KOMUNIKASYON ANG KOMUNIKASYON AY GAMIT NATIN SA PAGPAPAKALAT NG MGA MAHAHALAGANG KAALAMAN AT IMPORMASYON
Ang karamihan sa ating pagkaunawa sa mundo ay
dulot nang malayang pagbabahagi ng kaalaman sa mga taong nakapaligid sa atin gaya ng ating mga magulang, kaibigan, at mga guro.
Nalalaman natin ang mga pangunahing pangyayari sa
ating lipunan at maging sa mundo mula sa mga pagbabalita sa radio, telebisyon, dyaryo, at gamit ang mga makabagong kagamitan gaya ng internet. GINAGAMIT ANG KOMUNIKASYON UPANG MAGBIGAY GABAY AT PANUTO GAYUNDIN UPANG MANIPULAHIN ANG KILOS NG TAO
Marami sa ating mga pang – araw – araw na kilos ay
ginagabayan at ginagamitan ng komunikasyon.
Halimbawa, ang mga tao na nasa kalsada gaya ng mga
mananakay at mga motorist ay pangunahing ginagabayan ng mga simbolo o mga gabay pantrapiko. Ang mga ito ay naglalayong isaayos ang mga tao sa kalsada upang maiwasa ang mga sakuna sa daan. MABISANG PAMPAMULAT NG ISIP AT DIWA ANG KOMUNIKASYON Sa buhay ng tao, maraming karanasa ang nakapagdudulot ng kaibahan sa pananaw sa buhay. Ang komunikasyon ay hindi isang ordinaryong sistema lang ng pagpapadala ng mga mensage ngunit ito ay mabisang gamit din upang magbigay liwanag sa isipan ng taong nakararanas ng kalituhan at kawalang pag – asa. Kapag ang tao ay nahaharap sa mga suliranin, karaniwan ang pagbibigay ng payo na nakatutulong upang buhayin ang diwa ng tao. ANG KOMUNIKASYON AY SUSI SA PAGTAMO NG PAGKAKAISA Mahalaga ang bukas na komunikasyon upang mapanatili ang kaayusan ng ugnayan at relasyon sa pagitan ng mga tao sa bawat isa. Maraming mapagsamantalang puwersa ang nawakasan ng tao dahil sa paggamit ng kapangyarihan ng komunikasyon. Gaya sa pilipinas, ang mapayapang pagaaklas sa EDSA ay naisakatuparan dahil sa maayos na panggamit sa komunikasyon upang hikayatin ang mga tao na makiisa sa pagkilos. SA PAGTAMO NG LAYUNIN, ANG KOMUNIKASYON AY MABISANG GAMIT Bahagi ng pagsasakatuparan ng ating mga layunin ang paggamit sa komunikasyon. Magandang halimbawa nito ay sa tuwing panahon ng eleksyon, ang mga nagnanais na mahalal sa posisyon ay pangunahing ginagamit ang komunikasyon upang hikayatin ang publiko na sila ay iboto. Ang mga ahente ng mga sari – saring produkto ay puhunan din ang mahusay na komunikasyon upang makahikayat ng mga mamimili at makabenta.