
09TH July 2022
PRELUDE
OPI YEZU KINI MA GERI NI

Chorus:
Opi Yezu kini ma geri ni, e'yo addari, vini edri ni. (x2)
I ka ma lee ra, 'i 'du musalaba midri, mi emu ma vuti obi.
(x2)
1. Karile la, emi nga a'dö te ya?
'Diri eceta Adro ni ama lezö ri. (x2)
2. Ezoanzi la emi nga a'dö te ya?
3. Kristiani la emi nga a'dö te ya?
4. 'Ba woro la emi nga a'dö te ya?
MA 'YE MU MA AYIA NEE

1. Ma 'ye mu ma Ayia nee, Maria ma andri alari,
aku ayiko niria asi anzurö be.
Chorus:
Oru 'bua 'dale, ma 'ye mu eri ne. (x2)
2. Ma 'ye mu ma Ayia nee, ma asisile eri 'di,
kutaa ma esu eri be, e'yo madri lö 'di.
3. Ma 'ye mu ma Ayia nee, eri ma tamba zzu zzu,
a ka acii eri be, ma avini alö 'de kö.
1|Page Order of Mass for the Burial of Adrian Batista Ayile - 9th July 2022
4. Ma 'ye mu ma Ayia nee, eri 'bua 'dale ci,
o'di ma ongo alari, eri inzizö ba.
DRANI ECA AMA VÖ OGUO LE

Chorus:
Dra o'du di ama 'ba de 'bo, eri eca ama vö oguo le,
'ba jizö oru Adro vö. (x2)
1. Kristiani la, (Kristiani) ezitaa si (addarö)
ama dra nde okpo si ra. (x2)
2. Karile la, (karile ) ezitaa si (addarö)
3. Ezoanzi la, (ezoanzi) ezitaa si (addarö)
4. Agupi la, (agupi) ezitaa si (addarö)
MA NGA MU OPI MA MÖKE NDRE

Chorus:
Ma nga mu Opi ma möke ndre,
ma nga mu Opi ma möke ndre. (x8)
1. Opi ni aza be, 'ba 'ini 'dii ma rua,
ma nga mu Opi ma möke ndre, Adro ma akua.
2. Opi ni aza be, eza'ba a'izö,
ma nga mu Opi ma möke ndre, o'du asizö ria.
3. Opi ni aza be le 'ba dria ma fi 'bua,
ma nga mu Opi ma möke ndre, tualö 'ba ala 'dii be.
4. Opi ni aza be edri fezö 'ba dri,
ma nga mu Opi ma möke ndre, pari ayiko niria.
ENTRANCE
AMA ANGÖ DRIA ANI'BOO NI

Chorus:
Ama angö dria 'doa ani' boo ni, aku amaniri oru 'bua. (x2)
1. Kristiani la, dra ati 'i ama rua 'bo,
ama a'i Opi Yezu ni fo. (x2)
2. Kristiani la dra ni ama oce kile tile,
3. Kristiani la dra ni eca ama vö oguo le,
4. Kristiani la dra o'du di ama 'ba de 'bo,
OPI LA, MI MA OMVE

Chorus:
(Opi la,) Opi la mi ma omve, (Ee, Yezu,)
Yezu ni ma omve ni,
(ma a'i ra,) ma a'i ra onzi közö,
ma a'i ra Kristo ma vuti obizö. (x2)
1. Ini ma alea, ma eri o'duko Opi dri, Kristo ni ma omve ni. (x2)
2. Ini ma alea, ma diza Opi dri nee, Kristo ni ma omve ni. (x2)
3. Ini ma alea, ama inzii Adro amadri, Kristo ni ma omve ni. (x2)
4. Le ama enga mbele, anzöö eri vö ani,
Kristo ni ma omve ni. (x2)
5. Ini ma alea, ama inzi Adro ni, Kristo ni ma omve ni. (x2)
KYRIE
ADRO LA IKO MA AZA

1. Adro la iko ma aza leta mini marua risi.
Aza mi niri si e'du eza ta mani 'dira.
Chorus:
Adro la iko ma aza mani eza risi, ma eza 'bani. (x2)
2. Opi Yezu ama owu mi vu ama ni eza mi rua risi.
Aka tro eza mi rua ra tti mi adi ama ku opi la.
3. Ama woro angu dria 'dii Opi Yezu emu ama eto zu.
Ama oga eza ama dri 'dii ovu zu Adro ma anzi ru.
GLORIA
RUKUZA MA OVU ORU

