KELUARGA MBAH MAN

Isuk isuk Mbah Man lenggah ana ngarep omah , kepingin tolek hawa seger . Putune Mbah Man
pada arep budhal sekolah kabeh .

Prast : Mbah

Mbah Man : Ana opo le ?

Prast : Salim Mbah , kula badhe bidhal sekolah .

Mbah Man : Oh , iyo le ( nyalimi putune )

Prast : Sangune Mbah

Mbah Man : Waduh , gak duwe duwek leh

Prast : Owalah , nggeh pun tak budhal sekolah mbah

Mbah Man : Yowes , budalo le , Ati – ati yo

Mari putu pertama seng jenenge Prast , saiki adik e Prast seng jenenge Zamroni kate budhal sekolah

Zamroni : Mbah

Mbah Man : Lapo le , njalok sangu ta ? (rodok moreng)

Zamroni : Mboten mboten Mbah , kula arep salim tok

Mbah Man : Owalah , Yowes yowes (nyalimi putune )

Zamroni : Mbah , Mas sampun budhal ta ?

Mbah Man : Wes

Zamroni : Loh , selok telat aku iki engkok . Assalamu’alaikum ( karo melayu )

Mbah Man : Wa’alaikumsalam ( karo geleng geleng )

Sakmarine tolek hawa seger , Mbah Man mlebu omah . terus ndelok putune seng ke 3 yaiku
jenenge Saldo gopoh karo bingung.

Mbah Man : Ndoleki opo ,do ?

Saldo : Niki loh Mbah , sepatuku ilang

Mbah Man : Takono bapakmu kono loh

Akhire Saldo takon bapak’e karo bengok bengok

Saldo : Pak , Bapak (karo mbengok)

Bapak ( Alif ) : Lapo lo le bengok bengok iku ?

Penulis : Muchammad Farid Akbar

Saldo : Iki loh pak sepatuku gaonok , sampean eroh ta sepatuku ?

Bapak (Alif ): Dolekono nisor e mejo kono loh , be’e onok.

Akhire Saldo nemu sepatune

Bapak ( Alif ) : Onok tah le sepatune ?

Saldo : Nggeh Pak (Karo nggawe sepatu ) , kula tak budhal sek ( Karo salim).

Assalamu’alaikum

Bapak ( Alif ) : Wa’alaikumsalam

Amarga Anak e Mbah Man seng wes duwe anak 3 seng Alif prei kerjo . Akhire Alif dandani lawang
karo bojone ngresik omah .

Mbah Man : Prei kerjo tah lif ?

Alif : Nggeh , Pak

Bojone Alif : Didamelaken kopi tah pak ?

Mbah man: Iyo , Nduk

Bojone Alif : Oh , Enggeh pak ( Mlaku njopokno banyu putih)

Mbah man : Mlebu kerjo maneh kapan le ?

Alif : Mbenjeng pak

Bojone Alif : Niki pak monggo diunjuk

Mbah man : ( nyruput kopi )

Jam setengah wolu , akhire anake mbahman seng ke 2 budhal kerjo

Mbah Man : Budhal kerjo tah le ?

Rifky : Enggeh , pak

Mbah man : Wes sarapan tah ?

Rifky : dereng , pak

Mbah Man : Lapo gak Sarapan ?

Rifky : Engken mawon , pak . teng kerjo an

Mbah Man : Owalah , yowes ati –ati

Rifky : (salim nang bapake) , Assalamu’alaikum

Mbah Man : Wa’alaikumsalam

Mari bedhug , kancane Mbah man ngejak mancing

Penulis : Muchammad Farid Akbar

Gok Kin : Man , Ayo Mancing

Mbah Man : Panas panas ngene kin

Gok Kin : Ayo wes , alasan tok ae

Mbah Man : pancet ae kelakuanmu . ayo wes

Gok Kin : Aku tak nyeluk wak kaji sek

Gok Kin marani wak kaji , seng lagi jagongan ana ngarep umah

Gok Kin : Wak Kaji

Wak Kaji : Lapo Kin ?

Gok Kin : Ayo Mancing , Ji

Wak kaji : Ambek sapa ?

