INOSENTENG DAMDAMIN

(by: Alma Theresa T. Daulat)

SA BAWAT PAGTATAMA NG ATING MGA MATA

MAY HATID SA DAMDAMING BAGO SA PANDAMA
ANIMOY MAY PARUPARO SA DIBDIB KONG SOBRANG KABA
INOSENTENG PAKIRAMDAM NA KINALITUHAN KO NOONG UNA

DAHIL SA’YO MARAMING NAGBAGO

SA DATING NAPAKASIMPLENG BUHAY KO
NAGING MAKULAY BIGLA ANG MADILIM KONG MUNDO
SA KAKAIBANG DAMDAMIN NALULUNOD AKO.

TUWING TAYO AY NAGKAKALAPIT

PUSO KOY BUMIBILIS ANG PINTIG
MAY MGA SALITANG HINDI KO MABANGGIT
ITO NA NGA KAYA ANG TINATAWAG NA PAG-IBIG

HINDI KUMPLETO ANG ARAW NG HINDI KA NASISILAYAN

SA IPINAMAMALAS MO MAY PAG-ASA AKONG NATANAW
MAY FOREVER ANG SAYA PANGAKONG PANG HABANGBUHAY
INSPIRADONG SUMALUBONG SA BAWAT MGA ARAW

SUBALIT, DATAPAWAT ANO AT NAGBAGO

NAGING MATAMLAY ANG DATI’Y MAINIT NA PAKIKITUNGO
MAY NAGAWA BANG MALI O PAGKUKULANG AKO
NASAAN NA ANG LAMBING NA DATIY DULOT MO?

NASAAN NA ANG MGA MALULUTONG NA HALAKHAK

PUSO KO’Y NANGULILA SA NAIWAN MONG PITAK
MUNDO KONG KINULAYAN MO DUMILIM NA ANG SINAG
LUHA SA MGA MATA KOY UNTI-UNTING PUMATAK

DUMATING KA SA PANAHONG HINDI KITA HINAHANAP

TINANGGAP KITA AT PINAHALAGAHAN NANG TAPAT
ANOT BIGLA LANG AKO AY NALINGAT
KABIGUAN BA ITONG SA AKIN AY IYONG IBUBUNGAD

UMASA AKO NA MERONG TAYO

NANGARAP AT NAGING INSPIRADO
SA PAG-IBIG NA PINANGARAP KO
SUBALIT MUKHANG NAG-IISA LANG AKONG NAGBUO NITO

MASARAP UMIBIG, MASAKIT MABIGO

MAY HATID NA KILIG MAY DALANG PAGSUKO
MAY KAALIWAN AT MAY PAGKALUMO\
MAY HATID NA ARAL ANG BAWAT YUGTO

DARATING ANG PANAHONG MULING MAGKRUKRUS ANG LANDAS NATIN

ISASALUBONG KO SA IYOY ISANG MATAMIS NA NGITI PA RIN
SA TAONG UNANG-UNANG NAGPAKILIG SA AKIN
SA UNANG NAGPADAMA NG KAKAIBANG DAMDAMIN