Chorus:
Rukuza ma ovu oru Adroni (Adroni)
Rukuza ma ovu oru Adroni. (x2)
1. Vini asindriza angu dria ba muke dini. (x2)
2. Ama mi epi, ama mi ru oku,
ama mi ru, ama mi ru ecu.
3. Ama mini awadinia ‘yo mi runi ku turi si.
Opi Adro ambo bu dri, Adro Ata okpo ‘ipi.
4. Yezu Kristo Opi mva aduleri.
Opi Adro kabilo mva Adro dri mva Ata ni ri.
5. Eza angudri dupiri iko ama aza,
eza angudri dupiri mi a’i ezi amadri.
6. Mi ripi Ata madri addariari iko ama aza.
Mi ala mi ‘i mi Opi mi ‘i, mi ndepi mi ‘i.
7. Yezu Kristo tualu Orindi Alari be,
inzita Adro Ata ni ria. Amen, A-men.
FIRST READING
2 Maccabees 12:43-46
O’duko engaapi Buku Irizö Makabei ni ria ri.
Yuda ovööpi dricere Israeli dririrö ri oköö robia a’di’ba ‘ivele
‘dii vö kalafe ni ni cazö ogogo mele efifi elifö iri ‘dipi, fe di eri
jii Yeruzalemeaa owitaarö ezataa eivele ‘dii ma ti ofezö.
Yuda ede e’yo ‘dii ‘dini agbaru erini alezö egataa ‘ba odraapi
‘bo ‘dii driri si ra risi. Ka te alee egataa ‘ba odraapi ‘bo ‘dii driri
si köö, eri te ovöö orodri kokorö ‘bani ezizö ‘ba odraapi ‘bo
‘dii ma orindi si.
Orataa Yuda vele okporö orodri ‘ba Adro vele a’itaa be odraapi
‘bo ‘dii ni nga esule ri ma dria ri fe erini ani owitaa ezataa ti
ofezö ri owizö ‘ba odraapi ‘bo ‘dii ma orindi etozö ni.
E’yo Opi driri ‘di.
RESPONSORIAL PSALM
RESPONSORIAL PSALM
OPI NI MA OCEEPI NI (Psalm 23)
Chorus:
Opi ni ma ocepi ni afa azi mani lele ni yo. x2
1. Fe ma ovö angö eribi be kaca ria, eri ma ji yi mvu abuale ni.
2. Eri ma adriko ega 'dani, eri ma fee e'yo kililirö ede 'ima ru si
ni.
3. A ka tro ali a'bu mudderö ni alea si tti, ma orini afa azini kö,
a'dösikö Opi madri ma be ci.
4. Mi ma tri odö si kpili mi 'i, mi okelea maniri,
e ga ewa si tre linga linga mi 'i.
5. Möke pi asi mökeri ma vuti obi edri mani o'du vö o'du vö
'doni.
6. Ma nga ovö, Opi dri akua, 'dani 'dani edri maniri alea.
SECOND READING
Acts 10:34-43
O’duko engaapi ‘Yetaa Ojio ni ria ri.
Petro e’do di e’yo nzee kini: “A va curu’do ra kini, Adro ma
opendu yo. Agu eri enziipi vini e’yo kilili erini lele ri edeepi ra
ri, Adro ni eri a’i ra, agu nde katetro engaa suru ngoni ni ma
alea ra tti. Adro ece e’yo ‘iveleri ‘ba Israeli dri ‘dii ni; ‘di o’duko
asianzu ni Yezu Kristo Opi afa woro driri ni ejile ri ‘i.
E nii e’yo röedeepi Yudea e’dozö Yoana ni batisimo ma e’yo
embazö Galilea risi ri ra. E nii e’yo Yezu Nazaretia ri ma dria ra.
Adro fe andra erini Orindi Alari pi okpo be ra. Adro ni ovözö
eri be ci risi, Yezu aci pari woroa azi möke ‘dii ngazö vini ‘ba
ovööpi sitani ma palaa ‘dii ma rua atizö. A nee azi woro erini
edele angö Yudei dri ria vini Yeruzalemea ‘ba ovööpi ma be
‘dii pie tualö ri ra. Ama opataa erini patialaza rua ri ma
ndremaazirö. Adro enga eri o’du na ma vutia ra, te feni eri nee
‘ba woro ni kö, pe lö ndremaazi Adro ni opele driorö ‘dii a’dule.
Ama bele ‘ba eri neepi ra ‘dii. Erini engazö dra ma alea ‘bo ria,
a nyaa ta, a mvu vini afa mvuza eri be ra. Azi amani e’yo ‘dii
nzezö ‘ba ‘ivele ‘dii ni vini olözö eini kini Adro ope eri e’yo lizö
‘ba woro edri vini odraapi ‘bo ‘dii ma dria. Profeta woro nze
andra e’yo erima dria kini: ‘Ba woro Yezu ni a’iipi ra ‘dii ma
ezataa ni nga rö‘duu erima ru si ra.”
E’yo Opi driri ‘di.
GOSPEL ACCALAMATION
E’YO ETOTAA DRI RI

