Professional Documents
Culture Documents
Jocose lie
Isang uri ng pagsisinungaling na kung saan sinasabi o sinasambit para maghatid ng
kasiyahan lamang. Ipinapahayag ito upang magbigay aliw ngunit hindi sadya ang
pagsisinungaling.
Halimbawa: Pagkukwento ng isang kapatid tungkol sa pagtupad ng kahilingan ng
isang diwata sa isang bata dahil sa pagiging masipag nito.
Officious lie
Tawag sa isang nagpapahayag upang maipagtanggol ang kaniyang sarili o di kaya
ay paglikha ng usaping kahiya-hiya upang ditto maibaling, kahit gaano pa ang
ibinigay nitong mabigat na dahilan.
Halimbawa: Ang isang estudyante na ibinaling ang kaniyang pag ka huli sa klase
dahil sa pagkapuyat niya sa pag punta nila sa isang party ng kanilang kamag anak,
na ang totoo’y nag puyat siya sa paglalaro sa kaniyang cell phone.
Pernicious lie
Natural Secrets
Mga sikreto na nakaugat mula sa Likas na Batas Moral. Mga katotohanan na
nakasulat dito ay magdudulot sa tao ng hinagpis at sakit sa isa’t-isa. Ang bigat na
ginawang kamalian (guilt) ay nakasalalay kung ano ang bigat ng kapabayang
ginawa.
Promised Secrets
Ang pagsasabi ng totoo ay hindi lamang pagpapahayag nang ayon sa nasa isip,
ito rin ay maipapahayag sa mas malalim na pag-iisip , pananalita at pagkilos
bilang isang nagpapahalaga sa katotohanan.
Mula sa matalinong pag-iisip at pagpili, ang pagiging totoo ay solusyon sa mga
posibleng hidwaan, mga pagkakaiba-iba sa pananaw, hindi pagkakaunawaan,
mga sakit ng kalooban at kahihiyan at nakababawas ng pagkakahiwa-hiwalay
sa pagitan ng bawat isa tungo sa pagkamit ng kapayapaan at maayos na
samahan.
Mga Isyu sa ating Kapaligiran na Humahamon
sa Kasagraduhan ng Katotohanan
Plagiarism
- Isang paglabag sa intellectual honesty (Artikulo, A ET Al 2003). Ito ay isyu na
may kaugnayan sa pananagutan sa pagpapahayag ng katotohanan at katapatan sa
mga datos, mga ideya, mga pangungusap, buod at balangkas ng isang akda,
programa, himig at iba pa ngunit hindi kinikilala ang pinagmulan bagkus nabuo
lamang dahil sa illegal.
Intellectual Piracy
Ang paglabag sa karapatang-ari (Copyright Infringement) ay naipapakita sa paggamit nang walang
pahintulot sa mga orihinal na gawa ng isang taong pinoprotektahan ng Law on Copyright mula sa
Intellectual Property Code of the Philippines 1987.
Ang paglabag ay sa paraan ng pagpaparami, pagpapakalat, pagbabahagi, at panggagaya sa pagbuo ng
bagong likha.
Ang piracy ay isang uri ng pagnanakaw o paglabag dahil may intension para sa pinansiyal na dahilan.
Ang theft ay hindi lamang literal na pagnanakaw o pagkuha nang walang pakundangan kundi lubusang
pag-angkin sa pag-aari nang iba na walang paggalang sa karapatang nakapaloob dito.
Ang pagda-download ng kahit anong files sa internet ay matatawag na piracy o pagnanakaw. Anuman
ang maging dahilan sa pag-download, ito ay maituturing pa ring paglabag sa karapatang-ari ng taong
nararapat sa pagkilala at paggalang.
Whistleblowing
Ito ay isang akto o hayagang kilos ng pagsiwalat mula sa tao na karaniwan ay empleyado ng
gobyerno o pribadong organisasyon/korporasyon.
Whistleblower naman ang tawag sa taong naging daan ng pagbubunyag o pagsisiwalat ng mga
maling asal, hayagang pagsisinungaling, mga immoral o illegal na gawain na naganap sa loob ng
isang samahan o organisasyon.
Ang paghahayag ng katotohanan ay tunay na mabuti at matuwid na gawain at walang pasubali na isa
itong moral na obligasyon ng bawat tao.
Sa pangkahalatan, ang katotohanan ay dapat mapanindigan at ipahayag nang may katapangan sa
angkop na pagkakataon dahil ito ang nararapat na gawin ng isang matapat at mabuting tao. Ang
pagsasabi ng totoo ay pagpapairal ng kung ano ang inaasahan sa atin bilang tao at mapanagutang
mamamayan sa lipunan. Ito rin ay pagpapakita ng paggalang at pagpapahalaga sa dignidad ng sarili
at kapuwa.
Sa ating lipunan, nakikita natin ang kawalan ng paggalang sa katotohanan dahil sa mga isyu sa
plagiarism, intellectual piracy, whistleblowing, at gampanin ng social media sa usapin ng katotohanan.
Nilalabag ng plagiarism at intellectual piracy ang karapatang pantao at kawalan ng pagkilala at paggalang
sa pagkatao ng tunay na may akda. Samantala, masasabing gawaing mabuti naman ang whistleblowing
dahil naibubunyag ang katotohanan at naisisiwalat ang gawaing masama. Hindi rin maihihiwalay ang
impluwensiya ng social media na tila nagpapahina o nagpapalakas sa kaisipan ng mga netizens na maging
mapanagutan sa mga kaakibat na obligasyon sa paggamit dito. Ang obligasyong ito ay mula sa kampanyang
“Think Before You Click” ng isang media outlet.
Ang pagmamahal sa katotohanan o ang pagiging makatotohanan ay dapat maisabuhay at
mapagsikapang mapairal sa lahat ng pagkakataon.
Dahil sa kawalan ng paghahanap sa katotohanan, ang kasinungalingan ang nangingibabaw.
Ito ngayon ang hamon sa bawat tao – maging instrument tungo sa katotohanan at magsikap na
mapanindigan nang may katuwiran ang piniling pasiya at mga pagpapahalaga.