kapwa ko guro at sa mga estudyante ko lalo na sa GRADE 8 “Hindi Ako Susulat ng Sitenta’y Singko” Hindi ako susulat ng sitenta’y singko, kapalit ng mga records mong blanko.
Hindi ako susulat ng
sitenta’y singko, kahit nanay mo pa’y magreklamo. Hindi ako susulat ng sitenta’y singko ng hindi man lang kita nakitang gumawa sa klase ko.
Hindi ako susulat ng sitenta’y
singko, lalo pa’t alam kong sa aki’y di ka natuto. Nung mga panahong sa patuturo’y halos tumambling ako, hindi ba’t naroon ka lang sa dulo’t panay ang daldal at tawa mo; Kung kaya’t bakit naman ako susulat ng sitenta’y singko para sa’yo? Naalala mo ba kung ilang beses akong naghintay sa’yo? Naghintay sa mga project at activity na dapat ipinasa mo? Kung kaya’t Hindi ako susulat ng sitenta’y singko para lang pataasin ang ratings ng IPCRF ko, kahit pa ang kamalian mo’y sa akin isisi ng gobyerno. Patawad, pero hindi ako susulat ng sitenta’y singko; hindi dahil sa maramot ako, kundi dahil sa ito na lamang ang kabig na mayroon ako. Hindi ako susulat ng sitenta’y singko para siraan ang buhay mo, bagkus ito ang paraan ko para maipakita ang concern ko sayo. Patawad kung hindi kayang sumulat ng kamay ko ng sitenta’y singko, kapalit ng natitira ko pang maliit na respeto sa sarili ko at sa trabahong ito. Patawad, sapagkat para sa aki’y pinaghihirapan ang isusulat kong sitenta’y singko. Isa pa............ HINDI KA LANG PANG SITENTA’Y SINGKO! HIGIT PA RITO ANG KAYA MO, KAYA’T UMAYOS KA AT BAGUHIN ANG BUHAY MO!