1. (Bass) E’yo ‘diri eri e‘yo adaru ni tandi tandi. (×2)
Chorus: (E ‘yo) e’ yo ‘diri ovupi ama etozo ri,
e‘yo etotaa driri tandi tandi. (×2)
2. (Bass) Opi Yezu ni Etopi ama driri eri nga emu ra. (×2)
3. (Bass) O’du eca ‘bo emi eri adripika Yezuni edri fee ni. (×2)
GOSPEL READING
Matthew 25:1-13
E’yo engaapi Evanjelio Mateo ni sii ni ria ri.
Yezu olö e’yo o’beza ‘di ‘ba ‘ima vuti biipi ‘dii ni kini: Kari ‘bu
niri kile ezoanzi mudri tara ‘duupi muzö ezio a’izö rile. Eima azi
tau ‘dii azazarö, te azi tau ‘dii milembarö.
Ezoanzi azaza ‘dii ‘duu tara eivele ‘dii ra, te jiini odö azini te ‘da
ma rua endi kö, te milembarö ‘dii ‘duu tara eivele ‘dii ra, ‘duu
vini odö azini te ‘da ma rua lu’bu si endi. Ezio ni ecazö mbele
kö risi, o’du e’do ei o’bee kpere eini o’du koo ria.
Eniayii, jirili ezio ejizö ri eku ra kini: Ezio eca ‘bo, emi emuu eri
a’ii.
Ezoanzi mudri ‘dii enga o’dua risi ra, e’doo tara eivele ‘dii otöö
ngonde. Ezoanzi azaza ‘dii ‘yoo milembarö ‘dii ni kini: Emi efee
amani odö emiveleri ma azi, a’dusikö tara amadri ‘dii ‘yee
enyuu.
Te omviki kini: “Odö ‘do econi cazö amani emi pie kö, e muu
kanisi jee ‘ba oziipi ‘dii vö.” Eini muu odö jee ria, ezio nga ecaa
ra. Ezoanzi tau milembarö ‘dii fii joa omu nyazö, ‘ba opi di jotile
ci. ‘Di ma vutia, ezoanzi te azaza ‘dii egoo vele ‘yoo kini:
Amboo, amboo, e zi amani jotile fo! Te omvi eini kini: A’yo
emini, a nini emi kö. Emi ma ovöö mile be mgbo; a’dösikö e
niini o’du no etu Opi ni emuzö ri kö.
Evanjelio Opi driri ‘di.
PETITIONS
AMA MATU ‘BA MIVU

(Ama matu ‘ba mivu) Adro la mi eri ama o’duko
‘ba pa zö, onzi ma alea. (x2)
OPI LA AMA WU MIVU

Opi la ama wu, mivu asi adda si mi eri ama o’duko,
aza mini risi e’du onzi ama vele ri, etru ama endi fo. (x2)
AMA A’I MI OPI OPI AMADRI

Ama a’i mi Opi Opi amadri, x2
Opi Yezu I ko ama aza. (x2)
OFFERTORY
AMA NGA 'YE NGONI?

1. Ama eza'barö ama nga 'ye ngoni? Fizö Adro Ata ma akua.
Chorus:
Le ama ma a'i Opi Yezu ni eri nga di ama eto ra, eri geri
fizö 'buari.
2. Ama eza'barö ama nga 'ye ngoni? Adro ni nezö ama mile si.
3. Ama eza'barö ama nga 'ye ngoni? Oya Adro Ata ni esuzö.
4. Ama eza'barö ama nga 'ye ngoni? Ayiko 'buari esuzö.
10 | P a g e Order of Mass for the Burial of Adrian Batista Ayile - 9th July 2022
5. Ama eza'barö ama nga 'ye ngoni?
Röemözö Adro ama Atii be.
6. Ama eza'barö ama nga 'ye ngoni? tiecizö Adro ama Ati be.
KARI ‘BU DRI RI CA ANGUDRIA ‘BO.

