1.

MITELBO GITELKO
“To God be the Glory”
“Uni Bimungna kraa rasong Jihovanin ong·a ine aganbo.”
(Git.29:2)

Hymn No. 01. A·chik Ring·ani Git (New Version)

Hymn No. 45. A·chik Ring·ani Git (Old Version)

Doh is Ab.

1. Rasong ching Isolna Un ’p’lak kamrangna,

Mingnama gamrangko, Un ’patianina;
Kangja Detangkoba, an·ching paprangna,
Ojok janggin ’do·ga p’laknan napchina.

(Ring·taitaiani.)
Mitelbo Gitelko a·sak gam·chakchina,
Mitelbo, Gitelko jatrang katchachina;
Re·ba Gitelona Uko mitelna
On·bo rasong Una, Un ’p’lak kamrangna.

2. Re·ba Un ’nokona, Katchae mitelna

Sakanti ka·sroke dangdike on·na;
Rongtalna dakrang’ni, Jisun ’an·chio,
Brejok janggitangkon on·e chisolo.

3. Amsokja aganna, Un ’dal·a kamrang,

Niksokja katchaako manden ’ka·tongo;
Nambata, Rongtala, patianiko,
Imbo hai ra·chakna Gitel Jisuko.

********************************

2. MITELBO ISOLKO
“Praise to the Lord, the Almighty”
“Jehovako mitelbo... ang janggi” (Git. 146:1)

Hymn No. 05. A·chik Ring·ani Git (New Version)

Hymn No. 46. A·chik Ring·ani Git (Old Version)

Doh is G.

1. Mitelbo Isolko a·sak salgin ’Rajako,

Mitel ’O ang ’janggi, nang ’tangan ’jokataniko
Hai re·babo jongada, noabirang,
Ka·sroke mitelna Uko.

2. Mitelbo Isolko, p’lakkon sason ka·gipako,

Grangtango ganggope raki-simsakgipako;
Ua skatang on·a jeko chu·onga,
Niroke nang ’nangarangko.

3. Mitelbo Gitelko Uan nang·ko silroroata,

Salni sal ja·rike Un ’nang ’nama ka·sachaka;
B’laksranggipa nang·na maiko dakjawa,
Nang ’ripeng ka·sabegipa.

4. Mitelbo Gitelko, O janggi, Uko mitelbo

Rang·sitgipa p’lakan hai tubambo Un ’mikkango;
O manderang, intokbo Amen! Amen!
Katchae Uko olakibo.

********************************

3. MAIRONGPILE DA·LA NA·A!

“How Great Thou Art”
”Jehova Dal·a aro namen mitelgni ong·a” (Git.71:6)

Hymn No. 16. A·chik Ring·ani Git (New Version)

Hymn No. 54. A·chik Ring·ani Git (Old Version)

Doh is Bb

1. Nikon anga, Gitel, Nang ’ong·atarang,

Nang ’jakni kam, dil·dil ong·gnirangko;
Chanchion maikai dal·dalgipa a·arang;
Na·a ong·atjok algri bangbangniko.
Unon ang ’janggi ring·gen Gitelna,
Mairongpile dal·a Na·a!

2. Na·a aganon kimpretan ’randingachi,

Ba ding·karin balsrisri ku·rangchi;
Nikon anga riprapani nalsachi,
Ba a·brio sundaren ’rongrangchi.
Unon ang ’janggi ring·gen Gitelna,
Mairongpile dal·a Na·a.

3. Nikon seng·ao jringjrot Nang·ni rasongko,

Skobikrok chisolo Nang·ni dukko;
Ang ’tubama ka·bee Gitel nang·o,
An·chitang on·e sichakgipao.
Unon ang ’janggi ring·gen Gitelna,
Mairongpile ka·saa Na·a!

4. Jensal ’Gitel aramo re·bapilgen,

Rimdona sengenggipa “Namchikko”;
Unon Nang·mung salgio jringjrot dongpagen
Gitel, ang ’katchaa unon chu·sokgen.
Unon ang ’janggi ring·gen Gitelna,
Mairongpile dal·a Na·a!

********************************
 4. KA’SAA ISOL
“The Love of God”
“Oe jringjrotni ka·saanichi anga nang·na ka·saaha”

Hymn No. 49. A·chik Ring·ani Git (New Version)

Doh is D

1. Ka·saa Isol gamchatbata,

Tona amja mamung baksa,
Chubatsranga salginaba,
Norokni ka ma baknaba;
Dosgangrangba bama Una,
Uni Dean chejok,
Dos gnangrangde nangrimatjok,
Dosko kema ka·jok.

(Ring taitaiani)

Gamchata Isolni ka·saa, Amja p'lakba tona,

Jringirotan pangnan ong·china,
Sagrerang git ring•a.
2. Gitcham somoi badeango,
A gilsaknirang bon·mano,
P'lak manderang bi·na gualon,
Draani p'lakchin man·oba;
Isol ka·saan jringjrotnaba,
Amja p'lakba tona,
An chichi brejok p'lak jatko,
Sagrerang git ring•a.

