THULAGANYO YA DITIRAGALO-PAPETLANA

 Mo toropong ya Lobatse go lelwapa lwa ga Rre le Mma Seaparo. O nale bana ba le

babedi e leng Masilo le Mosamarea.
 Rre Seaparo o tshela ka go rekisa maši go tshedisa ba lelwapa lwa gagwe.
 Ke botshelo jwa a neng a bo simolola morago ga go boa kwa ntweng ya bobedi.
 Ke lelwapa le le lebegang le tshela ka kagiso ka jaana fa Rre Seaparo a ipaakanyetsa go
ya go rekisa, Mma Seaparo o mmaakanyetsa metsi a go tlhapa ga mmogo le go ja.
 Gape fa a boa, o fitlhela metsi a go itsholola sethito le dijo.
 Kwa Goodhope go ne go na le lelwapa lwa ga Rre Mogogodi le mosadi wa gagwe
Mmanthoi.
 Lelwapa le ke lelwapa le le sa iketlang, lebaka e le mosadi wa ga Rre Mogogodi yo o
matlho-matlho. Mmanthoi ke motho yo go lebegang a rata madi thata.
 Rre Mogogodi le mosadi wa gagwe ba na le ngwana yo gotweng Semakaleng.
 Semakaleng o feditse sekole se se botlana mme o tsena kwa Seepapitso kwa a setseng a
le mo mophatong wa boraro.
 Kgwebo ya ga Rre Seaparo e lebega e dira sentle mo a dirang mokhukhunyana go direla
kgwebo ya bone teng.
 Rre Seaparo o na le tsala nngwe ya rre wa mosweu o gotweng Panesar e ba kopaneng
kwa ntweng.
 O ne a tla go nna le ba lelwapa la gagwe mo Botswana morago ga go tlotlelwa ke Rre
Seaparo ka lefatshe la Botswana.
 O na le kgwebo ya go rekisa ditlhobolo. Lebentlele la gagwe le bidiwa Cash Store.
 Mosamarea ke motho yo o senatla yo o tshelang ka go nna a thusa batsadi ba gagwe
kwa kgwebong.
 Mosadimogolo mma Seaparo o setse a itapetse ka jalo Mosamarea o nna a ya
madirelong go thusa rraagwe.
 Lengwe la malatsi fa a ya madirelong jaaka gale o kopana le basimane bangwe ba batla
go mo tlhasela.
 O thusiwa ke lekau lengwe le le neng le bidiwa Mokgothu.
 Mosamarea le Mokgothu ba felela ba ratana morago ga tiragalo e.
 Mmaagwe Semakaleng o bintsha rraagwe Semakaleng go sa lele sepe ka marato a a
utlwalang a a dira.
 Mongwe wa ditsala tsa ga rre Mogogodi o mmolelela fa Mmanthoi a ratana le mongwe
wa barutabana yo o nnang mo Goodhope, mme rre Mogogodi ga a dumele seo.
 Semakaleng ene kwa Seepapitso o tlhoka tsebe mme dingongorego di goroga kwa
botsading motsotso le motsotso.
 Rraagwe fa a mmotsa o nna a latola a re barutabana ga ba mo rate.
 Mmaagwe ( Mmanthoi) o nna ka go nna a mmuelela a re rraagwe o a mo tshwenya.
 Rraagwe o tsaya tshwetso ya go ya sekoleng( Seepapitso) go ya go itseela ka tsebe,
mme o fitlha a fitlhela dikgang tse di fetang tse a neng a di latetse.
 O fitlhela gotwe Semakaleng kwa ntle ga go tlhoka tsebe, o ratana le monna mongwe yo
a nang le kgwebo mme monna yo a nyetse.

1
 Sekole se lekile ka bojotlhe go rarabolola kgang e mme Semakaleng o a ganetse. Go
lebega Semakaleng a rata madi thata fela jaaka mmaagwe ka jalo rre yo o dira dikeletso
tsa gagwe.
 Mmaagwe Semakaleng o laletsa Rre Maseka (monna yo a ratanang nae) go tla mo
gagwe ka a ne a ithaya a re Rraagwe Semakaleng ga a na go boa.
 Rra Semakaleng o boa bosigo mme o fitlhela baesekele ya ga Rre Maseka fa lwapeng la
bone,ke gone jaanong a gakologewang mafoko a tsala ya gagwe.
 O feta a bofelela baesekele ka lethale mme go sa lemotshege.
 Fa a kokota, Mmaagwe Semakaleng morago ga go lemoga e ke ene o leka maretshwa a
gore Rre Maseka o tla tswa jang mo ntlong.