Chorus:
Kari ‘bu driri e ca angu dria ‘bo
ka ri e’yo adda vini Etotaa dri
(Emi emu tualo Opi vu O pi vu kari Adro niri eca ‘bo) ×2
1. (‘Ba alio ru di) Drileba drileba Ee (‘Ba alio ru di) Drileba
drileba Ee
(‘Ba alio ru di) Drileba drileba kari ‘bu niri e’i ni.
2. (‘Ba candi ni pi ri) Drileba drileba Ee (‘ba candi ni pi ri)
Drileba drileba Ee
(‘Ba candi ni pi ri) Drileba drileba ‘ba nga e’i asi ondri ra.
3. (‘Ba asi egbe ri) Drileba drileba Ee (‘Ba asi egbe ri) Drileba
drileba Ee
(‘Ba asi egbe ri) Drileba drileba e’i nga angu nya ni.
4. (‘Ba e’yo ada tepi) Drileba drileba Ee (‘Ba e’yo ada tepi)
Drileba drileba Ee
(‘Ba e’yo ada tepi) Drileba drileba e’i nga api ra api ra.
5. (‘Ba aza be ri) Drileba drileba Ee (‘Ba aza be ri)
Drileba drileba Ee
(‘Ba aza be ri) Drileba drileba e’i nga a za e-su ra.
6. (‘Ba asi ala ‘di) Drileba drileba Ee (‘Ba asi ala ‘di) Drileba
drileba Ee
(‘Ba asi ala ‘di) Drileba drileba e’i nga Adro ni ne ra.
7. (‘Ba ndri e’yo ede pi ‘di) Drileba drileba Ee (‘Ba ndri e’yo ede
pi ‘di) Drileba drileba Ee (‘Ba ndri e’yo ede pi ‘di) Drileba
drileba ba nga e’i omve Adro ma anzi.
8. (‘Ba ‘ba ni enza ‘di) Drileba drileba Ee (e’yo ada si di) Drileba
drileba Ee
(‘Ba ‘ba ni enza ‘di) Drileba drileba kari ‘bu niri e’i ni.
YEZU KINI MA GERI NI

1. Opi Yezu ece amani geri fizö 'Bua ri. x2
Chorus:
Yezu kini ma geri ni, E'yo addari vini edri 'dani ri 'i. (x2)
2. Opi Yezu ede pari 'bo 'ba 'ini 'dii jizö. x2
3. 'Ba Yezu ni a'iipi ra 'dii, ei nga fi 'Bua ra. x2
4. 'Ba Yezu ni a'iipi kö 'dii, ngani fi 'Bua 'de kö. x2
5. Yezu kini, 'ba ma a'ii Adro ni, eri 'ba ama paapi ri. x2
6. Kristiani la, Opi Yezu ni, ama omve jizö 'bua. x2
HOLY
MI ALARI
Chorus:
Mi Alari Ee, Mi Alari Ee, Mi Alari Ee, Mi Alari. (x2)
1. Opi mi Adro wudrikuru ri, Mi alari. (x2)
2. ‘Bupi angu be ga kuta midriri si tre, Ozana. (X2)
Ozana ee, Ozana eee, Ozana ma ovu ‘bua. (x2)
3. Awa’difo ‘ba emuupi Opi ma rusi rini, Ozana. (x2)
OUR FATHER
LE MINI RI ATA MA EDERU

Chorus:
Le mini ri Ata ma ede ru, angu dria kile ‘bua ri le. (x2)
1. (Ama Ata) ama Ata ‘bu-ua ri, ('bama inzi), ‘ba ma inzi mi-ru,
(Kari mini) kari mini ma emu ni, Angu dria kile ‘bua ri le.
2. (I fe amani) I fe amani andru, (Enya Amani) enya mani taa ri,
(I ku Amani) I ku amani mari amadri, Ama dri 'dii ku ri le.
3. (I ji ama) I ji ama obeaku, (Mi eto kani)
mi eto kani ama afa onzi ria,
(Afa onzi) afa onzi ria Opi la, E’yo onzi 'dii ku zö beni.
LAMB OF GOD
KABILOMVA (s:-.m:s|dI:-.t:l |s:-.l:s|m:-:-)

1. Kabilo Mva Adro dri eza angudri ‘duupiri iko ama aza. x2
Iko ama aza, iko ama aza, iko ama aza, iko ama aza, iko ama
aza. x2
2. Kabilo Mva Adro dri eza angudri ‘duupiri iko ama aza. x2
Iko ama aza, iko ama aza, iko ama aza, iko ama aza, iko ama
aza. x2
3. Kabilo Mva Adro dri eza angu dri ‘duupiri ife ama ni. x2
Ife amani, ife amani, ife amani, ife amani asi egbe fo. x2
HOLY COMMUNION
MY FAITH HAS FOUND A RESTING PLACE

