“EDUARDO AVAROA”

MAMA YACHAYWASI

AYSIRI UMANMANTA

YACHACHIQ: Eliodoro Taca Martínez

YACHAQAQKUNA: TAWA ÑIQI
YACHAYKAMAY: KAWSAY PACHAKAMAY
WATA: 2023

P’utuqsi – Bolivia Suyu

AYSIRI UMANMANTA
Ñawpa pachapi Jatun Ayllu toropalqaqa kimsa chunka suqtayuq ayllukuna
tiyapurqa. Chantapis kay aylluqa Nor chichas japiynin cotagaita municipio ukhupi
tarikun. Maypi sapa wata Carnaval raymi kan.
Kay raymiqa unaypachamanta Toropalqa ayllupi aparikun ,maypi tukuy ayllukuna
tusunanku kaq nin. Unaypachamantaña qhichwa runakuna kay ayllupi tiyakunku,
Chanta juk runa tata Janchu nisqa. P’utuqsi llaqtaman ch’usarqa nin. Chantataq
kutimusaspa tutiyaykuchikusqa , Maypi juk kunkata uyarisqa nin. (Tanta Janchu.Tata
Janchu nispa)
Tata Janchutaq mancharisqa kutichisqa ajinata : Pitaq parlamuchkan ,ñuqaqa
wasiyman kutipuchkani ama phiñachiwaychu, kunitantaq maqachkaykiman,¿ maypitaq
kachkanki? Kunkataq kutichisqa ajinata : Ama mancharikuychu ? kay larq’a pataman
jamuriy nisqa.
Kaymantataq tata Janchuqa risqa ,maypi, ulalap khichkapatapi, juk runa umata
tarispaqa. Umataq nisqa ajinata: Imaynalla tanta janchu ñuqa kani aaa Tata Santiago,
Rirqani llamk’arikuq, kutipusaspa khichkawan ap’iykuchikuni aaa, ama jina kaychu
kacharichiway ,q’ayataq juk iwata apanpuchkayki nispa nisqa .
Tanta Janchutaq kacharichisqa, Chantataq umaqa nisqa: Pachi pachi Tata Janchu.
Amapuni pimanpis kunan tutamantaqa willankichu. Q’aya p’aqarillanmanta jamusaq
juk iwata apanpusayki nisqa.
Tata jachutaq kutichisqa ajinata: Ama p’utikuychu tata Santiago , q’ayaqa wasillapi
kasaq. Ajinata kacharichiytawanqa Tata Janchuqa wasiman chayapusqa. Q’ayantintaq
kusisqa Tata Janchuqa suyasqa : Inti chayamuchkantawanqa Tata Santiago juk
uwijata q’ipirispa chayasqa.
Tata Janchuqa waturisqa : Imaptin umallayqi qayna tuta kachkarqa. Tata Santiago
kutichisqa ajinata: Ñuqaqa layqap runa kani aaa chanta tuta tutatalla purini aaa . Tata
Janchu Amapuni amapuni nipiman willankichu nispa nisqa. Chaymatataq Tata
Janchuqa chay p’unchaw pacha wasinpi uwijata mikhurkukusqa nin.
Kay jawariyta Tata Janchuqa wawankunaman willarisqa, wawankunataq
wawankunaman. Ajinanamanta kay jawariy mana chinkananpaq, uma chakuna tiyan..

Yuyay
- Kay jawariy llamk’aywanqa riqsichiyta munayku ,mana kay yachaykuna
chinkananpaq.

Pachi.