 Ka bomadi-mabe, rraagwe Semakaleng o tshwara Rre Maseka morago ga gore baesekele
e mo dige, o mmetsa mo go botlhoko.
 Baagisanye batla go thusa seemo mme ba mo kopa go emisa ntwa.
 Fa ba setse ba leka go robala, rraagwe Semakaleng o lemoga fa Rre Maseka le mosadi
wa gagwe ba tlhakanetse dikobo ka go bona sekausu.
 Fa a botsa mosadi, o mo tlhokela maitseo mme se se gakatsa rra Semakaleng, o betwa
ke pelo a bo a betsa mma Semakaleng.
 Mma Semakaleng o leka go itwela mme ga go thuse sepe ka rra Semakaleng a mo
fekeetsa. Batho ba tla go thusa.
 Mma Semakaleng a boela gae ka dikgobalo tseo tse di masisi.
 Monnamogolo Semane e leng rraagwe Mmanthoi o utlwile botlhoko e bile a supa fa a ne
a sa rate lenyalo la teng. Ba isa mmaagwe Semakaleng bookelong.
 Kgwebo ya ga Rre Seaparo e godile ebile ba simolola go aga lebentlele la Ntletsetletse.
 Mma Semakaleng o tsamaela ruri ga a sa tlhole a boela kwa lwapeng la gagwe. Rra
Semakaleng le ene ga a mo tlhole le gone go a go mo tsaya ga a go dire.
 Mma Semakaleng o tswelela ka go ratana.
 O bolawa ke koloi a na le rre mongwe wa molaodi.
 Semakeleng o gola jalo ka go rata madi jaaka mmaagwe.
 O eletsa go ka nyalwa ke moruti ka o utlwile bana ba sekole ba re moruti ke mongwe wa
batho ba ba humileng, ka o tsaya koleko yotlhe e e dirwang mo kerekeng.
 Mokgothu o eletsa go nyala Mosamarea.
 Lebotana la lebentlele la Ntletsetletse le eme ka dinao.
 Mmaagwe Mosamarea o tsenwa ke bolwetse jwa kgotlholo e tona mme o a tlhokafala.
 O tlhokafala jaana a tlogela lenyalo la ga Mosamarea le baakanyediwa ka jalo go raya
gore monnamogolo o tla le baakanyetsa a le nosi.
 Se se dira gore a gakologelwe mafoko a ga Mma Seaparo a gore o ne a sa kgore monna
yo o neng a tla nyalang Mosamarea e leng Mokgothu.
 O ne a tlhalosa fa Mokgothu a lebega a na le bofereferenyana kgotsa bosula bongwe.
 Mosadimogolo o tlhokafetsa jaana a kopile rra Mosamarea go tlhokomela Ketshabile
(Masilo) le Mosamarea.
 Semakaleng a kopana le Rre Nthebolang fa Boatle a ya Lobatse.
 Rre Nthebolang ke moruti mme o kopa lerato mo go Semakaleng.
 Semakaleng o dumalana le rre Nthebolang. O dumalana le ene a ipolelela gore baruti ba
humile.

2
 Lebentlele la Ntletsetletse le a fela mme go dirwa moletlo wa go le ipelela.
 Mokgothu le Mosamarea ba a nyalana, ba nyadisiwa ke Moruti Nthebolang.
 Moruti Nthebolang le ene a felela a nyala Semakaleng.
 Boora Moruti Nthebolang le boora Mokgothu ke malwapa a a itsaneng.
 Mokgothu le Mosamarea ba segofadiwa ka bana ba le babedi e leng Tshiamiso le
Utlwanang.
 Moruti Nthebolang le Semakaleng ba segofadiwa ka morwa a le mongwe e leng
Tshokolo.
 Lelwapa la ga Mosamarea le a tia ka lorato le boitumelo.
 Mosamarea ke ene a tsogang phakela go baakanyetsa ba lelwapa la gagwe pele a ka isa
bana sekolong.
 O nna le kotsi a thulana le teraka mme bana ba tlhokafala botlhe. Ene a golafala thata a
bo a nna mo maibing dibeke tse pedi.
 Tiragalo ya kotsi e ama rraagwe Mosamarea thata mo le ene a felelang a tlhokafala.
 Rraagwe Mosamarea le bana ba ga Mosamarea ba a fitlhiwa mme Mosamarea ene a
robadiwa mo bookelong dikgwedi di le supa.
 Moruti Nthebolang o tshela ka go kgothatsa Mosamarea le Mokgothu.