1. My faith has found a resting place not in Device nor creed,
I trust the ever living one this wound for me shall plead.
Chorus:
I need no other argument, I need no other plead,
It is enough that Jesus died and that he died for me.
2. Enough for me that Jesus died this ends my fears and
doubts, if sinful soul I come to him he’ll never cast me out.
3. My heart is living in the word, the written word of God,
Salvation by my saviors’ name, salvation through his blood.
4. My great physician heals the sick, the lost he came to save,
For me his precious blood he shade, for me his life he gave.
MA EGATAA NI
Chorus:
Ma egataa ni vini edri ni, 'ba ma a'iipi ri ka draa ra tti,
eri nga ovö edrirö 'dani, Yezu 'yo ni. (x2)
1. Yezu enga Lazaro ni, dere Lazaro dra 'bo,
ovö bilea o'du su enga edrirö.
2. Yezu enga Jairo ma mva, dere mva nderi dra 'bo,
Yezu enga eri ra, enga edrirö.
3. Yezu ati 'ba kakau, azo ndöndö be 'dii,
Yezu mi ati eza amadri, ama eza'ba ni.
OTHER SONGS
EMI A'I ERIMA ORINDI

Chorus:
Emi a'i erima orindi fezö Adro oru tö ri ma dri alea fo! (x2)
1. 'Ba ala Adro dri 'dii la, emi arirö erima azako fo.
Malaika Opi dri 'dii la, emi arirö drifuzö eri be fo.
2. Kristo andra mi omveepi ri ma 'du mi 'inirö fo.
Malaika ma ce mi dri ovözö Abramu ma dri alea fo.
3. Opi la i fe erini avaliza 'dani 'dani ri.
I fe emve okoopikö ri ma di erini.
GOD BE WITH YOU

1. God be with you till we meet again by his councils’ guide,
uphold you, with his sheep securely fold you;
God be with you till we meet again.
Chorus:
Till we meet, till we meet, till we meet again at Jesus’ feet;
Till we meet, till we meet, God be with you till we meet
again!
2. God be with you till we meet again! Neath his wings securely
hide you, Daily manna still provides you; God be with you
till we meet again.
3. God be with you till we meet again! When life’s perils thick
confound you, put his arms unfailing round you; God be
with you till we meet again.
4. God be with you till we meet again! Keeps love’s banner
floating o’er you,
Smite death’s threatening wave before you! God be with
you till we meet again.
DRATAA YEZU KRISTO DRI OSUTAA RU

Chorus:
Drataa Yezu Kristo dri osutaa ru;
e’yo ru edepi o’du ‘da si ‘di osuta ru (adda),
E’da Yezu ni Adro ma mva ru. (x2)
1. Etu ka mu ca oromi ‘bo, Yezu nga tre okpo si (Eli)

Eli la’ba sabatani, efini kini: Adro mani ri,
Adro mani ri, mi adi ma ya a’dusi ya?
2. Angu nga ’bii inibi cici, esude etu ca di (ca di)
oromi ‘dipi ‘bo. Yezu kini: Ata afe ma
orindi mi dria, Yezu elu dri vaa ‘de di ra. (x2)
3. Askari ambo ka mu e’yo di nee’bo (nee ‘bo)
osu ani tu, nga tre okpo si kini: ‘diza ma ovu Adroni
addaru ‘diri dere Adro ma mva ni adda. (x2)
4. Bongo orijo ma ale alizuri asi ‘i (asi ‘i )
agandua engazu oru kpere ele, asi ‘i trotro,
‘ba e’yo ‘dii neepi ra ‘dii ndremaazi adda ri ru. (x2)
5. Nyadri ‘ba odraapi ‘bo ‘di driri onzi eima ti ra, (ti ra).
‘Ba Adro ni oriipi andra odraapi kakau ‘dii
enga edri ru, e’yo nderi osutaaru tu. (x2)
LE ‘BA MA OPA ERI PATIALAZA RUA

1. Yezu Kristo esu andra candi ambörö,
Pilato fe eri co ra tedi o’bi ri otre kini:
le ‘ba ma opa eri patialaza rua.
Chorus:
Etu kamu ca oromi angu nga bi inibiricici;
Yezu kini: e’yo de ‘i ‘bo, nga ‘di ‘de ra. (x2)
‘ba tru bongo eri dri te, ‘beki bongo eka ru ni
eri ma rua, be kanzu eri dri jeke si. (x2)
‘ba owi tusu eri rua, ‘ba ede vini eri ra,
‘ba osa eri, pa oci eri dria ci. (x2)
‘ba so agate ni aju si, waraga eri tozu ri
‘ba si drile nia; ‘di opi Yudei driri ‘i. (x2)
ATA A FE MA ORINDI
Chorus:
Ata a fe ma orindi mi dria. (x2)
1. Adro la ama adripi (amvupi) azini dra ra
ama ovö ani candi ambori si.
2. Katetro ovö andra eza'ba ni tti,
e ko eri ma aza ezi amadri si.
3. Batisimo erini andra kole risi
ma ovö ani 'bua anzi midri 'dii be.
4. Adro la, candi paria i fe erini
ayiko ndeepi midri 'buari.
ORINDI ALARI CE YEZU MA DRI (Mt 4:1-11)