Gok Kin : Ambek , Man

Wak Kaji : Ayo Tok wes ( karo semangat )

Gok Kin : Tak enteni nang omahe Man

Gok kin akhire mbalek maneh nang omahe Mbah man , Gak suwe titik Wak Kaji wes teko

Wak Kaji : endi man iki? , kok dorong metu

Gok Kin : Lah Mboh , Salin ae cek suwene

Rodok suwe titik Mbah Man metu

Mbah Man : Halo , Teman – teman , Ayo Berangkat

Wak Kaji : Ayo wes , Ngenteni awakmu tok suwe Man

Akhire wong telu mau mlaku budhal Mancing nang bunderan , pas nang perjalanan wong telu mau
nyritakno masa cilike biyen . mari nyritakno masa cilik e akhire wong telu mau wes totok panggon
mancinge yoiku nang bunderan

Mbah Man : Wihh , wes suwe gak mancing nang kene

Wak Kaji : Iyo , wes kangen aku

Gok Kin : kandani kok , nek tak jak mancing iku gelemo

Wak Kaji : Kakean omong awakmu , Kin . Wis ndang mancing

Akhire wong telu maeng njegurno pancinge

Mbah Man : Sampean nggawe umpan opo , wak kaji ?

Wak Kaji : Yo cacing , Man . gak kober tuku jangkrik , digupui solikin maeng

Penulis : Muchammad Farid Akbar

Gok Kin : Loh , kok paleh aku seng kenek

Mbah Man : Wes – wes , Aku tak pipis sek (karo ngangkat pancinge )

Wak Kaji : Budalo kono , selok ngompol

Sakwise setengah jam , Mbah Man mbalik maneh

Mbah man : Wes oleh a ?

Gok Kin : Mboh Man , ket maeng gaoleh oleh iki, gak koyok biyen

Wak Kaji : Walah , Banyune wes tercemar iki

Mbah Man : Yoweslah , Tak cobak mancing maneh

Gak suwe pancinge Mbah man Abot , Koyokane onok seng nyangklot

Mbah Man : Loh … Loh …. Loh , Pancingku abot

Gok Kin :Nyangklot iku man , tariken terus

Wak Kaji : Iyo Man , Ndang Tariken seng kuat

Moro – moro seng kecantol mau metu

Prayitno : Waduh , opo – opoan iki

Mbah Man : Loh , Kok nggondhol awakmu , Yit

Gok Kin & Wak Kaji : (Ngguyu sampek ngakak)

Prayitno : Aku Mbabuti suket kok sampean pancing , Yak opo seh sampean mbah

Mbah Man : Sepurane yit , Gaero

Gok Kin : Mangkane talah man , nek mancing di delok sek

Prayitno : Lah , Nggeh mbah Mbah Man iku

Wak Kaji : Awakmu ket cilik ,yo ngono iku man

Mbah Man : Sampean sek eleng ae wak kaji

Prayitno : Aku pale ke sengget ngene iki

Mbah Man : Iyo yit , Sepurane Yit . Sepurane

Tibake wes jam 4 sore , Wong telu mau ringkes – ringkes

Wak kaji : Loh , wes jam 4 bro , Ayo mbalik

Gok Kin : Loh , Nggeh ta Ji ?

Wak Kaji : Iyo , Kin

Mbah Man : sektalah wak , dorong oleh iki

Penulis : Muchammad Farid Akbar

Wak Kaji : Awakmu nek mancing , Yo mancing dewe . Aku tak mbalik karo Solikin

Gok Kin : Yowes , tinggal ae

Akhire Solikin karo Wak Kaji Mbalik , Pas mlaku moleh , Moro-moro Mbah Man mbengok

Mbah Man ; Woy … ( karo mbengok) , Entenono aku ( karo gopoh)

Wak Kaji : Kon iku , Pancet ae Man , Ndang cepet

Mbah Man : (Mlayu marani Wak Kaji karo Gok Kin)

Pas moleh wong telu mau nyritakno mancinge maeng , Pas wes totok omahe Mbah Man . Akhire
Gok Kin karo Wak Kaji moleh nang omahe dhewe - dhewe .

Penulis : Muchammad Farid Akbar