 Mosamarea o ne a sule mhama mme se se raya gore o ka se tlhole a dira sepe mo
lwapeng le gone go ka tshela le Mokgothu a kopana le ene jaaka monna le mosadi.
 Moruti Nthebolang le mosadi ba tshela ka go tlhola ba bereka go omanyetsa
morwaabone Tshokolo ka go tlhoka go bereka le gone a sa iphe nako ya go ya go batla
tiro.
 Tshokolo, Mabe le Mokgethisi ke ditsala mme ba buisana ka go ya go thuba banka gore
ba utswe madi, (Banka ya Standard).
 Ba buisana ka gotlhe mo ba tla go tlhokang le gore ba tsaya dilo tseo.
 Ba dumalana go tsaya koloi ya ga Mabe mme Mabe gape a re o tla bona gore o tla ka
ditlhobolo.
 Tshokolo ene a re o tla bolelela batsadi fa a tla ba raya a re o ya go batla tiro.
 Ba dumalana go kopanela kwa ga Mabe ka Matlhatso.
 Ba a kgaogana mme fa Tshokolo a tsena kwa lwapeng pele fa Moruti Nthebolang a ka
omana,o mmolelela gore o ya go batla tiro kwa Gaborone.
 Moruti Nthebolang ka kgakgamalo o mmotsa gore o ya go nna le mang, o supa fa a tla
bo a ya go nna le mmangwaneagwe.
 Tshokolo o bua le rraagwe jaana mmaagwe a seo a santse a ile go tlhola Mosamarea.
 Mabe o tsena mo madirelong a ga Panesar bosigo mme o utswa ditlhobolo di le pedi le
marumo.
 Moruti Nthebolang o fokotsa go tlhola Mosamarea mme Semakaleng o tswelela ka go
nna a mo tlhola.
 Go tlhola Mosamarea ga ga Semakaleng go dira gore Semakaleng a nne le dikgatlhego
mo go Mokgothu, gape o gabile dikhumo tsa ga Mokgothu le Mosamarea.
 Mabe, Tshokolo le Mokgethisi ba diragatsa leano la bone la go thuba banka.
 Ba bolaya modisa dikago Rre Selosešwa ba bo ba sia ka madi. Ba mmolaya jaana go
lebaga e ne e se tumalano ya gore ba tla molaya.

3
 Rre Selosešwa e ne e le monnamogolo yo o dingwaga di masome a mane le botlhano.
 Rre Selosešwa o ne a fitlhwa ke moruti Nthebolang kwa kerekeng ya Wesele ntswa a ne
a sa e tsene, mme e le ka gore e rile a tlhokafala, a bo a bitsa Wesele fa a sena go
lemoga gore mongwe wa makolwane ke ngwana wa moruti wa kereke ya Wesele.
 Batho bane ba dumela gore Rre Seloseswa fa a bua ka Wesele o ne a raya gore a fitlhwe
teng.
 Ba sepodisi ba leka go batlisisa ka bogodu jo jwa go thubiwa ga banka mme ga ba bone
motlhala.
 Ba leka go ya le kwa mafelong a a bapileng le kwa tiragalo e diragaletseng teng mme
botlhe ke ba ba supang fa ba ne ba iphitlhile ba sa bona sepe.
 Semakaleng le Mokgothu ba simolola go ratana mme se se dira gore Mokgothu a seka a
fa Mosamarea lerato le tlhokomelo jaaka pele.
 Semakaleng ka a rata madi o lemogile gore Mokgothu o na le madi ka jalo o itse gore fa
Mosamarea a ka tlhokafala o tlile go a ja le Mokgothu.
 Mosamarea o lemoga gore Semakaleng ga a mo tlhole fela, ke ka gore o ratana le
Mokgothu.
 Mosamarea o lemoga le gore o kgona go laela a re o a tsamaya mme morago a boele mo
ntlong ya bone go bo go kopanelwa mo ntlwaneng e nngwe.
 Mosamarea ga a lemotshe boo-babedi gore o itse tomagano ya bone .
 Bo Tshokolo bone ba nna kwa logageng mme ga go ise nne le motlhala ope .
 Rre Samson Setilo ke ene a tshwereng kgang e ya bogodu jwa banka .
 Morago a bona emo tsenya dingalo, o e neela Masilo go batlisisa ka kgang ya teng .
 Mosamarea o utlwa puisano ya ga Semakaleng le Mokgothu ya go loga leano la go
mmolaya .
 Masilo o leka go ya kwa mafelong a Mokgethisi, Tshokolo le Mabe ba bonweng teng,
mme go supa go na le tomagano mo bathong ba ka boraro le go nyelela ga bone go
tshwana.