Chorus: Orindi Alari ce Yezu ma dri,
o'du kali su o'a roko dria. (x2)
1. Yezu ovö abiri si tö, sitani emu eri vö ra,
kini: “I ka adri Adro ma Mva, mi oja oni 'diri mugatirö.”
2. Yezu omvi sitani ma tia, “Buku Adro niri 'yo 'dini,
'ba edrini lö mugati si kö. E'yo Adro niri edri fee ni.”
3. Sitani obe Yezu ni, Yezu ga e'yo dria erini si,
sitani nga eri kö ra, malaika emu di eri aza ko.
4. I ko ama aza Opi Yezu, obetaa dria ma alea,
sitani katro ama obe ra tti, e kö ama kö, mi ovö ama be.
DRA MA EWA AMBA AMBA

1. Kristiani, (Kristiani) emi emu Yezu vö (x2)
Chorus:
Dra ma ewa amba amba
emi emu Yezu vö (x2) (mayee).
2. Karile 4. Agupi 6. Mbaza la
3. Ezoanzi 5. Okö la 7. Oköaka
ADDA ADDA MA EDE ONZI

Chorus:
Adda adda ma ede onzi, a'di Yezu Opi,
eza mani amboo risi, aso erima asi.
Mi emu mbele, mi emu mbele, mi emu Etopi nee.
1. Ondi era arirö Getsemani amvu a.
2. 'Ba co eri alo rua, 'ba ede ani eri ra.
3. 'Ba co drini oci si, oci so drini ra.
4. Patialaza nziza ji, kpere kalvarioa.
5. Yezu mi leepi tö ri 'i, eri mi ndaa ria.
6. Mi enga mile oru 'bua, e ne Yezu dra 'bo.
'BA MA GA EZATAA MATÖ SI
1. 'Ba ma ga ezataa matö si,
Adro mi pataa 'ba driri 'i.
Chorus:
Ama aza ma ko mi ci, ma ko mi ci Opi la.
2. Adro Etopi 'ba driri,
Adro aza be 'dani ri 'i.
3. Adro mi egataa 'ba driri,
'di o'du aza Opi dri esuzö.
YEZU 'DU MUSALABA

1. Yezu 'du musalaba ezataa amani si. (x2)
Chorus:
'Ba ma a'i a'itaa; 'ba ma 'yee 'yetaa,
'ba ma lee letaa ava si;
Opi Yezu e'da amani geri 'bu niri. (x2)
2. Yezu nga e'yo omvii 'ba owööpi 'dii ni.

Emi owö ma si kö, emi owö emi si.
3. Yezu 'du musalaba ama lezöri si. (x2)
4. Ama 'du musalaba amadriri letaa si. (x2)
LE AMA MA NGA AZI ADRO NI
Chorus:
Le ama ma nga azi Adro Ata ni
eri nga ama ofee ra fo. (x2)
1. Ama ka candi nya azi eridri si tti
le ama ma ora kö eri nga ama ofee ra.
2. E ne Adro efe amani Etopi
ama etozö eza ma alea.
3. Le ama ma nze ava nyaku ma dria ra
nyaku ovöni amani kö.
OPI MI E'DA ASI NDRIZA MINIRI (REPENNTANCE)

Chorus:
Opi mi e'da asi ndriza, miniri ama rua,
ama enga mile mi vö oru, ama ale grasia midriri si (x2).
1. Candi amani 'dii alea, mi adi ama kö,
mi onze ama eza alea risi te, mi oji ama alarö.
2. A 'ba matö eza amani 'dii si, ama mi zii mi eri ama.
'Ba ndra Ninevea 'dii niri le, mi e'da aza miniri ama rua fo.
3. Abiri amani taa vini emvo amani 'baa 'dii,
mi eja mile vini bile, miniri ama vö, mi ama Etoopi 'i.
4. Ama eza ra Opi Yezu, te ama ale grasia vini
letaa angiri mini drazö, patialaza dria ama si ri ma dria.
5. Drataa mini patialaza dria, vini ari alatararö
miniri eco ama etozö, candi angiri eza ni ejile 'dii alea ni.
YEZU KRISTO E'YO MINIRI
Chorus:
(Yezu Kristo),
e'yo miniri ma efi ngani enzo li alöani 'de kö.
1. 'Ba e'yo mini a'iipi ra 'dii, ei nga fi 'bua ra,
a'dösikö mi si e'yo nderi 'Buku mini alea.
2. 'Ba e'yo mini gaapi si 'dii, ngaani fi 'Bua kö,
3. 'Bu pi angö be ei nga ei de ra,
te e'yo mini de'i 'de kö,
ACI MUZÖ 'BUARI

