Mga itinakdang tungkulin ng lipunan Ang lalaki't babae ay itinuturing na magkaiba, Ngunit ang bawat isa'y may papel, 'di dapat magkanya-kanya.
Sa bawat hakbang, at sa bawat salita
Kahulugan ay hinahanap, ng kasariang nakikita Magkakaiba man ang kulay sa mata ng tao Ngunit ang puso't kaluluwa'y iisa ang diwa't dugo
Kababaiha'y malupit ang sinapit sa kasaysayan
Mahina, mahinhin, at kulong sa kuwadro ang dikta ng lipunan At sa bawat pagkilos ng mga kalalakihan Sila nama'y tinitingala at pinupurihan
At sa pag-usbong ng progresibong lipunan
Iba't-ibang mga kulay ang ating natuklasan Magmula noon hanggang sa kasalukuyan Pagkakakilanlan sa lipunan, ay patuloy na ipinaglalaban.
Ang diskriminasyon ay patuloy na iwinawaksi
Sa kababaihan, kalalakihan, at maging sa LGBT Walang pinagpipilian, ano man ang iyong kulay, Kinabibilangan, o estado man ng buhay Sa gender roles na binalot ng agos ng panahon, Hakbang para sa pagbabago, ito'y dapat nang ialon Sa bawat larangan ay kayang makipagsabayan Sapagkat ang kasarian ay hindi dapat hadlangan
Ang kalayaan sa kasarian ay patuloy na hinahangad
Makilala ng lipunan, at malayang pagpapahayag Sa kilos, salita ay huwag sanang husgahan Sapagkat hindi nito madidiktahan ang kanilang kakayahan
Hanggang kailan ba sila magtatago't maglilihim?
Kailan ba natin sila'y tatanggapin? Natatakot at nangangamba na ihayag ang kanilang damdamin Dahil sa lipunang mapanghusga't nangmamaliit
Ngunit sa pagtuklas ng kasarian at ganda,
Natutunan natin ang halaga ng pagkakaiba. Sa bawat taludtod, at sa bawat salita, Ipinakikita nito ang yaman ng puso at diwa.
Ang sex at gender ay hindi makapagdidikta,
Sa pagkamit ng pangarap at tagumpay ng bawat isa. Sa sarili'ynaglalagablab ang puso at diwa At sa bawat araw ay wagi ang pagmamahal at pag-asa
Ang kasarian ay hindi kayang humadlang,
At sa kanilang kakayaha'y hindi nito kayang humarang Ang bawat isa ay may mga kuwento at halaga Kaya nama'y igalang at respetuhin ang bawat isa
Ang kasarian at sekswalidad, hindi hadlang sa pag-unlad
Ang pag-unlad ng lipunan ay dapat para sa lahat, Walang dapat maapakang karapatan, ang bawat isa'y may halaga. Pagkakapantay-pantay ang hangad ng sambayanan