3. Ong·genode sagal kali,

Salgiranga sechakani
A sak bolantian' pen gita,
Sakantian setimgipa;
Sena Isolni ka·saako,
Tipgen sagal kali,
indiba chakjawa sena,
Setokna un' ka·saa.

********************************

5. MITELA ISOL ANG' PIOKGIPANA

"Thanks to God for my Redeemer"
"Jihovako mittelbo maina Ua nama." (Git, 107: 1)

(Hymn No. 185. A chik Ring-ani (New Version)

Doh is Bb
1. Mitela ang' Piokgipana,
P'lak Nang' on·anirangna,
Gisik ra·atpilan somoina,
Jisu angmung dongana!
An·sengri ritimkarina,
Duk andalarangnaba!
Gualgimin mikchirangnaba,
Tom·tom ang jangginaba.

2. Mitela Nang knachakana,

Nang jechakarangnaba;
Chakbagimin balmikana,
P'lak nang' on·arangnaba!
Kusina saknarangnaba,
Duko ka dimeatna!
Mitela Nang' ka saanina
Amjawa p'lakba tona.

3. Mitela golap bibalna,

Cheksio bu·surangna!
Nokdangna aro walsamna,
Nama ka donganina!
Katchaana aro dukrangna,
Salgin tom·tomanina!
Knasalni ka·donganina,
Mitela jringirotona.

********************************

6. REBAA’, RE·BAA’, OE RE·BAA’

“Coming Coming, Yes They Are”
“Bang·en salaram aro saliramoni re·bae Salgini Songnoko tudengdalgen.”
(Mati. 8:11)
Hymn No. 439. A·chik Ring·ani Git (New Version)
Hymn No. 385. A·chik Ring·ani Git (Old Version)

Doh is G.

1. Re·baa’, re·baa’, oe re·baa’,

Chel·aoni chimongbaa’,
A·kawe a·brirangoni,
Neng·e sokbatokenga;
Jisu mandetang ’salenga,
Un ’Chisol draatenga.

2. Re·baa’, re·baa’, oe re·baa’,

Chel·aoni chimongbaa’,
Jat dal·a aro jat chona,
Jokatpila ’man·gimin,
Toksan dake re·baenga,
Kristochin nangrimgimin.
3. Re·baa’, re·baa’, oe re·baa’,
Chel·aoni chimongbaa’,
Chona, dal·a songrangoni,
Chibiman ’joka gita,
Chisolan u’mangni rasong,
Ring·chroe u’mang re·baa.

4. Re·baa’, re·baa’, oe re·baa’

Chel·aoni chimongbaa’,
Re·baenga pante me·trarang,
Me·apa me·chikmarang,
Ka·srokchime inchroenga,
Jisu chingko jokata.

5. Re·baa’, re·baa’, oe re·baa’,

Chel·beaoni chimongbaa’,
Salgisako gronggriktokgen,
Miteljringgen Kristoko,
Ring·chimtoke ka·srokbegen,
Gronggrikramo nalsao.

********************************

7. ISOL SIMSAKGEN NANG·NA

“God Will Take Care of You”
“Nang·ni re·ongkatako aro nang·ni napbaako Jihova rakkigen.”
(Gitrang 121:8)

Hymn No. 375. A·chik Ring·ani Git (New Version)

Hymn No. 279. A·chik Ring·ani Git (Old Version)

Doh is Db.

1. Isol simsakgen nang·na, ne da·ken,

Duk suko Uan nang·ko rakkigen;
Ka·sae nitimenga mandetangko,
Saksan brangchina watjawa nang·ko.

(Ring·taitaiani)
Isol simsakgen nang·na bon·kame
Paa piokgipa ripeng ong·e
Jisu aganchakgen nang ’okamon,
Uan simsakgen, ka·dongsrangbo Uon.

2. Isolan simsakgen salgimiko,

Rakkie nang·ni re·an ja·kuko;
Uan rakkigipa, nirikgipa,
Dile dedrangko tom·tom chiona.

3. Isol simsakgen nang ’tangaona,

Patie gipin amgijako nang·na;
Uan simsakgen nang ’salrang bon·on,
Un ’songnokna rimgen nang·ko unon.

********************************

8. NAMCHONG KA’RIMGIPA
“Maina angni pakripe saja, aro angni bal ritchenga.”

Hymn No. 445. A·chik Ring·ani Git (New Version)

Hymn No. 06. A·chik Ring·ani Git (Old Version)

Doh is F.

1. Namchong Karimgipa,
Ong·ate gisiksan;
’Ching Kristian ka·sao bakrima,
Salgisakni gitan.

2. Apa, ching ’gisiksan

Bi·a patiarang’;
Ka·dong, ’katchaa, miksonga’san,
Ching ’kena simbrarang.

3. Duko duk man·rima,

Ching ’balko chilrima;
Aro saksa sakgipinna
Mikchi ong·chakronga.

4. ’Ching Nang·on watgrikna,

Ka·bea ka·tongo;
Indiba apsan ka·donga,
Gronggriktaigen changsao.