DANA MBOJO MBORA MBARI NA

Nti'di lingi na ade di eli ma alu dou ma ulu-ulu

Dana Mbojo ma mawo, dana Mbojo ma babuju

Dana ma ncewi ntika jao na, ma hawo busi na

Manusia na ma sakaka "Ina" ro sandaka rawi ra ngina

Dana Mbojo, dana mbari

Dana Mbojo, dana mbari

Pala ake na wa'ura mbora kou mbari na

Do'a-do'a ro ngaji tua na wa'ura mbora sambura

Ta’be ku rua ro riruna?

Tabe ku rua ro riru na

Maja Labo Dahu, Nggahi Rawi Pahu, Ngaha Aina Ngoho??

Ta’be ku rua ro riruna nonto na mori ra sandaka ba babende baboa ndai ta ntoi?

Dana Mbojo... Mbora mbari na…

Dana Mbojo na wa'ura mbora mbari na...!!!

Mbora raso na, mbora hoso na

Dumu ba dou na wa'ura mbora aka na, mbora ikrar na.

Dana di landa, tuta di lela

Jompa ro lengge na wa'ura lele

Mbora ruma na, mbora nawa na

Lele na fu'u lele batu ba ro'o na

Mbora mori na, lingi nawa na

E...Au le...

Arugele ro sagele wati du ntau na eli dei niki nganto tolo

Ntoko poke ro pako ma kante'u ta wa'ura nefa sakali

E...aule...

Dana di landa, tuta di lela

Mbora mori na, lingi nawa na

Mboho ra'a dou sa'udu aina kampoa

Mboho ra'a na ma sakaka dana, sakaka "Ina kandu ala"

Dana ake... Dana mbojo ndaita

Dana ra dei kai sumpa ro sake ba dou-dou ma ulu

Ma made ro mori na di ru'u 'ba dana Mbojo

“Tahopu mori di umbu daripada mori dijaja.

Dana mbojo diru’u Mbojo lain diru’u cou-cou.

Ndai loasi ncao sampe sa made”