Pluviophile - dikush që është I dashuruar pas shiut
Gjithmonë më pyesin se përse e dua kaq shumë shiun. Përse gjej
komfort në lagështinë e arjit dhe se përse një dukuri kaq e zymtë arrin të me bëjë të ndihem kaq mirë dhe kaq të lumtur. As vetë nuk e shpjegoja dot ne fillim, kur të gjithë prisnin diellin të dilte dhe të shndrriste , unë shpresoja qe pikëza te ftohta uji të zbrisnin lart nga qielli. Mendoja se si vrazhdësia e qiellit dhe rrugët e lagura e aq te ftohta ,cuditërisht më bënin të ndjeja një ngrohtësi që as në ditët më të nxehta të korrikut nuk e ndjeja. Por tani besoj se e kuptoj përse. Më ka pelqyer gjithmonë shiu pasi tregon që edhe natyra ka nevojë te qajë ndonjëherë, me ka pëlqyer sepse ishte ai moment , nën pikat e shiut e trupit të qullur qe ndihesha me pranë se kurrë me natyrën. Ndonjëherë më duket se njeriu është I ngjashëm me natyrën më shumë sec dëshiron ta pranojë… Shiu bie nga qielli sepse retë nuk mund ta përballojnë më peshën, e lotët rrezohen sepse zemra nuk mund ta përballoj më dhimbjen. Në qoftë se je mjaftueshëm I vëmendshëm do të arrisht të dëgjosh sekretet që rrëfejnë pikat e shiut; lajmërimin se cdo gjë do të rregullohet dhe se dhimbja e trishtimi që ndjejmë është pjesë e te jetuarit. Nuk ka vit pa shi e stuhi ,ashtu si nuk ka edhe jetë pa dhimbje e mërzitje. Është shiu ai që I bën lulet të rriten dhe jetën të gjallërojë, është ai qe sjell ylberin shumëngjyrësh. Shume e urrejnë shiun ,por ai e bën ditën më të paqte, na shpërqëndron nga zërat brenda kokës, dhe na ben te ndihemi më pak vetëm… e cfarë mund të them tjetër? Jam thjesht nje pluviophile. Dea Cenkaj