Chorus:
Aci muzö 'buari ma drilea,
mi emörö Opi Yezu be. (x2) (Yezu be)
1. Mi emörö eri be, (x2)
mi emörö Opi Yezu be. (Yezu be)
2. Mi eserö eri vö, (x2)
mi eserö Opi Yezu vö. (Yezu vö)
3. Ama ogaa eza, (x2)
ama ogaa eza amadri fo. (amadri fo)
4. Yezu ni nga egoo ra, (x2)
Yezu ni nga egoo ra e'yo lii. (e'yo lii)
5. Kutaa ma ovö Ata ni, kutaa ma ovö Mva ni,
kutaa ma ovö Orindi Alari ni. (Alari ni)
ALLELUIA, EGA RA
Chorus:
Alle, Alleluia Alleluia Alleluia.
1. Ama woro ayiko zöö,
Adro nde ega ra, Alleluia.
2. 'Ba asi alarö 'dii,
emi ariirö Yezu vö, Alleluia.
3. 'Ba asi aza be 'dii,
4. 'Ba asi emvö be 'dii,
5. 'Ba candi taapi 'dii,
6. 'Ba abiri be 'dii,
YEZU EGA RA
Chorus:
Yezu (Yezu) ega (ega) ega dra alea (x3)
eri tu oru fi 'bua ra. (x2)
1. Yezu 'ba ama paapi ri, ei fu ndra eri ra (x3)
2. Yezu 'ba ama paapi ri, ei 'ba eri 'bilea. (x3)
3. Yezu 'ba ama paapi ri, rii di ogua dria. (x3)
4. Yezu 'ba ama paapi ri, ede pari amadri. (x3)
5. Yezu 'ba ama paapi ri, nga emvi nyakua. (x3)
O'DU VELE ASIZÖRI SI

Chorus:
O'du vele asizö risi, Yezu ni nga mu e'yo li,
'ba dria alö alö ma dria, azi eridriri vösi.
1. Eri nga 'ba a'itaa be 'dii, ofi Adro Ata ma akua,
pari ayiko ni ovözö, asikokorö ria.
2. Eri nga 'ba a'itaa koko 'dii, dro aci okopikö ri alea,
pari candi ni ovözö, asikokorö ria.
3. I ko ama aza Opi Yezu, ama woro eza'ba ni,
e'du eza amani 'dii fo, i ji ama 'bua endi.
WUDRIKURU MA NGO ALLELUIA
Chorus:
Opi Yezu egara ega kutaa amborö be (a-dda)
wudrikuru ma zu (ma zu) ayiko amboru eri si (eri si)
ama ngo erini Allelluia Allelluia. (×2)
1. Kristo egara o'du na ma vu tia (kile) erini ndra ‘yo rile.
2. Egata ma vutia kodri mu Galilea (mu ra) E’da ru ojjio ni ra.
3. Ama ega endi eza amadri alea (Kristiani)
ama ovu ani onzi koko.
4. Ama eku eri ma ru ande kokoru (a ni ra) Eri Opiru amani ta.
5. Wudrikuru ma oyu ambo eri dri ma e ‘yo (guka si)
kutaa amboru ma ovu erini.
6. Egata eridriri amani etotaa ru (adda ru) ango erini Allelluia.
ALLELUYA O PI AMADRI RI EGA ‘BO.

Chorus:
Alleluya Opi ama dri ri ega ‘bo (nde dra ma okpo pi
ezataa be ra) (tenor) adda (All) Alleluya! Alleluya! nyadri
Opi driri mgbo. (×2)
1. Egata ‘di ece okpo Adro Atani ri, Ata edri fepi ‘ba ni ri. (×2)
Maria (Ma ria) Madelena (na) esu oni ‘buu kalatia. (×2)
2. Egata ‘di ece Yezuni Adro ma mva ni,
Etopi emupi ama papi ri. (×2)
Malaika (Diza) ‘yo kini (ni) emi ‘ba edri ndaa nya dria ya? (×2)
3. Egata ‘di nzi amani geri fizu ‘bua ri ra

Ama nga kutaa Adro dri nee ra. (×2)
Petrö nzu (nzu ongu) Yoana be (be)
esu bongo emve ri a‘dule. (×2)
4. Egata ‘disi e‘yo andra ondri ri eca ‘yeke
Profeta Adro dri vusi ri. (×2)
Ndri ma o (ndri mao) vu emi be (be)
emi ndrema azi adda ri. (×2)
ALLELUIA OPI YEZU EGA ‘BO

