ESPANYA SA PILIPINAS Inihanda ni: Bb. Karen M. Cervantes • Noong Marso 16, 1521, narating nina Magellan ang isla ng Homonhon sumunod ang Isla ng Limasawa sa may Southern Leyte
• nakilala niya si Rajah Kulambu na
lubhang humanga sa kanilang kasuotan at kagamitan • Nagkaroon ng isang "kasi- kasi" o blood compact tanda ng kanilang pagkakaibigan.
• Dito isinagawa ang unang
pagmimisa sa bansa. Narating nila ang isla ng Sugbu o Cebu na kung saan ay nagkaroon din ng blood compact sa pagitan ni Magellan at Raja Humabon. Isang misa ang idinaos na pinangunahan ni Padre Pedro Valderama. Pagkaraan ng misa ay itinayo ni Magellan ang isang malaking kahoy na krus at ibinigay sa asawa ni Raja Humabon ang isang imahe ng Sto. Niño. Humigit kumulang 800 katao ang nakiisa sa misa na sinundan ng isang binyagan. Si Raja Humabon ay binigyan ng pangalang Carlos at ang kanyang asawa ay pinangalanang Juana. Ipinangako ni Magallen na pag-iisahin niya ang lahat ng mga pinuno sa ilalim ng kanyang pamamahala, ngunit may isang pinuno na hindi tanggap ang presensya ng mga Espanyol sa kanilang lugar. Siya si Lapu-Lapu, isang pinuno sa isla ng Mactan. Nilusob ni Magellan at ng mga kasama ang isla. At naganap nga ang Battle of Mactan, ngunit sa kasawiang palad ay napatay si Magellan. Sa pagkamatay ni Magellan ay nilisan ng mga Espanyol ang bansa at itinuloy ang paglalayag papuntang Spice Islands at pabalik ng Espanya sa pamumuno ni Sebastian del Cano. Ang Iba pang Ekspedisyon ng mga Espanyol sa Pilipinas Sa pagbabalik nila Sebastian del Cano ay nabigyan ideya ang Espanya sa maaaring yaman na makukuha nila kung babalikan ang mga lugar na napuntahan ng ekspedisyon. Napagdesisyunan ni Haring Charles I na dapat sakupin ang Pilipinas. Nagpadala ng limang ekspedisyon ang Espanya ngunit yung dalawang huli lamang ang nakarating sa bansa. Ang unang tatlo ay pinamunuan nina Garcia Jofre Loaisa (1525), Sebastian Cabot (1526), at Alvaro de Saavedra (1527). Ekspedisyon ni Ruy Lopez de Villalobos (1542) Ang kanyang paglalayag ay nanggaling sa Navida, Mexico noong Nobyembre 1, 1542. Tinahak niya ang rutang dinaanan ni Magellan at narating ang Mindanao noong Pebrero 2, 1543. Nagtayo siya ng kolonya sa Saranggani ngunit dahil sa kakulangan sa pagkain ay nilisan niya ang lugar. Narating niya ang Tidore, Moluccas ngunit nabihag siya ng mga Portuges. Si Villalobos ang nagbigay ng pangalang "Islas Filipinas" sa ating bansa bilang pagkilala sa anak ni Haring Charles I na si Prinsipe Philip na 'di naglayon ay naging hari ng Espanya. Dahil sa kabiguan ng apat na ekspedisyon ay napagdesisyunan ni Haring Charles na ihinto na ang pagpapadala ng mga mananakop sa Pilipinas. Ngunit, nang maging hari na ang kanyang anak na si Philip II ay ipinagpatuloy nito ang ekspedisyon. Ekspedisyon ni Miguel Lopez de Legazpi (1565) at ang Pagsakop ng mga Espanyol sa Pilipinas Kasama ni Legazpi sa paglalayag si Padre Andres de Urdaneta. Pebrero 13,1565 nang marating nila ang Cebu, Leyte, Camiguin at Bohol. Dito sa Bohol ay nagkaroon siya ng pakikipagsanduguan o blood compact sa pinuno nito na si Datu Sikatuna. Dahil sa pakikipag kaibigan ni Legazpi kay Sikatuna ay nakakuha siya ng mga ginto at spices. Abril 27, 1565 nang muling bumalik si Legazpi sa Cebu. Sinira niya ang lugar ni Raja Tupas at nagtayo siya ng mga tirahan ng mga Espanyol. Dumating ang karagdagang 2,100 puwersa sa utos ng hari at itinayo ang Fuerza de San Pedro na naging isang trading outpost at sentro ng kapangyarihan. Napag-alaman nina Legazpi na may isang lugar sa isla ng Luzon na mayaman. Ito ay ang Maynila. Ipinadala niya si Martin de Goiti kasama ang 300 katao upang tingnan ang lugar. Sa kanilang paglalakbay ay narating nila ang mga isla ng Panay at Mindoro. Mayo 8, 1570 nang marating nina de Goiti ang Maynila. Noong una ay naging maganda ang pakikitungo sa kanila ng mga residente sa pamumuno ni Raja Sulayman ngunit, unti-unti nilang nadiskubre ang tunay na motibo ng mga Espanyol. Ang pagdududang ito ay nauwi sa labanan. Dahil sa mas nakakaangat ang mga armas ng mga dayuhan ay madaling nagapi ang mga Pilipino. Bumagsak na sa kamay ng mga dayuhan ang Maynila. Hindi nagtagal ay dumating sa Maynila si Legazpi at nakipagkasundo ng kapayapaan kina Raja Sulayman, Lakandula at Matanda. Ipinag-utos ni Legazpi ang pagpapatayo ng Intramuros (Walled City) at ipinoroklama ito bilang sentro ng pamahalaang kolonya at kapital ng bansa. Taong 1572 nang mamatay si Legazpi at ang kanyang labi ay inilagak sa simbahan ng San Agustin. Taong 1574 nang ginawaran ang Maynila ng titulong "Insigne y Siempre Leal Ciudad de España" (Distinguished and Ever Loyal City of Spain) ni Haring Philip II ng Espanya. Naging matagumpay ang pananakop ng Espanya sa Pilipinas dahil sa kakulangan ng pagkakaisa ng mga Pilipino. Walang isang sentralisadong pamahalaan na bumuklod sa mga tao. May mga barangay ngunit, ito ay nagsasarili lamang. Mga LAYUNIN ng mga Espanyol sa pananakop:
1. ang magkamal ng yaman,
2. maipalaganap ang Kristiyanismo, at 3. maging tanyag sa mundo sa pagkakaroon ng bagong teritoryo. PANUTO: Sagutan ang “GAWAIN” 3 na nasa LMS.