Professional Documents
Culture Documents
TEENAGE PREGNANCY
Ang teenage pregnancy ay isa sa mga kasalukuyang isyung panlipunan sa ating
bansa. Ang ilan sa mga dahilan kung bakit ito'y nauuso sa mga kabataan ay dahil sa
kuryosidad at kakulangan ng kaalaman. Kapag sinabing sex, karamihan sa mga
kabataan ay tatawanan lamang ito. Ang hindi alam ng karamihan, ang teenage
pregnancy ay isang seryosong isyung panlipunan na kailangang bigyan pansin.
Ang pagtaas ng teenage pregnancy rate ay nag-ambag ng krisis sa populasyon ng
bansa. At ito rin ang dahilan ng paghinto ng pag-aaral sa mga kabataan at
karamihan sa kanila ay umaasa lang sa kanilang mga magulang dahil walang
trabaho kaya mas lumaganap ang kahirapan dito sa bansa.
Ano ang mga sanhi o factors ng teenage pregnancy?
Bukod sa teknolohiya, marami pang ibang mga dahilan kung bakit maagang
nabubuntis ang mga kabataang babae. Narito ang ilan sa mga ito:
→ Peer pressure - maaaring ang dalaga ay nagpapadala sa mga kaibigan o sino
mang nakapaligid sa kaniya. Kadalasan ang magbabarkadang madalas ay partner-
partner kapag lumabas o gumumigimik, ay nagiging mas mapusok lalo na kung
nakainom na ng alak o anumang alcoholic drink. Madalas din, ito ay dahil sa
kagustuhan ng kani-kanilang mga kapareha o kaya naman, ng magkapareha. Ayon
sa isang pag-aaral, 1 sa bawat 3 binata, edad 15-17 years old, ay nakikipag-sex
nang dahil sa pressure na dulot ng mga kaibigang kalalakihan. Sila ay pinipilit ng
mga kabarakdang makipagtalik sa kasintahan o kabarada ring babae.
→ Pag-inom ng alak o ano mang alcoholic drink - Ika nga ng nakararami, "Pag
may alak, may balak." Kadalasan, dala ng kalasingan, nagiging mas mapusok ang
mga kabataan at natutuksong gumawa ng hindi dapat, kagaya ng pakikipagtalik sa
mura nilang edad. Kaya naman nagreresulta ito, madals sa maagang pagbubuntis.
→ Kakulangan sa kaalaman tungkol sa pakikipag-sex- Partikular sa ating bansa,
ang sex education na dapat na itinuturo sa mga paaralan ay isang napakalaking isyu
at diskusyon. Bagamat napakalakas ng panawagang nanggagaling mula sa iba't-
ibang sektor sa Pilipinas para sa usaping ito, mahigpit pa ring tumututol ang
simbahang Katoiko, maging ang iba pang mga konserbatibong organisasyon.
→ Internet at social media - Ito ay naituturing ngayon na pangunahing dahilan ng
maagang pagbubuntis. Totoo at hindi maikakailang ang internet ay hitik na hitik sa
mga pornogrpiyang materyal na napakadaling i-access ng mga kabataan ngayon.
→ Personal na problema - Ang kabataang may problema sa pamilya ay sa mga
kabarkada naghahanap ng kalinga at atension. Madalas, ang akala nila sila ay
nakahanap na ng karamay kapag kasama ang kanilang mga kaibigan dahil
'sinasamahan' sila sa lahat ng oras. Ngunit halos sa lahat ng oras ng pagsasama,
may kaharap namang alak o mas malala pa, droga, kapag nagkakasama-sama. Base
sa pag-aaral at mga pakikipanayam sa mga awtoridad, dalawa lang o isa sa dalawa
ang madalas na kahihinatnan ng pag-iinuman at pagdodrogang dala ng personal na
problema. Ito ay ang pakikipag-basag-ulo sa iba pang mga kabataan, o pakikipag-
sex sa kapareha o sino mang makilalang 'game' ding makipagtalik.
https://www.studocu.com/ph/document/polytechnic-university-of-the-
philippines/senior-high-school-stem/tekstong-impormatibo-
pagbasa/31021062?fbclid=IwAR3mKDBQEpHkyips-1BU4hGcHjSEVE-
LZ4nvEO80XJ8Lois-zUpxuohXyxw
Mga tanong at sagot:
1. Ano ang layunin ng tekstong nabasa?
Sagot: Ang layunin ng nabasang teksto ay magbigay kaalaman at kamalayan ukol
sa teenage pregnancy na isyu hindi lamang sa Pilipinas, kundi sa buong mundo.
Naglalaman ng mga sanhi, epekto, at posibleng solusyon sa isyung ito. Nagbigay
rin ng gabay ang tekstong ito para sa mga magulang at kabataan kung paano
maiiwasan ang teenage pregnancy. Layunin din nito na magbigay ng pag-unawa at
suporta sa mga kabataang mayroong ganitong problema o suliranin.