 Masilo le fa a ile go batlisisa kwa oteleng go supa gore koloi e e dirisitsweng e ne e
tsamaelana le ya ga Mokgethisi; gatwe e ne e duma jaaka ya mmadisefe .
 Kwa logageng, Mokgethisi o nna le monagano wa go ka bolaya Tshokolo le Mabe gore a
sale ka madi otlhe.
 Mabe o lemoga sengwe gore Mokgethisi okare o na le kakanyo nngwe. Mabe o ntsha
lerumo mo tlhobolong ya ga Mokgethisi mme o dira jaana a raya Mokgethisi a re ga a
batle diphoso. O ne a lemoga sengwe ka Mokgethisi. Bobedi jwa bone ga go yo ntshang
mosi ka sekhurumelo .
 Mokgethisi o dumela fa a ka kgona go bolaya Mabe mme pelo yaa gana ka a lebile gore o
tswa kgakala le ene.
 Dijo di a fela tsa bo Mokgethisi kwa logageng. Ba ya go bapa le logaga go tlhola gore a ba
ka bona sengwe sa go jewa.
 Tshokolo o longwa ke noga mme ba kgona go mo thusa ka go ntsha botlhole.

4
 Mabe o pokelwa ke monnamogolo Rre Seloseswa mme fa a tsoga mo maibing a ditoro,
ba mmotsa gore go rileng, ga a ba bolelele.
 Semakaleng le Mokgothu ba dumalane gore ba tla bolaya Mosamarea ka tsela e e
ntseng jang.
 Mosamarea o kwala lekwalo a kwalela kgaitsadie e leng Masilo ka fa a tlileng go swa ka
teng a bolawa ke Mokgothu le Semakaleng.
 O le neela Kgomotso yo e leng mothusi wa mo lwapeng, a bo a mo kopa go ya go le fitlha
kwa lebentleleng la Ntletsetletse le jaanong le tsamaisiwang ke Mokgothu.
 O kopa Kgomotso gore a seka a bua sepe ka lekwalo go fitlha a tlhokafala mme e bile a le
neele Masilo eseng ope gape.
 Semakaleng o kopana le Rre Thuso Mothobi yo e leng ramelao yo o itsegeng ka bokgoni
jwa gagwe kwa moletlong wa tsala ya ga Semakaleng.
 E re ntswa Mothobi a ne a na le dikgatlhego, a thijwa ke gore Semakaleng o ne a
nyetswe.
 Go na pula mme Mokgothu o lemoga fa Kgomotso a ka se kgone go tla lwapeng.
 O dirisa tshono e go dira maikaelelo a gagwe a go bolaya Mosamare.
 O itewa ke letswalo le le mmontshang gore se a batlang go se dira ga se a siama mme o
gatelela pelo go dira jalo.
 Mosamarea o lwala thata o tswa madi ka legano.
 O utlwa gore o tla tlhokafala mme o utlwa gore mongwe o tsamaya gaufi mo ntlong
mme se se mo nametsang pelo ke gore go tla nna le yo o mo phuthang fa a didimala
 Mokgothu o tla a dirile tee a tsentse dipilisi tsa ga Mosamarea ka bontsi. O fitlhela
Mosamareaa nyemakana mme Mokgothu ga a lemoge sepe.
 O mo pateletsa go nwa tee eo, a bo a mo feleletsa ka mosamo a mo kgama ka one.
 Mosamarea o a tlhokafala
 Masilo o tla mo lwapeng la ga Mokgothu mme go na le dilo dingwe tse o kareng di
belaetsa jaaka gore lebotlolo la dipilisi tsa ga Mosamarea di ile jang kwa ntlong ya
boapelo.
 O botsa Mokgothu gore ke eng go ntse jalo, mme Mokgothu o a o a tenega. Le ntswa
Masilo a na le dipelaelo o a itidimalela.
 Mokgothu o bolelela Semakaleng mme ba dumalana go ikela tlhoko.
 Mosamarea o a fitlhwa mme Kgomotso ga a kgone go bolelela Masilo ka lekwalo.
 Morago ga phitlho Mokgothu o ntsha babereki botlhe a re o ba file malatsi a boikhutso,
mme Kgomotso o ya gae a sa neela Masilo lekwalo.
 Masilo o tswelela a thusana le Rre Tlotse go batlisisa ka go thubiwa ga banka.
 Ka Masilo a ne a kile a ya kwa ga moruti Nthebolang ka kgang e, o boela teng gape .
