Професор по историја ПОЈАВА НА ФАШИЗМОТ По завршувањето на Првата Светска војна, некои земји се со цел да ги зачуваат своите економски и политички интереси, ја напуштиле демократијата и парламентаризмот и го прифатиле фашизмот, како најгруб вид на тоталитаризам. Фашистичката идеологија ширела национална омраза и расизам и се служела со празни ветувања дека ќе ги реши проблемите во општеството. Фашизмот најпрво се појавил во Италија а потоа и во Австрија, Шпанија, Португалија, Романија, Унгарија, а најголем израз имал во Германија и Јапонија. ПОЈАВА НА ФАШИЗМОТ ВО ИТАЛИЈА Италија, незадоволна од Париските мировни договори, го вовела фашизмот на чело со Бенито Мусолини. Мусолини го извел т.н. Марш на Рим и ја презел власта. Кралот Емануел III ја предал власта на Мусолини, и така тој станал дуче ( водач) на народот. Мусолини создал фашистички одреди (црни кошули), тајна полиција, а ги забранил и работничките партии и здруженија. Идејата на Мусолини била да ја претвори Италија во империја и да го претвори Средоземното море во Италијанско море. Бенито Мусолини Емануел III НАЦИЗМОТ ВО ГЕРМАНИЈА По првата Светска војна, Германија влегла во тешка политичка и економска криза. Во такви услови во 1919 година во Минхен се создала Национал- социјалистичката партија (нацистичката) на чело со Адолф Хитлер. Оваа партија на парламентарните избори во 1932 година, добила најмногу пратенички места во Рајстагот ( парламентот). Во 1933 година Хитлер го распуштил парламентот и ги укинал сите политички партии, освен нацистичката, и се прогласил за фирер (водач) на германскиот народ. Адолф Хитлер Главни карактериски на нацизмот биле: национализам, расизам, антисемитизам, антикомунизам и експанзионизам. По доаѓањето на власт, главна политика на фашистите бил антисемитизмот, па затоа ги донеле и т.н. Нирнбершки закони со кои евреите биле прогласени за непријатели на народот. Според расистичката теорија германската раса била супериорна и таа требала да владее со светот, а наводно инфериорните раси како што се евреите, словените, ромите, да бидат ликвидирани или претворени во робови. Со антикомунистичката политика во Германија се настојувало да се забрани секаква комунистичка активност, која била најголема опасност за нацистите. Значајна карактеристика е и експанзионизмот и од таа причина Хитлер откако ја зел власта, веднаш почнал да води активна политика за ревизија на Париските мировни договори. ПРВИТЕ АГРЕСИИ НА ФАШИСТИЧКИТЕ ДРЖАВИ
Првата држава што тргнала во агресивна надворешна политика била
Италија. Таа во 1923 година го анектирала југословенскиот град Риека и грчкиот остов Крф. Африканската држава Етиопија ја претворила во своја колонија а подоцна Италија ја окупирала и Албанија. Поагресивна политика водела Германија која ја присоединила Сарската област а подоцна и Рајнската област кои по Првата Светска војна биле присоединети на Франција. Во 1938 со т.н аншлус насилно ја присоедини Австрија кон Германија. Со Минхеската спогодба помеѓу Хитлер, Мусолини, Чемберлен и Даладие на Германија и било овозможено да и се врати Судетската област населена со германци, а подоцна започнала и со окупацијата на Чехословачка. Во 1936 година, Германија, Италија и Јапонија ја формирале оската Рим-Берлин-Токио, се со цел полесно да ги реализират нивните освојувачки намери и наметнување на новиот поредок во светот.
Демократските земји давале отпор против фашизмот, па на тој
начин значајна улога имал Народниот фронт, создаден по иницијатива на Коминтерната на чело со Георги Димитров. Силен отпор против фашистите имало и во Шпанија, каде се водела Граѓанската војна. Во оваа војна фашистите помогнати од Германија и Италија успеале да ги поразат републиканските бранители во чии редови имало 35.000 доброволци од 69 земји од целиот свет. ДОМАШНА РАБОТА Изработете хронолошка табела и испратете ја на мојот facebook профил
https://www.fb.com/krste.stamadziev ВИ БЛАГОДАРАМ ЗА ВНИМАНИЕТО И СОРАБОТКАТА