si Pang. Manuel L. Quezon sa Saranac Lake, New York dahil sa sakit na tuberculosis. Pamalit sa kanya bilang pangulo si Sergio Osmeña Sr. Pagbabalik ng mga Amerikano • Sinimulang bombahin ng mga Amerikano ang mga kuta ng Hapon sa Davao noong Aug. 9, 1944. Sinundan ito ng pagdaong ng mga Amerikano sa Palo, Leyte noong Oct. 20, 1944. Ito ang simula ng pagbabalik ng mga Amerikano sa Pilipinas. Paglaya ng Maynila • Napalaya ng mga Amerikano ang Maynila noong Feb. 23, 1945 matapos ang mahigit sampung araw na labanan. Daan-daang mga sibilyan ang namatay sa nasabing labanan. Paglaya ng Pilipinas • Noong ika-4 ng Hulyo 1945, ipinahayag ni Hen. MacArthur ang paglaya ng Pilipinas mula sa kamay ng mga Hapon. Ngunit may mga nalalabi paring mga puwersa ng mga Hapon na hindi sumusuko sa ibang mga lugar sa Pilipinas. Pagwawakas ng Digmaan • Aug. 6, 1945, pinasabog sa unang pagkakataon ang Atomic Bomb sa Hiroshima. Nasundan pa ito ng isa pang pagsabog sa Nagasaki noong Aug. 9, 1945. Matapos nito, ipinahayag ni Emperor Hirohito ng Hapon ang pagsuko nito sa digmaan. • Nilagdaan ang kondisyon ng pagsuko sa barkong USS Missouri sa Tokyo Bay, Japan noong Setyembre 2, 1945. Ito ang pormal na pagtatapos ng Ikalawang Digmaang Pandaigdig. Pagsuko ng mga Hapon sa Pilipinas • Mula Maynila, umurong ang mga puwersang Hapones sa pamumuno ni Gen. Tomoyuki Yamashita sa Aparri, Cagayan. Nanatili sila roon hanggang sa kanilang pagsuko noong Setyembre 3, 1945. Dito pormal na nagwakas ang pananakop ng mga Hapon sa Pilipinas. Pagwawakas ng Pamahalaang Komonwelt. • Noong Abril 23, 1946, naganap ang huling halaan sa ilalim ng pamahalaang komonwelt. Nagwagi sa halaang ito si Manuel Roxas at Elpidio Quirino bilang pangulo at pangalawang pangulo. Sila rin ang naging unang mga pinuno ng Ikatlong Republika ng Pilipinas. Ang Ikatlong Republika Ang Pilipinas bilang Malayang Bansa Paglaya ng Pilipinas • Matapos ang mahigit 48 taong panunungkulan, ipinahayag ng mga Amerikano ang kasarinlan ng Pilipinas noong Hulyo 4, 1946. Naging isang ganap na estado ang Pilipinas. Nanumpa bilang unang pangulo si Manuel A. Roxas. HAMON AT SULIRANIN SA KASARINLAN PAGKATAPOS NG IKALAWANG DIGMAANG PANDAIGDIG Labis ang pinsalang natamo ng Pilipinas dulot ng nagdaang digmaan. Kaya naman, nang maging isang ganap na republika ang Pilipinas noong 1946 ay naharap ito sa malalaking suliranin tulad ng sumusunod: 1. Pagsasagawa ng malawakang pagbabagong-tatag upang muling maibangon at maitayo ang mga nawasak na tirahan at gusali. 2. Pagresolba sa pagkakaroon ng malaking kakulangan sa mga hayop na gagamitin sa pagsasaka. 3. Pagsasaayos ng mga taniman at sakahan upang muling mapakinabangan. 4. Paglutas sa suliranin sa salapi dulot ng pagkalugi ng pamahalaan sanhi ng pananakop ng mga Hapones. 5. Pagsasaayos ng mga industriyang nasira sa pamamagitan ng pag-aangkat ng bagong makinarya. 6. Pag-aangkop ng sistema ng edukasyon sa bagong kalagayan ng bansa. 7. Pag-aangat sa pagpapahalagang-moral at espiritwal ng mga Pilipinong lubos na naapektuhan sanhi ng pananakop ng mga Hapones at ng nagdaang digmaan. SULIRANING PANGKABUHAYAN AT PANLIPUNAN 1. Paglipat ng mga tao mula probinsiya papuntang Maynila *Solusyon: NARRA o National Resettlement and Rehabilitation Administration – samahang nangangasiwa sa paglilipat ng mga informal settlers sa iba’t ibang pook sa labas ng Maynila at iba pang lungsod. 2. Pag-aangkat at pagluluwas 3. Kakulangan sa pananalapi 4. Pagkontrol ng kalakal ng mga dayuhan 5. Paghihirap ng mga magsasaka 6. Maling pagpapairal ng hustisya 7. Hindi tapat na paglilingkod ng ilang pulitiko