Chorus:
(Bass) Alleluia Opi Yezu ega ‘bo (All) Alleluia Opi Yezu ega
ra Alleluia, Alleluia, ayiko amboru tu (Opi) Yezu ni ega ‘bo
ri si (a ngo) Alleluia (ango) Alleluia (ango) Alleluia Opi
Yezu ega’ bo Alleluia. (×2)
1. Sabiti ma o‘biti si angu ni nga ovuzu biza ru ria ‘di,
Maria Madelena pi fuu mu nyadria avu rua tri zu. (×2)
2. Eini cazu nyadria ‘bo ria Malaika e’da ru,
‘yo eini kini Opi ega ‘bo eri mu Galilea le ‘da. (×2)
3. Oku ‘dii nga egu vele e‘yo ‘di oluzu Ojjio eini,
coti Petrö pi Yoana be nga dri ko nzu nyadria le ra. (×2)
4. Yezu e‘daru Ojjio ni ‘yo kini, ndri ma ovu emi be,
e‘da ei ni ‘i ma dri, pa vini ejesi ecezu ‘I ega ‘bo. (×2)
AMA MA NGO ALLELUIA
Chorus:
Ama ma ngo Alleluia (ama ma ngo) ama ma ngo
Alleluia (alleluia)
Opi Yezu ega ‘bo nde dra ma okpo ra. (×2)
1. Oni ‘bani nyadri tile opizu ri gu i ra,
Opi ma avu ‘daa ‘yo nyadri eri piri ni. (×2)
2. Oku emupi avu ma rua tri pi ‘dii,
ri angu ne ‘bilea ori bi e’i tu. (×2)
3. Malaika iri bongo emve be ‘dii ‘yo eini
Opi Yezu ega ‘bo Eri mu Galilea le ‘da. (×2)
4. Oku olu e‘yo nde ri Ojjio eini,
Petrö enzu ongu si ne ra, a’i vini ra. (×2)
OPI YEZU MI EDE NYADRI DRIA ALARÖ

Chorus:
Opi Yezu Kristo amaniri o'du na mini
o'azö 'bilea 'di si mi ede nyadri dria alarö. (x2)
1. I fe ma adripi ka la 'bilea ti, a'i kini ei nga
mu egaa dika kile mile endi.
2. I fe ama ne imve midriri, kari mini ovözö
'dani 'dani asi kokorö risi.
3. Opi Adro aza midrisi, 'ba edri pi a'itaa si
'dii nga mu o'a mi be 'bua endi.

Order of Mass For The Burial of Adrian Batista Ayile-1

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Order of Mass For The Burial of Adrian Batista Ayile-1

Uploaded by

Copyright:

Available Formats

Order of Mass

Born: 09th July 1952

Azapi Chapel, Azapi Zone,

OPI YEZU KINI MA GERI NI

MA 'YE MU MA AYIA NEE

DRANI ECA AMA VÖ OGUO LE

MA NGA MU OPI MA MÖKE NDRE

AMA ANGÖ DRIA ANI'BOO NI

OPI LA, MI MA OMVE

ADRO LA IKO MA AZA

RUKUZA MA OVU ORU

E’YO ETOTAA DRI RI

AMA MATU ‘BA MIVU

OPI LA AMA WU MIVU

AMA A’I MI OPI OPI AMADRI

AMA NGA 'YE NGONI?

KARI ‘BU DRI RI CA ANGUDRIA ‘BO.

YEZU KINI MA GERI NI

LE MINI RI ATA MA EDERU

KABILOMVA (s:-.m:s|dI:-.t:l |s:-.l:s|m:-:-)

MY FAITH HAS FOUND A RESTING PLACE

EMI A'I ERIMA ORINDI

GOD BE WITH YOU

DRATAA YEZU KRISTO DRI OSUTAA RU

1. Etu ka mu ca oromi ‘bo, Yezu nga tre okpo si (Eli)

LE ‘BA MA OPA ERI PATIALAZA RUA

ORINDI ALARI CE YEZU MA DRI (Mt 4:1-11)

DRA MA EWA AMBA AMBA

ADDA ADDA MA EDE ONZI

YEZU 'DU MUSALABA

2. Yezu nga e'yo omvii 'ba owööpi 'dii ni.

OPI MI E'DA ASI NDRIZA MINIRI (REPENNTANCE)

ACI MUZÖ 'BUARI

O'DU VELE ASIZÖRI SI

ALLELUYA O PI AMADRI RI EGA ‘BO.

3. Egata ‘di nzi amani geri fizu ‘bua ri ra

ALLELUIA OPI YEZU EGA ‘BO

OPI YEZU MI EDE NYADRI DRIA ALARÖ

You might also like