 Semakaleng o setse a supa mo go Mokgothu gore o batla bontlha bongwe jwa madi.
 O tsaya tshwetso ya go tlhala moruti Nthebolang.
 O buelelwa ke ramelao Mothobi mme o bolelela Mothobi se e seng boammaaruri jaaka
gore moruti o ganne ba tshola bana ba bararo gape a re moruti ga a nne mo lwapeng .

5
 Go itsa gore moruti a seka a go ipuelela, o tsenya molao wa gore moruti a seka a kopana
nae.
 Masilo o fitlhela go le leswe mo lwapeng, moruti le ene a thunyeditswe. Go a bonala
gore ga a tsoga mo moweng. O tshologela Masilo ka ga tlhalo e Semakaleng a e batlang .
 Masilo o palelwa ke go dira se a se tletseng ka Tshokolo.
 Morago ga go gomotsa moruti , o ya go feta kwa lebentleleng la Ntletsetletse le jaanong
le neng le setse le Mokgothu.
 O fitlhela badiri ba bagologolo ba sa tlhole ba le teng mme go tsentswe ba baša.
 O ya go feta kwa ga kgaitsadie eleng Mosamarea go tlhola Mokgothu. O fitlhela
Semakaleng mme selo se sa mo gakgamatsa.
 O ipotsa dipotso tsa gore a Mokgothu o tlhadisitse moruti.
 Morago ga go buisana a botsa Semakaleng kwa Tshokolo a leng teng mme o araba ga go
latlhelela.
 O ba tlogela foo tlhaloganyo e sa iketla mme le bone ba ipotsa dipotso tsa gore a o itse
sengwe kgotsa nnyaa.
 Semakaleng a fudugela kwa Ramotswa go nna kwa mmangwaneaagwe.
 Tshokolo o fodile malomo a noga mme bo Mokgethisi ba batla go ya ko toropong go
utswa dijo. Ba kopa Tshokolo go sala mme a gana go sala a re o siame.
 Ba tla jaana ba sesole le mapodisi ba simolotse go tlala le toropo go lwantsha
borukhutlhi jo bo neng bo tseneletse banni ba Lobatse le metse e e mabapi.
 Ba tsena mo lebentleleng la Ntletsetletse, fa ba santse ba utswa masole a a ba bona ba
bo ba ba kganela. Mokgethisi le Mabe ba leka go itwela ka go thuntsha masole mme
masole a ne a le mantsi a ba feeketsa a ba bolaya.
 Tshokolo ene go utlwa se a tla a tsholeditse matsogo a kopa gore ba seka ba thuntsha.
 Lekwalo le Mosamarea a ne a le kwalela Masilo le a bonala fa gare ga dithini tsa dijo
morago ga gore bo Mabe ba di dige ba sena go thuntshiwa .
 Masilo o bala lekwalo mme o le fitisetsa kwa mogolwaneng wa masole a amegile.
 Masilo jaanong ke gone a bonang boammaaruri ka leso la ga kgaitsadie.
 Ba sepodisi ba tsaya Tshokolo go ya go tlhatlhelwa fa baswi (Mabe le Mokgethisi) ba
isiwa setsidifatsing.
 Masilo o tsamaya a patilwe go ya kwa ga Mokgothu. Fa a tsena teng a re o leba
Mokgothu, a betwa ke pelo a bo a palelwa ke go itshwara, a sena go mmontsha lekwalo.
 O betsa Mokgothu mme ba mo lesa a ikgotsofatsa pele ba ka mo tlhatlhela .
 Semakaleng o latelwa kwa Ramotswa mme ba mo fitlhela a na le ramelao Mothobi ba
letse mmogo ka mmangwaneagwe a ne a seo mo lwapeng.
 Semakaleng o leka go ikgakgamatsa fa Mothobi a mmotsa ka mafoko a gore o balaile
motho. Semakaleng o a tlhatlhelwa.
 Lebentlele la Ntletsetletse le a rekisiwa.
 Semakaleng le Mokgothu ba a seka; Semakaleng o atlholelwa dingwaga di le lesome mo
kgolegelong fa Mokgothu ene a atlholelwa leso.
 Tshokolo le ene o a seka a bo a atlholelwa dingwaga dile masome mabedi.

6
 Tshokolo o sokologile o itse Modimo e bile o ruta magolegwa a mangwe ka Modimo.
 Masilo a leboga tiro a bo a baya madi mo polokelong.
 Masilo o aga lebentle le leša kwa Molapowabojang.
 Mokgothu o a kalediwa.
 Masilo o nyala kgaitsadie Setilo yo o neng a itsege ka leina Matšhine