Mga Kontekstong Historikal na

Batayan ng Karapatang Pantao

mula sa Sinaunang Panahon
hanggang sa pagkabuo ng
Universal Declaration of Human
Rights.
Pagkabuo ng Karapatang Pantao
539 B.C.E. – Sinakop ni Haring Cyrus ng
Persia at kaniyang mga tauhan ang lungsod
ng Babylon. Pinalaya niya ang mga alipin at
ipinahayag na maaari silang pumili ng sariling
relihiyon. Idineklara rin ang pagkakapantay-
pantay ng lahat ng lahi.
 Nakatala ito sa isang baked-clay cylinder na

tanyag sa tawag na “Cyrus Cylinder.”

Tinagurian ito bilang “world’s first charter of
human rights.”
 Kinakitaan din ng kaisipan tungkol sa
karapatang pantao ang iba pang sinaunang
kabihasnan tulad ng India, Greece, at Rome.
 Ang mga itinatag na relihiyon at
pananampalataya sa Asya tulad ng Judaism,
Hinduism, Kristiyanismo, Buddhism, Taoism,
Islam at iba pa ay nakapaglahad ng mga
kodigo tungkol sa moralidad, kaisipan
tungkol sa dignidad ng tao at tungkulin nito
sa kaniyang kapwa.
 Noong 1215, sapilitang lumagda si John I,
Hari ng England, sa Magna Carta, isang
dokumentong naglalahad ng ilang karapatan
ng mga taga-England. Ilan sa mga ito ay
hindi maaaring dakpin, ipakulong, at bawiin
ang anumang ari-arian ng sinuman nang
walang pagpapasiya ng hukuman. Sa
dokumentong ito, nilimitahan ang
kapangyarihan ng hari ng bansa.
 Noong 1628 sa England, ipinasa ang Petition
of Right na naglalaman ng mga karapatan
tulad nang hindi pagpataw ng buwis nang
walang pahintulot ng Parliament, pagbawal sa
pagkulong nang walang sapat na dahilan, at
hindi pagdeklara ng batas militar sa panahon
ng kapayapaan.
 Noong 1787, inaprubahan ng United States
Congress ang Saligang-batas ng kanilang
bansa.Sa dokumentong ito, nakapaloob ang
Bill of Rights na ipinatupad noong Disyembre
15, 1791. Ito ang nagbigay-proteksiyon sa
mga karapatang pantao ng lahat ng
mamamayan at maging ang iba pang taong
nanirahan sa bansa.
 Noong 1789, nagtagumpay ang French
Revolution na wakasan ang ganap na
kapangyarihan ni Haring Louis XVI. Sumunod
ang paglagda ng Declaration of the Rights of
Man and of the Citizen na naglalaman ng mga
karapatan ng mamamayan.
 Noong 1864, isinagawa ang pagpupulong ng
labing-anim na Europeong bansa at ilang
estado ng United States sa Geneva,
Switzerland. Kinilala ito bilang The First
Geneva Convention na may layuning
isaalang-alang ang pag-alaga sa mga
nasugatan at may sakit na sundalo nang
walang anumang diskriminasyon.
 Noong 1948, itinatag ng United Nations ang
Human Rights Commission sa pangunguna ni
Eleanor Roosevelt, asawa ng yumaong
Pangulong Franklin Roosevelt ng United
States. Sa pamamagitan ng naturang
komisyon, nilagdaan at ipinatupad ang
dokumentong tinawag na Universal
Declaration of Human Rights.
Mga Dokumentong Nakapaloob ang
mga Karapatang Pantao

 Cyrus’ Cylinder
 Maging malaya ang mga alipin
 Karapatang pumili ng nais na relihiyon
 Pagkakaroon ng pagkakapantay-pantay
 Magna Carta
-Hindi maaaring dakpin, ipakulong, at
bawiin ang anumang ari-arian ng sinoman
nang walang pag-papasya ng hukuman
 Petition of Rights
 Hindi pagpataw ng buwis nang walang
pahintulot ng Parliament
 Pagbawal sa pagkulong nang walang sapat na
dahilan
 Bill of Rights
- Karapatang pantao ng lahat ng mamamayan
at iba pang nanirahan sa bansa
 Declaration of the Rights of Man and of the
Citizen
- Karapatan ng mga mamamayan
 The First Geneva Convention
 Karapatan ng mga nasugatan at may sakit na

sundalo
- Pagkakapantay-pantay
  Tanong:

1. Bakit mahalaga ang mga binanggit na

dokumento sa pag-unlad ng konsepto ng
karapatang pantao?

2. Ano-ano ang pagkakatulad sa nilalaman

mga dokumento batay sa ating natalakay?
 “Paano nabuo ang konsepto ng mga
karapatang pantao?”
 Dumaan sa napakahabang panahon at
hinubog ng iba’t ibang pangyayari ang
pagkabuo ng konsepto ng mga karapatang
pantao. Ang kalikasan ng tao sa pagkakaroon
ng mga karapatan bilang nilalang na may
dignidad ang naging batayan sa pagkilala ng
mga karapatang ito. Idagdag pa rito ang pasya
ng mga pinuno at tagasunod na magkaroon ng
mga patakarang mag-aangat at magbibigay ng
paggalang sa buhay na taglay ng tao.